Bugagia Bidibo Kolesagade Po Asęai Buku 15:10 - Godigo dwagi yai po buku

¹⁰ Te doloba pai sunumi tagalobo bidi da, teda dwai dene mu saibao. Tama te gasa bidi dabego aga dodolomainu isiąbo bidi da, teda aga isaibao.

Bugagia Bidibo Kolesagade Po Asęai Buku 15:10 Referans Kwoze

Bugagia Bidibo Kolesagade Po Asęai Buku 12:1

Te wiegi yai homu kolesaga godolo homu ebo bidi dabe, augwaligo dwai sę yali te gasa bidigo augwali dodolobo sogo te augwali wiegi yai homu pemene yaibao. Tiali goli, te gasa bidigo agai dwai sę dodoligi homu ebo bidigo da, aga te esela pabo bidi mu tiwai dao.

Dwagi Yai Gesi Po Jongo Asęani 3:20

Dwai kolesaga ebo bidi agai te ulade boi bidi ebo dao. Agai dwai kolesaga yali hania ugwaba sela muidali weyu, aga te ulaba asobo menio.

Bugagia Bidibo Kolesagade Po Asęai Buku 13:1

Te wiegi yai homu kolesaga elalubo waigo da, agai te aga ayago po odaibao. Tiali goli, hagoma homu ebo bidigo da, te gasa bidigo aga dodolobo kolesaga ebo te aga homude hagela homu ebo dao.

Bugagia Bidibo Kolesagade Po Asęai Buku 10:17

Te bidi mego te gasa bidi dabego aga dodolomainu ebaso da, teda aga te bidibo ula sabo sunumide bidibao. Tiali goli, te bidi dabego aga dodolainu ebadi, te hagoma ebo bidi yai baso da, teda agai te sunumi geda muyu ela pobao.

Dwagi Yai Gesi Po Jongo Asęani 7:7

“Tǫde we bidi augwaligo dage dali sębę elama, boi bidi me ebo menio. Tialima, augwaligo ena dali sębę elama, boi bidi mu ebo dao. Magi basowe? Eno augwaligo ebo dwai kolesaga bolo eno augwali dali po wabo dao.

Bugagia Bidibo Kolesagade Po Asęai Buku 5:12

Tama nago te tama po waibao, “Eno te augwaligo enabolo mobo mabo po wabode hagela homu yali. Magi baso eno te hagoma eyu, tama ena te bidi dabego dodolomainu ebedawe?

Bugagia Bidibo Kolesagade Po Asęai Buku 1:30

Dagego te eno wiegi yai po sela sąnama, tama te eno dage dodolainu ebaso, te dagego ena tudiba muai dao.

Te Israel me Juda Hani Sigo Tuni Bidigo Po Elalubo Buku Deli 22:8

Tama Ahapgo agaba te tama po wai, “Te profet me deli bidibao, aga nogi Mikaia, te Imlago ogwa da. Tiali goli, eno te bidi godolo homu me isąwai, magi baso meni, agai te wiegi yai profet po enabolo me pususąbaso. Sesemane sogo agai te dwai sę naga enaba pedelabo po wabo dao,” wali. Tialima, Jehosafatgo te po agaba wali, “Nago te tobage po me olamuo.”

Te Israel me Juda Hani Sigo Tuni Bidigo Po Elalubo Buku Deli 21:20

Elaijago Genuai Bidigo po odama, aga te Ahap bidibo madiba pali. Tama Ahapgo te Elaija subo sogo, aga te tama po wali, “Eno boi bidi, nage enaba ma pedaluba, agawe?” Tama Elaijago te tama po wei ponani, “Awe, eno nage suagasali, magi baso meni, nago godolo ebo homu, me te homu kolesaga tigidali bomo elama, te Genuai Bidigo gedude dwai kolesaga nago ebo dao.

Te Israel me Juda Hani Sigo Tuni Bidigo Po Elalubo Buku Deli 18:17

Ahapgo aga sulama, te po wai, “Te megi da, eno nage sualio. Te sę yali page te nagede naga elalubaso, tama te tulubage tulisiąbaso, genuai sęgę Israelde elalubo dao,” wali.

Bugagia Bidibo Kolesagade Po Asęai Buku 23:35

Tama nago te tiwai po waibao, “Te augwaligo ena elali goli, te dene ebo eno odobeo,” po waibao. “Magi baso te ena hodaluabo usu ebewe? Ena hodaluama te wę me ma deli tuabo homu yai,” nago te tobage po waibao.

Bugagia Bidibo Kolesagade Po Asęai Buku 1:25

Dagego eno wiegi yai po tudiba munama, tama eno dage dodolainu ebo sogo te dagego hagoma ebo dao.

Bugagia Bidibo Kolesagade Po Asęai Buku 15:9

Genuai Bidigo te dwai kolesaga ebo bidigo ebo kolesaga te wei mu me isiąyu, tede dwai homu mu ebo dao. Tiali goli, agai te doloba pai kolesaga wali mu pabo sę ebo bidi dabe wei mu ebo dao.

Bugagia Bidibo Kolesagade Po Asęai Buku 15:11

Genuai Bidigo te isali bidi dabe te augwali bidibo pesage me subo dao. Te tiwai usu yaligo da, teda agai te da tǫde we bidigo homu kone palobo kolesaga te tigidali me konea silibo dao.

Jopgo Po Asęani Elalubo Buku 34:27

agai augwali tigide dene ilibo dao. Magi baso meni. Augwaligo aga tudi ola mobaso. Tama me augwaligo God agai wei ebo kolesaga wali pisąma ebaso tebo dao.

Godigo Nogi Ugwaba Sabo Tęąbi Po Wabo Buku Dabe 50:17

Te eno dage dodolobo te dagego hagela homu eyu, tama dagego eno po sesemane sela sąbo sę ebo dao.

Jeremaia 2:17

Te naga digi yali sęgo te sę nageba pedelali. Magi baso meni, ena Genuai Bidi, naga God, eno nage te sunumidu odasa asainu yali, tiali goli, naga hagela eyu, ena tudiba muai dao wai.

Esekiel 33:9

Tiali goli, nago te sęgę sabo bidibolo po walai digi, tama agai te dwai kolesaga tagalisąma ebaso da, teda te dwai kolesagago aga dolama, tama aga isaibao. Tiali goli, nago te sę yalide sęgę me sogobeo, tama nage me isigobeo,” wali.