Bugagia Bidibo Kolesagade Po Asęai Buku 13:20 - Godigo dwagi yai po buku

²⁰ Te bidi te wiegi yai homu kolesaga elalubo bidi dali bilali da, teda agai me te wiegi yai homu kolesaga saibao. Tiali goli, te bidi te wiegi yai homu meni ebo bidi dabe dali kisasa bilibaso da, teda te sęgęgo aga gegaibao.

Bugagia Bidibo Kolesagade Po Asęai Buku 13:20 Referans Kwoze

Bugagia Bidibo Kolesagade Po Asęai Buku 15:31

Bidigo te bidi dabego aga dodolainu ebaso, te bugagia olo munama, tama aga bugagia bidabo tau somainu ebo bidi da, agai te wiegi yai homu kolesaga elalubao, tama aga te gasa wiegi yai homu kolesaga elalubo bage dali kisasa bilibo usu yaibao.

Bugagia Bidibo Kolesagade Po Asęai Buku 9:6

Te duga umuna sai kolesaga ebo tagalama, tama aselama, te bidabo ula sagasiąo. Dagego te wiegi yai homu kolesagago sunumi wali piąo,” augwaligo te po wabo dao.

Kraisgo Geme Dualali Sę Pedelabo Po Jonbolo Ola Mani 18:4

Tama eno odali, gasa pedauwalidu po dagaludu pedalali, tama agai te po wali, “Eno we bidi hani, dage te bulu tagalama buluba soao. Dage aga dali te dwai sę ebode te dene sidali weyu, tama dagego agai ebo dwai dwai sę me egimio. Tama tibaso, te bulu tagalao.

Godigo Nogi Ugwaba Sabo Tęąbi Po Wabo Buku Dabe 119:63

Ena te nago sę ebo bidi dabe dali biliyu, te nago bomo yai po wali bilibo bage te eno abagi dabe dao.

Hibru 10:24

Da we bidi deli deli dena hasi te dago abagide homugo kone palao. Augwa hasi augwaligo dwagi yai homu eyu godolo ebo kolesaga dali, te dwagi yai tau sabo kolesaga me, te kolesaga si yabo homu hodolomainogo eyu, dago dena abagi dabede homugo kone palama tama tau sao.

Malakai 3:16

Nosali te Genuai Bidi dologode bidama agai po odali we bidi dabe, augwa haside digi po miani, tama Genuai Bidigo augwaligo mibo po odalio. Tama Genuai Bidigo te po wai, tama te dagalude augwaligo te we bidigo nogi asęai elalubo buku me deli nigali, tede te Genuai Bidi dologode elalu, te agaba homu begi pai we bidi dabego nogi elaluali.

Godigo Sęba Tagala Palai Bidigo Po 2:42

Tama augwali wadolali we bidi augwaligo Jisasgo tagala palai sę bidi dabego augwalibolo po hauwa mu ola momaina homu yali. Tama augwali deli hani tiwai bidali. Tama augwali deli madi hodobo nai tubo da, augwali Jisasde homu dąų wai dao weyu yai. Augwali Godibolo hodobo po wabo da.

Te Israel me Juda Hani Sigo Tuni Bidigo Po Elalubo Buku Deli 12:8

Tiali goli, te king Rehoboamgo te monu dabe gavman ofisa bidi dabego ola mani po sela sąnama, tama aga te gesi ogwa bidi gavman ofisa bidibolo ma hanalugi pali, aga ma dwagi yai kolesaga ola momainu. Te gesi ogwa bidi gavman ofisa bidi dabe te aga dali dilai bidi dabe da, te aga age tiwai hani bidi dabe da.

Bugagia Bidibo Kolesagade Po Asęai Buku 7:27

Te agai beba pabo sunumi te gų pageba pabo sunumi tiwai elalubao. Tama dagego te sunumi wali pobaso da, teda dage te isali bidi dabego pesageba paibao.

