Bugagia Bidibo Kolesagade Po Asęai Buku 11:12 - Godigo dwagi yai po buku

¹² Te bidigo gasa bidi dolama, te po dwai wabo bidi, aga te kolesaga umuna sai bidi tiwai ebao. Tiali goli, te wiegi yai homu elalubo bidigo pedauwali te pania selama, tama te tobage po me wagobeo.

Bugagia Bidibo Kolesagade Po Asęai Buku 11:12 Referans Kwoze

1 Pita 2:23

Augwaligo aga dali dwai dwai po wabo si agai augwali dali dwai po wei ponobe, sagia sai. Tama augwaligo aga dene maidu gebo si, agai te boi bidi homu eyu, po wei munu me ponobeo. Woo. Te menio. Aga te homu yali, ‘God agai te augwaligo ena dali yali sęde te po tų dolo mu yaibao,’ te homu yai. Tama te homu eyu, agai te po tų yabo sę Godigo nogoba maidu geai.

Bugagia Bidibo Kolesagade Po Asęai Buku 10:19

Te po hauwa wabo bidigo, agai te aga pode te sęgę sabo po weyu tebao. Tiali digi, te po hauwa me wasiąbo bidi da, agai homu kolesaga te wiegi yai elalubao.

Dwagi Yai Gesi Po Lukgo Asęani 18:9

Te Jisas agai po begelai po me pusali. Te we bidi me badu augwaligo te tiwai homu yali, ‘Da naga doloba pai we bidi mu dao. Tiali goli, gasa we bidi tigidali te dwai we bidi dao,’ augwaligo te homu yali. Tama te homu yali we bidibolo Jisasgo e po begelai po pusali.

Dwagi Yai Gesi Po Lukgo Asęani 16:14

Te Farisi bidi hani dabe augwaligo Jisasgo wali po odali. Augwali te mone dali pesa ebo bage bidali. Tama tibaso, Jisasgo agai po obadi yaide, augwaligo bo weyu bidali.

Bugagia Bidibo Kolesagade Po Asęai Buku 14:21

Te bidigo gasa bidiba dwai po weyu dolobo bidi da, teda aga te dwai sę dolo ebo bidi mu yali. Tiali goli, te doado bage meni yai bidi dabe te bidigo wiegi yai homu elama, te olo mu tau sabo kolesaga ebo bidi da, te aga wiegi yai homu pemene yao.

Te Israel me Juda Hani Sigo Tuni Bidigo Po Elalubo Buku Si 18:36

Te Asiria gavman ofisa bidigo agai te po wabo silama, tiali goli te taun obo ugwadu daide bidali bidi dabego tama augwaligo sagia siyu, po me deli wei ponobe, magi baso meni, te king Hesekiago augwalibolo te Asiria hani augwaligo te po wei ponogio olama, habu selai baso, tama augwaligo te po wei ponobeo.

1 Samuel 10:27

Tiali goli, te hagoma ebo bidi mebago te po wai, “Magi elama tama, te bidigo da tau saibawe?” Tama augwaligo te Sol hagela homu mu elama, tama augwaligo te wiegi yai nai me deli agaba me ma mabeo. Tiali goli, Solgo te po me deli augwaliba me wabeo.

Te Israel Tobolu Bidi Dabe 9:38

Tama megi da, Sebulgo Galbolo te po wali, “Megi da, nago posobo po wali te po mena elalubawe? Naga digi nago te po wai, ‘Abimelek te de dawe? Magi baso da te aga dologode bidibawe?’ Te e bidi dabe augwalibolo te nago posobo po walio. Tialima, megi da, te nage pelama, te augwali dali boi hwįgi pao,” wali.

Bugagia Bidibo Kolesagade Po Asęai Buku 6:32

Tiali goli, te bidigo gasa bidigo we dali pibaso da, te mu geda munama, tama te esela peyu, te mu umuna pabo bidi tiwai ebao. Te kolesaga ebo bidi aga digi aga dolobo dao.

Bugagia Bidibo Kolesagade Po Asęai Buku 11:11

Te doloba pai bidi dabego te augwa taun tomode wiegi yai kolesaga ebaso, te tebogo te taun wiegi yai pedelaibao. Tiali goli, te dwai kolesaga ebo bidi dabe, augwaligo te dwai po haniani weyu, tama tego te taun dolobo dao.

Bugagia Bidibo Kolesagade Po Asęai Buku 11:13

Te subigila po hauwa wabo bidigo te aga abagigo geme dualubo po pusaibao. Tiali digi, te mu po wabo bidigo te aga abagigo geme dualalubo po me hanilama pusugobeo.