Bugagia Bidibo Kolesagade Po Asęai Buku 14:2 - Godigo dwagi yai po buku

² Te doloba pai kolesaga wali pabo bidi, aga te Genuai Bidi wi eyu, aga dologode bidibao. Tiali goli, te tibo po wabo kolesaga wali pabo bidi dabego homugo te Genuai Bidi te olo nai me tiwai da, te homu ebo dao.

Bugagia Bidibo Kolesagade Po Asęai Buku 14:2 Referans Kwoze

Godigo Sęba Tagala Palai Bidigo Po 10:35

Tigidali haniani po wabo bidi hani augwaligo God wi elama, dwagi yai kolesaga ebaso da, tede Godigo ‘Usu da’ waibao. Duga digi koneai dao.

Bugagia Bidibo Kolesagade Po Asęai Buku 28:6

Te bidi te doado bage dabe sǫą pobaso da, tiali goli te aga doloba pai bidi, agai te mone hauwa umabo elalubo bidigo te tobage dwai kolesaga ebo te agai aiyaba mu elaluaibao.

Godigo Nogi Ugwaba Sabo Tęąbi Po Wabo Buku Dabe 112:1

Genuai Bidigo nogi ugwaba sao. Genuai Bidi dali wi eyu, agai bomo yai po wali pabo bidi, agai dwagi yai homu yaibao.

Jopgo Po Asęani Elalubo Buku 28:28

Tama God da tǫde we bidibolo e tama wai dao, ‘Bidi ena Genuai Bidide wi eyu, ena dologode bidibo bidi, agai te dwagi yai homu kolesaga page konebo gagalai dao. Tama dwai kolesaga tudiba mubo bidi, te bidi da, dwagi yai homu kolesaga elalubo dao,’ Godigo te po wai,” Jopgo te po wali.

Godigo Sęba Tagala Palai Bidigo Po 9:31

Te side Jisasgo po wali pabo we bidi te Judia tǫde me, Galili tǫde me, te Samaria tǫ me, te bulu we bidi augwali bugagia bidali, wi ebe. Godigo Dwagi Yai Mobogo augwali tau selama, te umabo we bidi Jisasgo poba augwa homu tigidali munama, bomo yali. Augwaligo Genuai Bidigo nogi ugwaba mu sali, te augwaligo Genuai Bidigo po wali pali.

Kolesaga Koneai Bidigo Pusali Po Elalubo Buku 12:13

Te tigidali po siminagasu, eno te tiwai po obao, te da bidigo bidibo ulade polalubo sę te tiwai elalubao. Dago God naga dologode bidiyu, tama agai bomai po dabe wali pao.

Godigo Nogi Ugwaba Sabo Tęąbi Po Wabo Buku Dabe 25:21

Eno konealubo homu nageba elalubao, tama tiyu, nago eno te tigidali wiegi yai doloba pai kolesaga emainu eyu, tego te sesemane sogo ena tonalumainu ilao.

Godigo Sęba Tagala Palai Bidigo Po 10:22

“Dage magi pogo asaliwe?” wali. Augwaligo te po wei ponoyu, te po wali, “Te Rom ami genuai bidi nogi Kornilius, agai da nage pageba tagala palali. Te bidi da, aga dwagi yai bidi mu. Agai tigidali sogo Godibolo lotu po wabo bidi dao. Te Juda we bidi tigidali augwaligo agai nogi ugwaba sabo dao. Godigo dagalude sę ebo ensel bidi me deligo agabolo te po wai, ‘Nago Pita i olama, tama aga nago beba asomainao, Pitago wabo po nago odomainu tama yao,’ te ensel bidigo te po wali,” augwaligo te po wai.

Dwagi Yai Gesi Po Lukgo Asęani 16:14

Te Farisi bidi hani dabe augwaligo Jisasgo wali po odali. Augwali te mone dali pesa ebo bage bidali. Tama tibaso, Jisasgo agai po obadi yaide, augwaligo bo weyu bidali.

