Bugagia Bidibo Kolesagade Po Asęai Buku 10:9 - Godigo dwagi yai po buku

⁹ Te doloba pai bidi dabe te bugagia bidaibao. Tiali goli, te dwai sę ebo bidi dabe te geme me duala sobaso, te usu me egobeo.

Bugagia Bidibo Kolesagade Po Asęai Buku 10:9 Referans Kwoze

Bugagia Bidibo Kolesagade Po Asęai Buku 28:18

Te bidigo doloba pai kolesaga wali peyu da, te Godigo aga tonaluyu, aga bugagia bidaibao. Tiali goli, te bidigo dwai kolesaga yali da, te polo mu tama aga dolaibao.

Matyu 10:26

“Te bidi dabe augwaligo dage dali te tobage sę nosali yaibao, te dagego konebaso, tama dagego te dwai sę ebo bidi dabe augwalide wi egimio. Te tigidali geme halualuali nai te bulu ulaba hania pedelaibao. Tama tigidali te geme dualaluali po te we bidigo hania koneaibao.

2 Timoti 5:25

Te wiegi yai kolesaga me te tiwai naga dao. Te wiegi yai kolesaga dabe me te hania elalubo dago subo dao. Tama meba dwagi yai kolesaga te we bidi dabego ebo te hania polo me pedalisiąyu yali goli, te me sesemane sogo geme me dualalugobeo. Menio! Nosali dago te me koneaibao.

1 Korin 4:5

Tama tibaso, te sogo me elalubadi, te dago Genuai Bidi asisąbadi dagego te gasa bidi mego ebo kolesaga dagaligio. Aga asama tama agai te we bidi augwaligo augwa homu tomode geme dualaluali po tigidali selama te ulaba muagasaibao. Tama tigidali bidigo homu kolesaga hania hanilaibao. Tama te sogo Godigo da tigidali deli deli bidi te dago yali sę osola sulama, tama te sę usu baso agai te sę yali bidigo nogi ugwaba saibao. Bidi deli deligo yali sę usu nama te aga nogi te tama naga ugwaba saibao.

Bugagia Bidibo Kolesagade Po Asęai Buku 3:23

Tama nage te sunumidu bugagia biliyu, tama te magi nai me deligo te nago sągąde me selegobeo.

Godigo Nogi Ugwaba Sabo Tęąbi Po Wabo Buku Dabe 84:11

Genuai Bidi, te da seselalubo bidi, te dago genuai nogi elalubo king dao. Agai te olo tau sabo wiegi yai kolesaga dabolo eyu, tama daba genuai nogi mayu yali. Agai te bugagia dolasa bilibo we bidi dabede te mena nai me deli me dąų me ela sogobeo.

Godigo Nogi Ugwaba Sabo Tęąbi Po Wabo Buku Dabe 25:21

Eno konealubo homu nageba elalubao, tama tiyu, nago eno te tigidali wiegi yai doloba pai kolesaga emainu eyu, tego te sesemane sogo ena tonalumainu ilao.

Bugagia Bidibo Kolesagade Po Asęai Buku 17:20

Te dwai homu idu, te dwai tibo po sesemane odubo bidi da, aga te bugagia me bidigobeo. Menio. Agai te dwai sę naga iduaibao.

Godigo Nogi Ugwaba Sabo Tęąbi Po Wabo Buku Dabe 23:4

God, ena te dwai bulu te be hulia sai madi bilibaso da, te tagalao, ena te dwai naide wi me egobeo. Magi baso meni, nage ena dali bidibao. Eno suali, nago te sipsip tonalubo bidigo dono tolasa bilibo suali, tama tibaso, eno homu nagame elama, bidibo dao. Ena me dologobeo.

Bugagia Bidibo Kolesagade Po Asęai Buku 26:26

Agai aga te homu geme dualubaso, usu yaibao wali, tiali goli te we bidi dabego agai te dwai kolesaga konea pabo dao.

Tigidali Nai Gagalama Nigali Side 17:1

Te Abram te kibu be bidi sese a naga wabo pąde, te kibu be 99 elalubadi, tama Yawe agaba pedelama, tama te po wai, “Ena te Tigidali Bomo Elalubo Bomai God dao. Eno po sesemane sogo wali piduao. Tama nage dolasa bugagia bidiyu, tama nagede po me meni yai elalumainu eyu, bididuao.

Jopgo Po Asęani Elalubo Buku 8:20

“Ma, te bidigo doloba pai kolesaga wali peyu, tama Godigo gedude dwai sę me isąma yali da, teda Godigo aga tudiba me iligobeo. Tiali goli, bidigo dwai kolesaga ebaso da, teda Godigo aga tau sabo usu egobeo.

Bugagia Bidibo Kolesagade Po Asęai Buku 28:1

Te dwai kolesaga ebo bidi dabe te odolali wi elama, tama wi paibao. Tiali goli, te doloba pai kolesaga ebo bidi dabe da, te hasa laion tiwai gilama te bomo elama, dolalubo dao.