Bugagia Bidibo Kolesagade Po Asęai Buku 11:11 - Godigo dwagi yai po buku

¹¹ Te doloba pai bidi dabego te augwa taun tomode wiegi yai kolesaga ebaso, te tebogo te taun wiegi yai pedelaibao. Tiali goli, te dwai kolesaga ebo bidi dabe, augwaligo te dwai po haniani weyu, tama tego te taun dolobo dao.

Bugagia Bidibo Kolesagade Po Asęai Buku 11:11 Referans Kwoze

Bugagia Bidibo Kolesagade Po Asęai Buku 14:34

Te we bidigo doloba pai kolesaga wali pobaso da, teda te tǫ bulu kantri bidi hani nogi te genuai elaluaibao. Tiali goli, te augwaligo dwai sę eyu da, te augwali hale genuai yaibao.

Bugagia Bidibo Kolesagade Po Asęai Buku 29:8

Te hagoma ebo bidi dabego te taun bidi dabego te hale sębę ilama, tama augwade digi te dwai wado homu emainu yaibao. Tiali goli, te wiegi yai homu elalubo bidi dabe, augwaligo te bidi dabego wado homu ebo te isilama, tama te bidi dabe augwa haliga nagame ma igulubo dao.

Jems 3:6

Te sia dabo tiwai da bidigo kelego wabo po tiwai dao. Tama te sia dabo tiwai, dago wali dwasianu dwai po te genuai mu pedaluama, dago tigi tomode dwai meda mu elama, tama da dolobo page elalubo. Tama dago wabo dwai po aga page bulu da te Satan aga moni dwai sia dabo bulu dao.

Kolesaga Koneai Bidigo Pusali Po Elalubo Buku 9:15

Tialima, te taunde magi nai meni yai bidi me deli bidali, tama te bidigo koneani homu kolesaga wiegi yai mu elaluali. Te agai wiegi yai homu kolesagago, agai te taun te boi bidi dabego nogode ma sabo sunumi gegelama sualio. Tiali goli, nosali te bidi dabego te magi nai meni yai bidi homu kone munu ma ebeo.

Jopgo Po Asęani Elalubo Buku 22:30

Tama Godigo gedude nage doloba pai bidi bidibaso, agai dwai sę ebo we bidi me hobede eyu, tama augwali ma saibao. Augwali hagagobeo.” Elifasgo te po wali.

2 Samuel 20:1

Te sogo te bidi dwai me deli te Israel dabe tomode bidali, aga nogi Seba. Aga te Bikrigo ogwa, tama aga te Benjamingo hani bidi. Sebago te biugel bu weyu, te i olama, te tama po wali, “Te Devit tagalao, da te agai hani menio. Da te Jesigo ogwago hani bidi menio. Dago aga wali me pelamuo. Ae, te da Israel bidi tigidali, dena buluba ma pelainao,” po wai.

Tigidali Nai Gagalama Nigali Side 45:8

Tama dagego digi enade mone siyu, tama ena tagala palobaso, te ena e buluba soabeo. Menio! Godigo digi ena tagala palobaso, tama ena soali. Tama agai ena te Ferogo aya tiwai ilali. Eno agai bede me bulubadu hani tigidali tonalu, tama ena te Isip tigidali pedai badu tolalubo tobolu bidi bidibo dao,” Josepgo te po wai.

Bugagia Bidibo Kolesagade Po Asęai Buku 11:10

Te doloba pai bidi dabego bidibo kolesaga te wiegi yai pedalubo sogo, te hanude bidibo we bidi dabego wiegi yai pemene ebo dao. Tiali goli, te bidi me deligo dwai kolesaga sesemane sogo ebaso da, teda te aga isibo sogo, te we bidi dabe augwa wiegi yai pemene mu eyu, hae wabo dao.

Bugagia Bidibo Kolesagade Po Asęai Buku 11:12

Te bidigo gasa bidi dolama, te po dwai wabo bidi, aga te kolesaga umuna sai bidi tiwai ebao. Tiali goli, te wiegi yai homu elalubo bidigo pedauwali te pania selama, tama te tobage po me wagobeo.

Bugagia Bidibo Kolesagade Po Asęai Buku 28:2

Te bulu tǫ pedaide bidibo bidi dabego te gavman hasegelibo sęde hwįbo sę ebaso da, teda te gesi tobolu bidi hauwa sesemane pedelaibao. Tiali goli, te wiegi yai homu kolesaga elalubo tobolu bidigo da, teda agai te bulu tǫ pedai kantri bugagia bidimainu yaibao.