Bugagia Bidibo Kolesagade Po Asęai Buku 14:15 - Godigo dwagi yai po buku

¹⁵ Te kolesaga dwasianu koneai elalubo bidi dabe augwaligo te haniani po tigidali homuba dąų ola saibao. Tiali goli, te wiegi yai homu kolesaga elalubo bidigo, te aga ebo kolesaga dabe bugagia osola suyu ebo dao.

Bugagia Bidibo Kolesagade Po Asęai Buku 14:15 Referans Kwoze

Efesus 5:17

Tama dage te kolesaga meni yai we bidi tiwai biligio. Te menio. Dagego mena tiwai kolesaga ebaso te Genuai Bidi God aga dwagi yai homu ilabo kolesaga dagego usu sela suao.

Bugagia Bidibo Kolesagade Po Asęai Buku 14:8

Te wiegi yai homu elalubo bidigo te aga bilibo homu kolesaga te bugagia homu kone palaibao. Tiali goli, te wiegi yai homu meni yani bidi dabe te augwa digi tibo po ola mawaibao, magi baso meni, te augwaligo homu kolesaga te geda mubo dao.

Bugagia Bidibo Kolesagade Po Asęai Buku 27:12

Te wiegi yai homu elalubo bidigo, agai te tiwai koneani, te sęgę agaba pedelainu ebaso, tama agai te geda sali. Tiali goli, te wiegi yai homu elalusiąbo bidigo, aga te aga sunumide te dwai sę edubo sulama digi, tama aga pelama, tama gesabidi si deliba unulama, tama te sęgę tolobo dao.

Bugagia Bidibo Kolesagade Po Asęai Buku 4:26

Te nage pabo madiba homu kone bugagia palao, tama tiyu te nago kolesaga tigidali te wiegi yai yaibao.

1 Jon 4:1

Abagi dedeo, tibo po ola mabo bidi dabe hauwa augwali tigidali tǫde bilalubao. Tama bidi hauwago te po obao, “Godigo Mobo Bidi agai enabolo mu po olama, tama eno te mu po pusubo dao.” Te po obaso, dagego homu te augwaligo ola mabo poba olo subigila dąų wagio. Dagego koneainogo, tigidali te po ola mabo bidi osola suao, te Godigo tagala palali Mobo Bidi augwali dali bidibawe, ma meniwe, te suainogo tama tiao.

Efesus 4:14

Tama da Godigo hani we bidi mu bugagia pedalama, tama te Godigo pode da te homu subigila pabo wai puluba tiwai ma bidigobeo. Te eno po digi po me megi obao. Te geba, te geba moni sigi ąįdu pobadi, wali asiyu te ąį dini me te bomo yai wali me augwali sigo te geba subigila bega sąyu sela sąbo dao. Tama te tiwai bidi muma sabo tibo po wabo bidi augwaligo ili po weyu, tama bidi hauwa augwaligo homu polo tulalubo dao. Tama tiyu, te bidi muma sabo bidi augwaligo te we bidi te gasa dwai sę ebo tuba kegebo dao. Tiali goli, da Godigo hani we bidi mu bugagia pedalama bidibaso, tama te bidi muma sabo dwai bidi dabe augwaligo wabo tibo pogo da tulalugobeo.

Godigo Sęba Tagala Palai Bidigo Po 13:7

Tama te bidi aga abagi te moni gavman bidi Sergius, aga nogi me Paulus, aga abagi dao. Tama Sergius, aga nogi me Paulus, agai te Saiprus bulu tǫde bidibo we bidi tigidali agai tonalubo da. Aga haniani kolesaga koneai bidi da. Tama te moni gavman bidigo Barnabas dali Sol si i olama, “Asao,” wali, agai homugo ‘Augwali sigo Godigo po enabolo ola mabo po odaio,’ te homu yai.

Bugagia Bidibo Kolesagade Po Asęai Buku 22:3

Te wiegi yai homu elalubo bidi, agai te tiwai koneyu, te sęgę agaba pedalubo si, te agai ela soaibao homu yai. Tiali goli, te wiegi yai homu elalusiąbo bidigo, agai suali, te dwai sęgę te agai sunumide elalubaso, tama aga peyu, tama gesabidi deliba unulama, tama te sęgę tolobo dao.

Amos 5:13

Te we bidi augwaligo te tobage dwai kolesaga ebo sogo, te kolesaga koneai bidi, doloba pai bidi, agai pedauwali pania sai elalu, te agai po me deli augwaliba me wagobeo.

Bugagia Bidibo Kolesagade Po Asęai Buku 14:14

Te dwai sę ebo bidi dabego te augwa ebo dwai kolesagade augwa dene dolo saibao. Tiali digi, te wiegi yai bidi dabego da, te augwa digi ebo wiegi yai kolesagade pemene ebo dao.

Bugagia Bidibo Kolesagade Po Asęai Buku 14:16

Te wiegi yai homu kolesaga elalubo bidigo da, te Genuai Bidide wi eyu, te bugagia tonalu, tama te sęgę sabo sę dabe te agade ela soaibao. Tiali goli, te wiegi yai homu elalusiąbo bidi, agai te homu eyu, te tobage tigidali sę yabo homu elama, tama agai te ebo kolesagade te homu bugagia me egobeo.

Bugagia Bidibo Kolesagade Po Asęai Buku 17:4

Te dwai kolesaga ebo bidi dabe, me te po nigasa pusubo bidi dabego te tobage po dwai waboba te olo mubo dao.

2 Samuel 1:5

Tialima, Devitgo agabolo hanalu wali, “Mena tama tilama te Sol de Jonatan si isali, te nago koneaniwe?”

Te Israel me Juda Hani Sigo Tuni Bidigo Po Elalubo Buku Deli 2:18

Tama Batsebago te Adoniyaba te tiwai po wai, “Te usu da, te ena pelama, te agaba hanalugi paibao,” wali.

Nehemia 6:4

Tiali goli, te bidi sigo te wali po tiwai naga te ena dali me si me si sogo wali, tama tigidali sogo eno te po wei ponoyu, te wali po tiwai naga augwali dali wali.