Bugagia Bidibo Kolesagade Po Asęai Buku 13:4 - Godigo dwagi yai po buku

⁴ Te hagela bidigo te doado bage hauwa sabo homu wei yali, tiali goli agai me sogobeo. Tiali digi, te sę dene ebo bidi dabego da, te augwa homugo te doado bage hauwa sabo homu yaibao.

Bugagia Bidibo Kolesagade Po Asęai Buku 13:4 Referans Kwoze

Bugagia Bidibo Kolesagade Po Asęai Buku 12:24

Te sę dene ebo bidi da, te tonalubo bidi pedelaibao. Tiali goli, te hagela bidi dabe te olo sę naga ebo bidi pedelaibao.

Bugagia Bidibo Kolesagade Po Asęai Buku 12:11

Bidigo te aga gi bugagia tonalubaso da, teda agai nai hauwa saibao. Tiali goli, te wiegi yai homu kolesaga meni yani bidi da, aga te sę dene odolali eyu, te haniani sęgo aga me tau sainu ebaso, usu me egobeo.

Bugagia Bidibo Kolesagade Po Asęai Buku 10:4

Te nago sę ebo hagela eyu da, te nage magi nai meni yai bidi pedelaibao. Tiali goli, nago sę bomo yali da, teda nago doado bage hauwa elaluaibao.

Bugagia Bidibo Kolesagade Po Asęai Buku 11:25

Te gasa bidi tau siyu, te doado bage nai mabo bidi da, aga digi da te doado bage hauwa saibao. Te nago gasa bidi dabe tau sali da, te augwaligo nage me tau saibao.

Bugagia Bidibo Kolesagade Po Asęai Buku 28:25

Te bidigo homugo te doado bage hauwa sabo homu ebo bomo ebaso da, teda agai kolesagade te bidi hauwago te wado po omainu ilibao. Tiali goli, te Genuai Bidiba konealubo homu bomo eyu dąų wabo bidi da, te aga bugagia bidiyu, tama doado bage hauwa elaluaibao.

Hibru 6:11

Tama bomonama eno homugo dage tigidali deli deligo te tiwai sę bomo naga eyu, tama dwagi yai homu ebadi duga konealubo po dąų weyu, tama Godigo duga ma sabo te tonaluao. Dagego te tiwai sę ela pidu, te duga e tǫde bidibo sogo te silibode te usu nigi pao.

Dwagi Yai Gesi Po Jongo Asęani 6:27

“Dagego te mobia pabo nai naga sabo sę tiwai dagego egimio. Te menio. Dagego te bidada peyu bidabo bomo mabo nai sabo sę yao. Te tiwai nai Godigo Bidi Mu agai dagebolo mawaibao. Magi basowe? Aga Aya Godigo te bidide dwagi yai homu eyu, sa muai,” Jisasgo te po wai.

Bugagia Bidibo Kolesagade Po Asęai Buku 8:34

Te eno po bugagia odobo bidi dabe te augwa wiegi yai homu pemene ebo dao. Tigidali side augwali te eno be sunumi pąba dolagaselama, tama ena tonaluali, tama eno po augwaliba mabo dao.

Aisaia 58:11

Te ena Genuai Bidi, te sesemane sogo eno dage bugagia tonalu, te dage bilibo dodolama, te dagego homugo wei homu ebo nai dabe usu nama mawaibao. Megi dage te ąį meni yai tǫde bidibo tiwai ebao, tiali goli eno dage wiegi yai bomai we bidi pedalumainu yaibao. Tama dage te gi tǫ ili ąį hauwa elalubo tiwai elama, te sula sisąbo ulu ąį tiwai elalueibao.

Bugagia Bidibo Kolesagade Po Asęai Buku 26:13

Hagela bidi te be tomode olo dugulalu bidaibao. Agai te tama po waibao, “Te laion me deli te sunumide bidibao,” wabo. “Tama tibaso, ena te buluba me teda soagobeo,” wabo dao.

Godigo Nogi Ugwaba Sabo Tęąbi Po Wabo Buku Dabe 92:14

Te augwali monu dabe pedalubo sogo, te augwa nai du me waludaibao. Augwali te bomo elalu, tama augwali me sasia pabeo. Te augwa yabe te ni yabe gesi sogo elalubo tiwai sesemane elaluaibao.

