Bugagia Bidibo Kolesagade Po Asęai Buku 11:5 - Godigo dwagi yai po buku

⁵ Te doloba pai kolesagago te doloba pai bidi dabe augwa tau siyu, tama te doloba pai sunumi wali pabo usu yaibao. Tiali goli, te dwai kolesagago te dwai bidi dabe augwa digi tula mumainu ilibo dao.

Bugagia Bidibo Kolesagade Po Asęai Buku 11:5 Referans Kwoze

Bugagia Bidibo Kolesagade Po Asęai Buku 5:22

Te dwai bidi aga sęgęgo digi te aga te wago kalabus elama, te bonogo kęąlubo tiwai ebao.

Bugagia Bidibo Kolesagade Po Asęai Buku 11:3

Te doloba pai we bidi dabego doloba pai kolesaga ebogo te dwagi yai sunumi augwalibolo ola mabo dao. Tiali goli, te tibo po wabo bidi dabe da, te augwa tibo po wabo kolesagade digi te augwa dolaibao.

Bugagia Bidibo Kolesagade Po Asęai Buku 3:6

Te tigidali sę nago ebo, nago bomai homu Genuai Bidiba elama, tama nago te sę yao, tama agai nagebolo te wali pabo doloba pai sunumi ola mawaibao.

2 Samuel 17:23

Ahitofelgo te Apsalomgo agai po wali pabo susiąbaso da, tama aga donkiba duagi pelama, tama aga hanuba digi ma geasa pai. Tama aga pelama, te aga we waigo tigidali doado bage me, te aga bisnis me, te tigidali dodolama, tama nosali aga digi te aga ba bonoba walama, tama isalio. Tama aga hani sibi dabego te aga tigi selama, tama aga ayago gų pageba pubaligi palio.

Te Israel Tobolu Bidi Dabe 20:41

Tialima megi da, te tibo sę eyu, wi pali Israel dabe ma begelali. Te Benjamin dabego te tiwai ebo subaso, te augwali wi mu elama, tama augwaligo bomo me sia salio. Augwaligo megi da koneama, te augwali mu dola silaiba homu yalio.

Bugagia Bidibo Kolesagade Po Asęai Buku 12:3

Te dwai kolesaga ebo bidi da, tego aga bomo elama, bugagia bidimainu tau sabo usu me egobeo. Tiali goli, te doloba pai kolesaga ebo bidi da, aga te ni sele aiyanu mu dulama elalubo tiwai, tama bidi dabego gudainu ebo usu me egobeo.

Bugagia Bidibo Kolesagade Po Asęai Buku 21:29

Te dwai kolesaga ebo bidigo tibo po weyu, tama aga te wiegi yai bidi tiwai gagawaibao. Tiali digi, te doloba pai bidigo homugo te aga bilibo kolesaga te sesemane bugagia pedalumainu ebo dao.

Jopgo Po Asęani Elalubo Buku 18:7

Tama te bidi dabe augwali bugagia bidibo sogo da, augwali bomo elama, bilibo dao. Tiali goli, augwali sęgę sabo sogo da, augwali mage basia selama, dua dua naga bilibo dao. Augwaligo gasa bidi dabede dwai sę yabo homu ebo dao. Tiali goli, augwaligo ebo homu geda munama, te homugo augwa ma dolobo dao.

Bugagia Bidibo Kolesagade Po Asęai Buku 13:6

Te bidigo doloba pai kolesaga ebaso da, teda aga te kolesagago aga bobogela selama, tama aga bugagia bidibo dao. Tiali goli, te dwai sę ebo bidi dabego kolesagago te augwa digi dolobo dao.

Bugagia Bidibo Kolesagade Po Asęai Buku 14:32

Te dwai sę ebo bidi dabe te augwa dwai kolesagago digi te dolobao. Tiali goli, te doloba pai bidi dabe te magi nai me delide homu si me egobeo. Te augwa isibo sogo pedalubo si da, te augwa konealubo po te me dąų elalueibao.

Bugagia Bidibo Kolesagade Po Asęai Buku 15:19

Te hagela bidigo te aga bidibo ula te dwai mu da, te homu yaibao, te aga busi sunumidu pabo tiwai yali. Tiali goli, te doloba pai bidigo koneai, te aga bidibo ula te wiegi yai mu da wali, te aga genuai sunumidu pabo tiwai ebo dao.

Bugagia Bidibo Kolesagade Po Asęai Buku 28:18

Te bidigo doloba pai kolesaga wali peyu da, te Godigo aga tonaluyu, aga bugagia bidaibao. Tiali goli, te bidigo dwai kolesaga yali da, te polo mu tama aga dolaibao.

Aisaia 26:7

Te sunumi te doloba pai we bidi dabe bilalubo sunumi da dolo naga te elalubao. Genuai Bidi, nage doloba pai God dao. Tama nago augwali bilibo sunumi dodolobo dao.

Hosea 5:5

Te Israel dabe augwa hagoma kolesagago digi augwa ma po tų ilali. Te augwa dwai sę yali sęgęgo digi te augwa tulaluama, tama te Juda dabe me te augwali dali tulaluai dao.