Bugagia Bidibo Kolesagade Po Asęai Buku 12:11 - Godigo dwagi yai po buku

¹¹ Bidigo te aga gi bugagia tonalubaso da, teda agai nai hauwa saibao. Tiali goli, te wiegi yai homu kolesaga meni yani bidi da, aga te sę dene odolali eyu, te haniani sęgo aga me tau sainu ebaso, usu me egobeo.

Bugagia Bidibo Kolesagade Po Asęai Buku 12:11 Referans Kwoze

Bugagia Bidibo Kolesagade Po Asęai Buku 28:19

Te bidigo gi sę ebaso da, te agai gide nai hauwa elaluaibao. Tiali goli, te bidigo te aga page elalusiąbo haniani sę yali da, teda aga magi doado bage meni yai dwai mu bidaibao.

Bugagia Bidibo Kolesagade Po Asęai Buku 14:23

Te nago sę dene ebo sę eyu da, teda nago wiegi yai mone saibao. Tiali goli, te nage olo bididu, tama nago po naga udali da, te nage magi nai meni yai mu bidaibao.

Godigo Nogi Ugwaba Sabo Tęąbi Po Wabo Buku Dabe 128:2

Tama te naga yali sęde te mone selama, te nago sǫą pali doado bage abelibaso, te usu yaibao. Tama nago ebo sę tigidali te wiegi yai pedelama, tama nage pemene yaibao.

Efesus 4:28

Tama te polobadu nai wi sidu geai bidi agai te nai wi sabo sę tagalama silao. Megi aga digi doloba pai sę yao. Tama agai aga digi nai sabo sę aga nogogo digi eyu, tama aga digi tau siyu, te nai meni yai we bidi me tau siyu yao.

2 Tesalonaika 3:8

Tama da dage dali bidibadi dago dagego nogode tubo nai olo me sabe. Menio. Dago abeleyu naga yai. Dago sę bomo elama, tama siade me hulide me te sę dene hauwa mu eyu, tama dago dagebolo naga sęgę maidali weyu tiwai dao, dage habuge idali weyu.

Bugagia Bidibo Kolesagade Po Asęai Buku 9:6

Te duga umuna sai kolesaga ebo tagalama, tama aselama, te bidabo ula sagasiąo. Dagego te wiegi yai homu kolesagago sunumi wali piąo,” augwaligo te po wabo dao.

Bugagia Bidibo Kolesagade Po Asęai Buku 14:4

Te gi tǫ pepedebo kibu bulmakau omai te meni yani da, teda te nai mubo be te odolali elalueibao. Tiali goli, te sę yabo bulmakau elalu baso da, teda te gide nai hauwa elalueibao.

Bugagia Bidibo Kolesagade Po Asęai Buku 7:7

Tama eno suali, te gesi bidi dabe te sunumidu iba soyu, oba soyu ebo suali. Augwaligo te wiegi yai koneani homu kolesaga me elalusiąwai. Tiali goli, me deli te agai mu geda muanio.

Bugagia Bidibo Kolesagade Po Asęai Buku 13:20

Te bidi te wiegi yai homu kolesaga elalubo bidi dali bilali da, teda agai me te wiegi yai homu kolesaga saibao. Tiali goli, te bidi te wiegi yai homu meni ebo bidi dabe dali kisasa bilibaso da, teda te sęgęgo aga gegaibao.

Tigidali Nai Gagalama Nigali Side 3:19

Te nage sę dene eyu, posolo pedelama, tama te tǫde nai pedelaibao. Tama nage sę dene sesemane sogo iduama, tama nago isabo sogo usu nigi pelama, tama nage te tǫba ma paibao. Magi baso meni, eno te tǫgo nage nigali, tama nage te tǫba ma paibao,” Godigo te po wai.

Bugagia Bidibo Kolesagade Po Asęai Buku 6:32

Tiali goli, te bidigo gasa bidigo we dali pibaso da, te mu geda munama, tama te esela peyu, te mu umuna pabo bidi tiwai ebao. Te kolesaga ebo bidi aga digi aga dolobo dao.

Bugagia Bidibo Kolesagade Po Asęai Buku 9:16

“Dage te wiegi yai homu kolesaga meni yani bidi, me te dage umuna sai bidi me, dage te eno be tomoba asiąo,” wali.

Bugagia Bidibo Kolesagade Po Asęai Buku 9:13

Te umuna sai kolesaga te we me deligo po dągą subigila ola bilibo tiwai ebao. Agai homu kolesaga te wiegi yai me elalusiąyu, tama te wiegi yai kolesaga me konebeo.

Godigo Nogi Ugwaba Sabo Tęąbi Po Wabo Buku Dabe 26:4

Ena te dwai sę ebo bidi dabe dali me bilisiąwai. Ena te tibo po wabo bidi dabe dali me bilibeo.

Te Israel Tobolu Bidi Dabe 9:4

Augwaligo agabolo te ge mone bidi sese sela olama, nogo si, te 70 mone silva te tibo godiba lotu wabo be Balberit tempel bede te mone selama mani, tama agai te monego aga wali pabo dwai bidi dabe abelai.

Jona 2:8

“Te tibo godiba lotu po wabo bidi dabe, augwaligo te nago augwali homu dene eyu, tau sabo kolesaga te tudiba mubo dao.

Bugagia Bidibo Kolesagade Po Asęai Buku 27:27

Tama nago te naga meme ame pę dabe siyu, tama te naga dali, te nago we wai dabe dali tumainu yao, tama nago te naga sę ebo we dabeba me mayu ebo usu yaibao.

Bugagia Bidibo Kolesagade Po Asęai Buku 13:23

Te doado bage sǫą pai bidi dabego gide te nai hauwa holali, tiali goli te genuai bidi dabego anoma eyu, augwali aiyaba elaluama, tama te nai sabo dao.

Bugagia Bidibo Kolesagade Po Asęai Buku 20:13

Te nage sesemane sogo godege pibo gedu magane idubaso da, te nage mone menia selama, tama nage magi doado bage meni yai bidi pedelaibao. Tiali goli, nage hogodama, sę ebaso da, te nago nai hauwa elaluaibao.