Israel Hanigo Namba 23:10

Te Israel hani wąį augwali hauwa mu, te tǫ hogomu tiwai mu pedalaibao. Dego mu augwali meba naga nedaibawe? Te bidigo usu me egobeo. Eno homugo ena te Godigo we bidi tiwai pedalaibao. Tama eno homugo ena tama bida bida pelama, ena isiboba usu nigi paibao. Mu tamao, ena tabi nagame elama, bidama isaibao, te doloba pai we bidi hani yali gilama,” wali.

Bugagia Bidibo Kolesagade Po Asęai Buku 6:6

Dage hagela bidi dabe, eno te tama po dagede elalubao. Dage pelama, te sagado dabego kolesaga bugagia sugi pobaso da, tama teda dage te kolesaga konea pai bidi pedelaibao.

Bugagia Bidibo Kolesagade Po Asęai Buku 12:27

Te hagela bidigo te hasa enegi peyu da, te augwaligo gegebo me sugobeo. Tiali goli, te sę dene ebo bidi da, augwali te dwagi yai bidi dabe mu dao.

Bugagia Bidibo Kolesagade Po Asęai Buku 13:3

Te bidigo aga po te sali selasa wabo bidi yai baso da, teda aga bugagia bidiyu, tama aga me dologobeo. Tiali goli, te po hauwa dogia pabo bidi dabe da, te dolaibao.

Bugagia Bidibo Kolesagade Po Asęai Buku 13:5

Te doloba pai bidi dabego te tobage tibo po wabo te hagela homu mu ebo dao. Tiali digi, te dwai sę ebo bidi dabego da, te tobage dwai hale ebo kolesaga dabe ebo dao.

Bugagia Bidibo Kolesagade Po Asęai Buku 20:4

Te hagela bidigo te aga giba te nai wai bulainu te tǫ eligi pabo sę me egi pogobeo. Tama tialima, te nai inilama, te tau yai sabo sogo, teda aga te giba odolali mu pelama gegegi paibao.

Bugagia Bidibo Kolesagade Po Asęai Buku 21:5

Te sę ebo bidi dabego te bugagia homu kone palama, te sę yaibao, tama peyu, te augwa sę wiegi yai pedelama, tama augwa doado bage hauwa elaluaibao. Tiali goli, te bidi dabego sę subigila asesa yainogo eyu da, teda augwa te sę wiegi yai me pedalisiąma, tama augwali te doado bage sǫą paibao.

Bugagia Bidibo Kolesagade Po Asęai Buku 21:25

Te hagela bidigo te doado bage sabo homu wei sabo dao, tiali digi aga te sę isiąbo bidi dao. Tama tialima, aga te wei ebo homugo te aga ela muaibao.

Tigidali Nai Gagalama Nigali Side 26:32

Te sogo digi te Aisakgo sę bidi dabe sabolama, tama augwaligo agabolo te augwaligo wę ulu nigali po wagasai. Augwaligo te po wai, “Dago wę gegalio.”

Josua 7:3

Nosali augwali ma asu, Josuabolo te tiwai po wai, “Nago te tigidali bidi pomainu mu elamuo. Te bidi sese sigo te umabo bidi hauwa mu 2,000, ma te bidi sese sela wabogo te umabo hauwa 3,000 bidi naga pelama, te Ai hanuba hwįgi pomainu tagala palao. Nago te tigidali bidi mu tagala palama, te hwįgi pomainogo me elamuo. Te genuai hanu menio,” te po wai.

Bugagia Bidibo Kolesagade Po Asęai Buku 24:30

Eno biliyu, tama eno te bidi me deligo gi suali. Te bidigo homu te wiegi yai elalusiąwai, te hagela bidi dao.

Bugagia Bidibo Kolesagade Po Asęai Buku 24:31

Te sesane yai bonogo, me te dwai dosago te gi mesega sai elaluai. Tama te gi bagulali masigi obo te degasa pai yalio.

Solomon 5:3

Eno ena gudali ugwa peda muani, tama eno te ugwa ma gudubo hagela ebao. Eno ena sągą ąį telawali, te ena hogodama biliyu, te sągą meda ma ilibo te ena hagela ebuo.