Biblia Todo Logo
Bib sou entènèt

- Piblisite -




Bugagia Bidibo Kolesagade Po Asęai Buku 15:6 - Godigo dwagi yai po buku

6 Te doloba pai bidi dabego augwa bede te doado bage hauwa elalueibao. Tiali goli, te dwai sę ebo bidi dabego monede te augwaba sęgę pedelaibao.

Gade chapit la Kopi




Bugagia Bidibo Kolesagade Po Asęai Buku 15:6
16 Referans Kwoze  

Eno te wiegi yai nai hauwa mu te ena wei mu ebo bidi dabego sabobo madiba te pesage mu holaibao. Tama augwaligo te madi mu pągąna saibao.”


Te wiegi yai homu elalubo bidigo, agai te aga beba te tobage wiegi yai nai dabe saboyu, sisinaibao. Tiali goli, te wiegi yai homu elalusiąbo bidigo, augwaligo te augwa doado bage dabe silibo dao.


Te Genuai Bidigo digi dabolo te wiegi yai doado bage hauwa mayu, agai te doado bagego dabolo te sęgę momainu me ebo menio.


Agai we wai augwaligo mone dali nai hauwa siyu, tama augwali bugagia sesemane sogo bidaibao.


Agai te homu yali, te aga te nosali asaibao wali bidi Kraisgo nogide hale siyu da, tego te tigidali mone me te Isipde elalubo te au dobage dabe te aiyaba mu elaluaibao. Tama te gasagi yai wiegi yai nai te Godigo agabolo mawaibao po, tede aga homugo kęą palio.


Te nago dwasianu nai naga elalu, tama nago doloba pai kolesaga wali pobaso da, teda nago te tebo ulago te moni mone pesage hauwa umabo elalubo bidigo te dwai sę ebo kolesaga ebo bidi te aiyaba elalueibao.


Tialima, eno tama homu ebao, ma, bidigo dwasianu nai elaluyu, tama aga haliga nagamea pai eyu bidibaso da, teda te bidi bugagia bidibao. Tiali goli, te doado bage hauwa elalubo bidi, aga tede moni homu eyu, aga sę sesemane sogo bomonama ebo bidi da, aga dwai bidibao. Agai te wali nogogo tola sainu ebo tiwai ebo dao. Te dwalio.


Te nago doado bage dwasianu naga elalu, tama nage te Genuai Bidide wi eyu, aga dologoba pelama bidibaso da, teda nago bidibo ulago te genuai mone pesage holai elalubo, me te dwai sę ebo doado bage hauwa elalubo bidigo bidibo ula te aiyaba elaluaibao.


Te wiegi yai bidi isibo sogo, te aga hani ogwa dabego te agai doado bage hauwa saibao. Tiali goli, te dwai bidigo sisinibo sę yali mone yai baso da, teda nosali te doloba pai bidi dabego te agai sisinani nai dabe sabo dao.


Te doloba pai bidigo te dwasianu naigo te tigidali dwai bidigo nai hauwa te aiyaba elalueibao.


Te wiegi yai homu kolesaga meni yani bidigo te aga ayago po sela sąwaibao. Tiali goli, te bidigo te aga gasa bidigo dodolomainu ebo bidi da, teda agai homu wiegi yai elalubao.


Te wiegi yai homu elalubo bidi dabego te wiegi yai homu te we bidi dabeba mabo dao. Tiali goli, te wiegi yai homu elalusiąbo bidi dabego te tiwai me egobeo.


Genuai Bidigo te po wali, te dwai sę ebo bidi dabe te augwa we wai puluba dabe dali dolaibao, wai. Tiali goli, Genuai Bidigo te doloba pai bidi te aga we wai hani dabe dali te bugagia bidimainu elama, tama agai augwali tonalubo dao.


Swiv nou:

Piblisite


Piblisite