Biblia Todo Logo
Bib sou entènèt

- Piblisite -




Bugagia Bidibo Kolesagade Po Asęai Buku 12:16 - Godigo dwagi yai po buku

16 Te wiegi yai homu kolesaga elalusiąbo bidi dabego te bidi mego magi sę me deli augwaliba ebo si, te augwali haliga sębę polo eyu yaibao. Tiali goli, te wiegi yai homu elalubo bidiba te dwai po obaso da, teda agai te pode homu elama, sula tagalobo dao.

Gade chapit la Kopi




Bugagia Bidibo Kolesagade Po Asęai Buku 12:16
12 Referans Kwoze  

Te wiegi yai homu kolesaga meni yai bidigo te aga haliga sębę ebo te hanilama pedalumainu yaibao. Tiali goli, te wiegi yai homu elalubo bidigo da, te aga haligade sębę ebo te palia sabo dao.


Eno dwagi yai ama dedeo, dagego e po pagede bugagia kone palama, koneao. Dagego te po odabo homu sisi elama, wabo po odao. Te dagego polo asesa te po weyu, tama dagego polo wado po wabo homu olamu dao. Dua yao, sębę polo egimio.


Te haliga dugulubo po wabo kolesagago te we bidi hani augwa hasi peda sabo tiwai ebo dao. Tiali goli, te homu dene ebo kolesagago te dwai sęde sali sęgę hauwa sela sąbo dao.


Te bidi aga abagi dabe dali bugagia bidimainu homu ebaso da, teda agai te augwaligo yali dwai sę haniligobeo. Tiali goli, te bidi me deligo te dwai sę yai po me deli po ola bilibaso da, teda agai te bidigo aga abagi dali wado po omainu ebao.


Te bidigo aga haliga sębę ebo te pania sisąbaso da, teda te gasa bidi dabego aga aiyaba elaluaibao. Te tobage bidi te obo bagulisiąwai elalubo hanu me deli tiwai elalubaso, tama te boi bidi dabe te tomoba pelama, tama dolaibao.


Te dwagi yai homu kolesaga bidi elalu da, teda te agaba te bidibo ula mabo ąį tiwai ebao. Tiali goli, te dwagi yai homu elalusiąbo bidi dabe, augwaligo te dobo kolesaga eyu, tama tego augwa digi dolobo dao.


Te wiegi yai homu elalusiąbo bidi dabego, augwa koneani, te wiegi yai homu koneabo kolesaga te elaluba homu ebo koneai. Tiali goli, aga te wiegi yai homu elalubo bidi dabe dali sesemane bidibo dao.


Ma, kolesaga meni yai bidigo da, teda dwai kolesaga wali paibao. Tama homu sęgę eyu, sębę ebo sę tigidali sogo yaibao. Tama aga te kolesagago aga digi aga ma isilaibao.


Te sę ebo suali bidi, te witnes bidi, te mu po wabo bidi yai baso da, teda agai doloba pai po naga te po tų ebode pusaibao. Tiali goli, aga te tibo po wabo bidi tiwai eyu da, agai te po tų ebo te tibo dali waibao.


Te wiegi yai homu me elalusiąbo bidigo dobo kolesagago, agai te genuai sęgę dabolo mawaibao, tama te sęgęgo te genuai masigigo sęgę, me te masigi kemi pesage holali te aiyaba elalubo dao.


Swiv nou:

Piblisite


Piblisite