Te Israel me Juda Hani Sigo Tuni Bidigo Po Elalubo Buku Deli 12:10

Tama te gesi ogwa bidi gavman ofisa bidi dabego e tama po wali, “Tialima, nago homugo te we bidi dabe augwaligo te nago ayago mani sęgę me badu silimainu hanalu wali po, nago homugo augwaligo te hanalu wali po e tama po begelama, augwalibolo wei ponao, nago e tama po augwalibolo ola mao, ‘Dagego homugo eno ayago dage dolo bomai po olama, pobegai dawe, a? Menio. Teda te ayago te yali sę te olo bage mu dao,’ wao. ‘Eno dwasianu kibisa nogo danigo te eno ayago bomo aiyaba elaluaibao,’ tama wao.

Tuni Bidi Dabego Po Elalubo Buku Si 19:2

Tama asidubadi te sogo profet Jehu te Hananigo ogwago te Jehosafat tiąba pelama, e tama po walali. “Nago homugo te dwai bidi dabe tau siyu, tama Genuai Bidi godolo isąma ebo bidi dali kisabo, te usu da, agawe? Nago te tama kolesaga yaligo da, Genuai Bidigo nage dali sębę homu yalio.

Tigidali Nai Gagalama Nigali Side 14:12

Tama Lot te Abram aga amago ogwa te Sodomde me bidai, tama augwaligo aga me aga doado bage dali tigidali sela pali.

Te Israel me Juda Hani Sigo Tuni Bidigo Po Elalubo Buku Deli 22:4

Tama Jehosafat sabolama, tama Ahapgo agabolo te tiwai po wali, “Eno te taun Ramot ma sainu boi hwįgi pabo homu ebao. Nage ena dali asobaso usu dawe, ma meniwe?” Tama Jehosafatgo te tiwai po wei ponani, “Ena nago homu wali asabo dola sai naga elalubao. Te eno ami bidi dabe, me te hos dabe dola selama, te nage tau sabo homu naga elalubao.

Te Israel me Juda Hani Sigo Tuni Bidigo Po Elalubo Buku Deli 22:32

Te augwali boi hwįani sogo, te kepten dabego te king Jehosafat sulama, augwaligo Israel king Ahap mu dao, te homu yai. Te augwaligo aga dali boi hwįgi painu yali, tialima Jehosafatgo bomonama i obaso,

Tuni Bidi Dabego Po Elalubo Buku Si 10:8

Tiali goli Rehoboamgo te monu dabe ofisa dabego po sela sąnama, tama agabolo homu kolesaga mabo gesi ofisa dabebolo hanalugi pali. Te bidi dabe te aga deli hai namu dabe tama aga dali genuai yai.

Tuni Bidi Dabego Po Elalubo Buku Si 22:4

Tama agai Genuai Bidigo gedude dwai kolesaga yali, te Ahapgo hanigo ebo kolesaga tiwai mu tama yali. Magi baso meni, aga isai tudi badu agai te Ahapgo hani bidi aga kolesaga ola momainu sali. Tama agai augwaligo dwai kolesaga wali peyu, te dwai kolesaga tama yali.

Bugagia Bidibo Kolesagade Po Asęai Buku 13:19

Te bidigo agai magi nai me deli sabo homu elama, tama nosali agai te nai sobaso da, teda aga bugai haliga elama, tama pemene mu yaibao. Tiali goli, te wiegi yai homu meni yani bidi dabego da, augwaligo te dwai kolesaga ebo sę te tudiba me mugobeo.

Bugagia Bidibo Kolesagade Po Asęai Buku 14:7

Te wiegi yai homu kolesaga meni yani bidi dabede digibulu bidao. Te augwaligo nageba te wiegi yai homu kolesaga me magobeo.

Bugagia Bidibo Kolesagade Po Asęai Buku 22:24

Nago te wado po polo wabo bidi dabe dali, me te sębę polo ebo bidi dabe dali abagi me wagio.

Bugagia Bidibo Kolesagade Po Asęai Buku 22:25

Tiyu, nago augwaligo ebo kolesaga selama, tama nosali te dwai nai dabego nage dolabuo. (3)