Bugagia Bidibo Kolesagade Po Asęai Buku 11:19 - Godigo dwagi yai po buku19 Te doloba pai kolesaga sainu bomo ebo bidi dabe te augwa bidibo ula saibao. Tiali goli, te dwai kolesaga yainu bomo ebo bidi dabe te augwali isaibao. Gade chapit la |
Magi baso meni. Te dwai sęgo te aga sę ebo bidi augwalibolo te pe mabo dao. Te mabo pe te isibo sę naga dao, augwali te God dali dagalama tama aga dali bidada peyu bidada pogobeo. Tiali goli te da te ula sabo dolo meni yai goli, Godigo dabolo te wiegi yai olo mabo kolesaga eyu, te sesemane sogo bidibo ula mawaibao, te da te dago Genuai Bidi Krais Jisas dali wadolali we bidi dabolo agai te ula olo naga mawaibao.
Tama tiyu, tama te dwai sę ebogo bidi homu hodolama, tama te dwai kolesaga hauwa eyu, te wego wai ame nainogo haliga ebo tiwai elama, tama nosali te dwai sę haniani hauwa eyu, tama te dwai kolesagago wai hauwa ame nai. Tama nosali te dwai sę ebo genuai mu pedalama, tama te dwai sę ebogo te bidi dolama, tama bidi te sęgo isibo tiwai pedalaibao.
Elaija sabaligi pelama, kingbolo te po wai, “Genuai Bidigo e tiwai po tama wai. ‘Nago homugo God Israel bidi dabe dali bidibewe?’ wai, ‘tama tibaso, nago me badu bidi tagala palama, te Balsebup hanalugi pao waliwe, te Ekron dabego tibo god dao. Tama tibaso, nage munu ma usu egobeo. Mu menio. Nage tama pila muna muna pedubadi kęnama, tama nage isigi paibao,’ wali.” Elaijago kingbolo te po ola mawai.