Bugagia Bidibo Kolesagade Po Asęai Buku 12:8 - Godigo dwagi yai po buku

⁸ Te wiegi yai homu elalubo bidi yai baso da, teda te we bidi dabego aga nogi ugwaba saibao. Tiali goli, te homu kolesaga gagea pai bidi da, augwaligo te aga nogi aiyaba elalubo dao.

Bugagia Bidibo Kolesagade Po Asęai Buku 12:8 Referans Kwoze

2 Korin 10:18

Magi baso meni. Dago koneani, te bidi aga digi aga nogi ugwaba sabo, te bidi aga nogi te God gedude me elalugobeo. Mu menio. Te dago Genuai Bidigo bidi me deligo nogi ugwaba siyu, te dwagi yai bidi da obaso da, te bidi naga nogi mu elaluaibao.

1 Korin 4:5

Tama tibaso, te sogo me elalubadi, te dago Genuai Bidi asisąbadi dagego te gasa bidi mego ebo kolesaga dagaligio. Aga asama tama agai te we bidi augwaligo augwa homu tomode geme dualaluali po tigidali selama te ulaba muagasaibao. Tama tigidali bidigo homu kolesaga hania hanilaibao. Tama te sogo Godigo da tigidali deli deli bidi te dago yali sę osola sulama, tama te sę usu baso agai te sę yali bidigo nogi ugwaba saibao. Bidi deli deligo yali sę usu nama te aga nogi te tama naga ugwaba saibao.

Godigo Sęba Tagala Palai Bidigo Po 12:23

Tama Herot agai Godigo nogi ugwaba sisąbaso, Godigo ensel bidi me deli agai Herotgo tigide elali. Tama te dwai gasi agai tigide pedelama, te dwai osoganigo agai tigide tudu pedelama, te nosali aga mu isali.

Dwagi Yai Gesi Po Lukgo Asęani 16:8

“Te genuai bidi agai aga doado bage tonalubo bidigo yali sę po odama, te nai tonalubo bidi nogi ugwaba siyu, te po wali, ‘U bidi aga homu tedali yali, te negeli mane bage wi idali weyu, aga digi aga tigi bugagia tau sali,’ wali. Te peni e dao. Te augwa homu wali pabo we bidi augwali homu bugagia mu eyu, augwa hasi tau siyu, augwa tigi tau sabo dao. Tialima, te ulade bidibo we bidi augwali homu eyu, augwa tigi bugagia tau sabo menio,” Jisasgo te po wali.

Daniel 12:2

Tama Godigo te genuai hani isali we bidi ma hodolaibao. Meba augwaligo te sesemane sogo bidada peyu, bidada pabo wiegi yai ula saibao. Tiali goli, mebago te hale genuai mu elaluyu, tama augwali te sesemane sogo bidada peyu, bidada paibao.

Bugagia Bidibo Kolesagade Po Asęai Buku 5:23

Te tobage tiwai bidigo te aga homugo digi ebo kolesaga te aiyaba me elalugobeo. Menio. Agai te wabo pabo bidigo ebo kolesaga tiwai eyu, tama te kolesagago aga ela mubo dao.

Bugagia Bidibo Kolesagade Po Asęai Buku 3:35

Te we bidi dabego te wiegi yai homu elalubo bidi dabeba te genuai nogi mawaibao. Tiali goli, te wiegi yai homu kolesaga meni yai bidi dabego te augwa digi augwa nogi doloyu, moni hale yaibao.

Bugagia Bidibo Kolesagade Po Asęai Buku 1:26

Dagego tama tialigo da, teda te eno me eno te dagego ebo kolesaga tobage tiwai yaibao. Tama te genuai sęgęgo dage gegebo sogo, tama dage dolobaso, teda ena gisugu genuai gilama mu weyu, tama dageba dwai posobo po waibao.

Godigo Nogi Ugwaba Sabo Tęąbi Po Wabo Buku Dabe 132:18

Te eno agai boi bidi dabe te dwai hale mu somainu ilaibao, tiali goli, te agai tonalubo we bidi dabe da, te augwali wiegi yai pedelama, tama bomo elalu bidaibao,” po wai dao.

