Bugagia Bidibo Kolesagade Po Asęai Buku 14:8 - Godigo dwagi yai po buku

⁸ Te wiegi yai homu elalubo bidigo te aga bilibo homu kolesaga te bugagia homu kone palaibao. Tiali goli, te wiegi yai homu meni yani bidi dabe te augwa digi tibo po ola mawaibao, magi baso meni, te augwaligo homu kolesaga te geda mubo dao.

Bugagia Bidibo Kolesagade Po Asęai Buku 14:8 Referans Kwoze

Efesus 5:17

Tama dage te kolesaga meni yai we bidi tiwai biligio. Te menio. Dagego mena tiwai kolesaga ebaso te Genuai Bidi God aga dwagi yai homu ilabo kolesaga dagego usu sela suao.

Polgo Si Wali Pas Timotiba Asęani - 2TI 3:13

Tiali goli te dwai bidi dabego me, te tibo po ola mabo bidi dabego me, te bidi dabe augwaligo ebo dwai sę dwasianu gagalama tama genuai pedalaibao. Tama tiyu, augwaligo te tibo po te gasa we bidibolo ola mobadi, te Satango me augwali tibo po ola maduaibao. Tama augwaligo kolesaga te dwai mu pedaluaibao.

Jems 3:13

Te dage tomode bidi me deli agai wiegi yai homu eyu, te dwagi yai po konebawe? Te dage tomode te tiwai bidi me deli bidibaso da, te bidi agai bilibo kolesaga dwagi yai yao. Tama wiegi yai kolesaga eyu dwai kolesaga isiąma, tama dwagi yai kolesaga ebo koneyu, tama agai te dwagi yai kolesaga ebo gasa bidi dabe augwalibolo ola mao.

Efesus 4:22

Te mu po da wali po e tiwai dao: polobadu dagego duga dwai dwai sę yabo homu kolesagade biliyu bidai dao. Tama te sogo te dwai homu kolesagago dage tonaluyu, tama dagebolo te dwai dwai sę yao po weyu yai. Tama tiyu, te dagego te dwai sę ebode godolo emainogo tama te dwai sę yabo homu kolesagago tibo po weyu, dagego homu hodolai dao, tama dage te dwai sę ebo tųdu pai dao. Tama te dwai sę ebogo te dwai sę yabo homu kolesaga doloyu yai. Tialima megi dagego te polobadu yai dwai homu kolesaga mu sela sąyao.

Bugagia Bidibo Kolesagade Po Asęai Buku 11:18

Te doado bage te dwai bidi dabego sali, te augwali tau sabo mu usu me egobeo. Te olo bage nai naga tiwai yaibao. Tiali goli, te doloba pai kolesaga ebo bidi dabego te wiegi yai nai mu saibao.

Bugagia Bidibo Kolesagade Po Asęai Buku 8:20

Sesemane sogo eno te doloba pai kolesaga naga wali peyu, te po tų dolo odobo kolesaga naga wali pabo dao.

Bugagia Bidibo Kolesagade Po Asęai Buku 2:9

Waio, te nago wiegi yai homu kolesaga bomonama gegegi peyu da, teda nago te bilibo wiegi yai sunumi tigidali koneaibao. Te nago te wiegi yai doloba pai kolesaga wali peyu, tama te tigidali bidibolo te tobage deli tigi poai kolesaga naga yaibao.

Godigo Nogi Ugwaba Sabo Tęąbi Po Wabo Buku Dabe 119:73

Nago digi nago ena nigali, tama nago ena bugagia tonalubao. Nago wiegi yai homu kolesaga enaba mao, te eno nago bomo yai po tigidali bugagia konea sabo sę emainogo yao.

Godigo Nogi Ugwaba Sabo Tęąbi Po Wabo Buku Dabe 119:5

Eno homugo godolo mu elama, bomo eyu, nago po tigidali wali painogo ebo dao.

Godigo Nogi Ugwaba Sabo Tęąbi Po Wabo Buku Dabe 111:10

Te bidi te kolesaga koneai bidi pedelainogo eyu da, aga te Godide wi yao. Agai te wiegi yai homu kolesaga te agaba homu mubo we bidiba mabo dao. Dago aga nogi sesemane bidada pabo sogo ugwaba sao.

Jeremaia 13:20

“Taun Jerusalem, nago gedu pedama, tama te not badu pedai tagalama, te nageba asobo bidi hani te nago tonao. Te nago augwaliba wiegi yai pemene eyu, te tonalubo we bidi augwali mena bidibawe?

Godigo Nogi Ugwaba Sabo Tęąbi Po Wabo Buku Dabe 143:8

Eno konealubo homu nageba muani. Tialima, eno homugo te tigidali sogo kigamu nago eno homu te nago ena godolo ebo kolesagade ma homu kone palomainu ilao. Eno gedu haluasa po nageba naga wabo dao. Tama tiyu, nago enaba te sunumi ola mobaso, te eno wali paibao.

1 Korin 3:19

Magi baso meni, te e tǫde koneani kolesaga te Godigo gedude te wabo pabo bidigo kolesaga tiwai ebao. Tede te Godigo po bukude te e tama tiwai po wai: “God agai tilama tama augwaligo kolesaga koneanigo te augwa digi tibo haniani kolesaga koneai bidi dabe sali, te bidigo ba munama te kebi sabo tiwai gilama ebo dao.”

Bugagia Bidibo Kolesagade Po Asęai Buku 15:21

Te wiegi yai homu elalusiąbo bidigo te tobage dobo homu ebo kolesagade pemene yaibao. Tiali goli, te doloba pai homu kolesaga elalubo bidigo te doloba pai kolesaga sesemane sogo wali pabo dao.

Bugagia Bidibo Kolesagade Po Asęai Buku 12:5

Te doloba pai bidi dabego sę yabo homu kolesaga te dolo naga dao. Tiali digi, te dwai sę ebo bidi dabego da, te sesemane sogo te we bidi tibo po ola maiabo haniani kolesaga yabo homu ebo dao.

Kolesaga Koneai Bidigo Pusali Po Elalubo Buku 2:13

Eno homu kone palama, te tiwai tama koneani, te wiegi yai homu kolesaga te dwai wabo pabo bidigo ebo kolesaga aiyaba mu elaluama, te be posobo ula ebogo te be hulia sabo aiyaba elalubo tiwai ebo dao.

Kolesaga Koneai Bidigo Pusali Po Elalubo Buku 2:16

Magi baso meni. Te nosali sogo, te we bidi augwaligo da homu kone ebo mu gegeda palaibao. Te da wabo pabo homu kolesaga elalubo bidi, ma te homu kolesaga mu konea pali bidi me tagalao, te augwaligo homu kone palobo sę munu ma egobeo Te isibo sogo, te homu kolesaga konea pali bidigo te wabo pabo homu kolesaga tiwai bidi aiyaba me elalugobeo. Menio. Da tigidali isaibao.