Dwagi Yai Gesi Po Lukgo Asęani 10:16

Jisasgo aga wali bilibo bidi dabebolo te po wali, “Bidi mego dagego pusubo po odobaso da, te agai eno po odoyu tebao. Bidi mego dage buluba ela palobaso da, te agai ena buluba ela palu tebao. Bidi mego ena buluba ela palobaso da, te ena tagala palali bidi me buluba ela palu tebao.” Jisasgo te po olama, te bidi dabe pali.

Bugagia Bidibo Kolesagade Po Asęai Buku 19:1

Te bidi te doado bage sǫą pobaso, tiali digi aga te doloba pai bidi, agai te wiegi yai homu elalusiąbo bidi me, te tibo po ola bilibo bidi me, te aiyaba mu elalubo dao.

Bugagia Bidibo Kolesagade Po Asęai Buku 16:17

Te doloba pai hani bidigo te dwai kolesaga ela soabo sunumi wali paibao. Te bidigo aga bilibo te bugagia tonalu bilibaso da, te aga bugagia bidaibao.

Bugagia Bidibo Kolesagade Po Asęai Buku 11:12

Te bidigo gasa bidi dolama, te po dwai wabo bidi, aga te kolesaga umuna sai bidi tiwai ebao. Tiali goli, te wiegi yai homu elalubo bidigo pedauwali te pania selama, tama te tobage po me wagobeo.

Bugagia Bidibo Kolesagade Po Asęai Buku 2:15

Te bidi dabego ebo kolesaga te dolo mu me ebeo.

Jopgo Po Asęani Elalubo Buku 1:1

Te sia ge asobo badu, te tǫ kantri nogi Us, tede bidi me deli bidali, aga nogi Jop dao. Te bidi Jop aga Godigo gedude dwagi yai doloba pai bidi mu bidai, dwai kolesaga mu meni yai dao. Aga lotu po weyu, Godigo po dologode naga biliyu, tama agai po wali peyu yai. Tama tiyu, agai dwai sę ebo hagela homu yai.

Te Israel me Juda Hani Sigo Tuni Bidigo Po Elalubo Buku Deli 3:6

Solomongo po wei ponoyu, te tama po wai, “Eno aya Devitgo te nage wali mu peyu, tama te wiegi yai doloba pai kolesaga yali, tama tiyu, sesemane sogo nago aga godolo mu elama, tama agaba wiegi yai sę bugagia mu yai. Tama megi me, nago te tiwai sę me idu, tama nago ena, te aga ogwago, te aga hasegelama, tama te king bidimainu ilama bidibo dao.

Jopgo Po Asęani Elalubo Buku 12:4

Tiali goli, megi da, dage eno abagi dabe, dagego ena gisugu mabo dao. Eno dwagi yai kolesaga naga eyu, tama Godigo gedude dwai sę me ebeo. Tama polobadu da, agai eno gedu haluasa po wabo odai dao. Tiali goli, megi da, dagego gisugu magasobao.

2 Samuel 12:9

Magi baso nago ena Genuai Bidigo po te olo nai da homu eyu, te po sela sąnama, tama nago te dwai kolesaga yaliwe? Nago Uria te Amon dabego nogode ela mumainu elama, tama nago aga we salio.

Te Israel me Juda Hani Sigo Tuni Bidigo Po Elalubo Buku Si 17:34

Tama te megi tama me, te hani augwaligo te kolesagadu me wali peyu bidibao. Augwaligo te Genuai Bidi dolo mu lotu po wabo meni, tama augwaligo te agai te bomai po te Jekopgo hanibolo mani po augwaligo wali pabo meni. Jekop te bidi te aga te Genuai Bidigo gasa nogi me poali nogi, te nogi te Israel da.

Bugagia Bidibo Kolesagade Po Asęai Buku 16:6

Te bidigo Genuai Bidi godolo homu mu elama, tama aga dali mu kęą pobaso da, teda Genuai Bidigo te agai sęgę sela sąwaibao. Tama te bidi Genuai Bidide wi eyu, aga dologode bidibaso da, teda te bidigo te dwai sę ebo kolesaga te ela sobaso, usu yaibao.