Tigidali Nai Gagalama Nigali Side 41:39

Tialima, Ferogo te po Josepbolo wali, “Godigo digi nagebolo te sę dabe ola manio. Tama tibaso, mena bidi me deligo te nago te homu kolesaga dagalabo kolesaga tiwai me elalugobeo, te nago koneani homu kolesaga tiwai me elalubeo.

1 Samuel 25:17

Tama tiyu, nago bugagia koneao, megi da, te Devit aga bidi dabe dali asiyu, te dago genuai bidi me te tigidali we bidi dali dolagasaibao. Tama magi naigo nago te yagasobo sę paliabo sunumi te bugagia homu kone palao. Ena nageba asali, magi baso meni, Nabal te hagoma bidi, tama agai te dago po me odogobeo,” wali.

1 Samuel 18:30

Te hauwa sogo te ami dabe augwa polalubo bidi kepten tego te Filistia ami bidi dabe odasa asu, te Israel dabeba hwįagasali, tiali goli Devitgo aga ami bidi dabe daligo te hwįbo bomo mu eyu, tama augwali aiyaba elalu iduali. Te Solgo gasa ofisa dabe te augwa hani ami dabe dali te augwaligo hwįbo bomo te Devitgo hwįbo bomo tiwai gilama me ebeo. Tama tibaso, te we bidi dabego te genuai nogi Devitba mayu yai dao.

1 Samuel 16:18

Tama sę bidi me deligo Solbolo te po wali, “Eno te Betlehem bidi Jesigo ogwa me deli suai dao. Te gesi ogwa bidigo agai te musik elibo mu koneai. Tama aga te wiegi yai hwįbo bomai bidi da. Tama aga te wiegi yai po weyu, tama tonobo sawi yai bidi mu. Tama Genuai Bidi me aga dali bidibo dao,” wali.

1 Samuel 13:13

Tialima, Samuelgo agabolo te po wai, “Nago kolesaga mu geda muanio. Nago te dena Genuai Bidi Godigo te nagebolo mani po, te nago wali me pabeo. Te nago agai po wali pigi sogo da, teda agai nage me, naga hani daligo me, te Israel bage sesemane sogo tonalumainu iligi dao.

Kolesaga Koneai Bidigo Pusali Po Elalubo Buku 8:1

Te kolesaga page mu konea pali bidigo naga te mena ebo page mu koneaibao. Tialima, dego mu te kolesaga page mu koneai bidi aiyaba elalueibawe? Te bidigo gesabi hulia sobaso da, teda wiegi yai homu kolesaga igulubaso, te aga gesabidi ula ma ebo dao.

Bugagia Bidibo Kolesagade Po Asęai Buku 12:7

Te dwai kolesaga ebo bidi da, te aga dolama tama silaibao. Tiali goli, te doloba pai bidigo hani da, te bugagia ma dolalubao.

Bugagia Bidibo Kolesagade Po Asęai Buku 12:9

Tama te olo bidi me deligo te aga sę bidi me deli te aga bede bidibaso da, te wiegi yai da, tama te bidigo aga genuai bidi da homu ebo bidi te aiyaba elaluali, tiali goli te aga nai sǫą pali.

Bugagia Bidibo Kolesagade Po Asęai Buku 29:27

Te doloba pai kolesaga ebo bidi dabego te dwai kolesaga ebo bidi dabe wei homu me egobeo. Tama te dwai kolesaga ebo bidi dabego te wiegi yai doloba pai kolesaga wali pabo bidi dabe wei homu mu me egobeo.

Aisaia 19:14

Genuai Bidigo te Isip dabego homu kolesaga polo dolai dao. Te pagede te Isip dabego ebo sę dabe dolo me pabeo, te geda mubao, te polobo bidigo aga bogu agalama, tulaluainu ebo tiwai te ebao.

1 Samuel 2:30

Ena God, te dage Israel dabego Genuai Bidi, polobadu eno po nago wąį nǫų Aron dali po dąų walali, tama aga hani dali me, te augwali hani sesemane te pris sę iduaibao wai. Tiali goli, megi eno te dąų walali po hasegelaibao. Megi eno te tiwai po obao, te eno nogi ugwaba sabo bidi da, teda eno agaba genuai nogi mawaibao. Tama ena dali hagoma homu ebo bidi da, teda eno aga aiyaba mu elalueibao.”