Bugagia Bidibo Kolesagade Po Asęai Buku 10:6 - Godigo dwagi yai po buku

⁶ Godigo te doloba pai bidi dabeba te wiegi yai sę bugagia yaibao. Tiali goli, te dwai bidigo pogo te gasa bidi dolabo homu eyu, te aga dwai kolesaga te geme dualalubo dao.

Bugagia Bidibo Kolesagade Po Asęai Buku 10:6 Referans Kwoze

Bomai Po 28:2

Dagego Genuai Bidi dago Godigo tigidali po wali peyu da, teda agai dageba e tobage wiegi yai sę dabe pedalomainogo ilaibao,” wali.

Bugagia Bidibo Kolesagade Po Asęai Buku 28:20

Te bidigo doloba pai kolesaga wali pobaso da, teda te Godigo agaba wiegi yai sę mu yaibao. Tiali goli, te bidi aga polo mu tama te mone hauwa elalubo bidi pedelabo homu ebaso da, teda te Genuai Bidigo aga odolali me pomainu egobeo. Menio. Te agaba te dwai dene mabo sę yaibao.

Bugagia Bidibo Kolesagade Po Asęai Buku 24:25

Tiali digi, te jasgo augwaliba te po weyu, te dwai sę ebo bidiba te dene mayąo po obaso da, teda te jas bugagia bidiyu, tama God Genuai Bidigo aga dali haniani dwagi yai sę yaibao.

Bugagia Bidibo Kolesagade Po Asęai Buku 10:11

Te wiegi yai bidi dabego po te bidibo ula mabo wę tiwai ebao. Tiali goli, te dwai bidi dabego pogo te augwa dwai homu ebo kolesaga te geme dualama, te gasa bidi dolainu tebo dao.

Jopgo Po Asęani Elalubo Buku 29:13

Tama te we bidi augwali dolainu ebo si me, eno augwali tau sai dao. Tama augwaligo buba hwi olama, Godibolo hanaluama, ena tau somainu yai dao. Tama eno te we dabe augwa bidi isai wilawe we dabe me tau sai dao. Tama augwali gana paide bidiyu, dwagi yai homu elama bidai dao.

Polgo Po Pas Rom Dabeba Asęani 3:19

Tama dago koneani, te tigidali bomai pogo ebo sę agai te da te bomai po dologode bidibo Juda bidi dabe dali te sę ebo dao. Godigo bomai pogo te da Juda bagebolo me te dena yali dwai sę ola mabo dao. Tama tialigo da, bidi me deli agai “Te ena doloba pai bidi dao,” te po wabo usu egobeo. Te Godigo bomai po te pogo sę si elalubao. Te bomai pogo dago ebo dwai sę dabolo ola mabo dao, tama dago wei ponobo po menio. Tama me, da tigidali bidi te da tigidali gasa haniani tǫde bidibo we bidi dago te Godigo gedude dwai sę yali elaluai, te Godigo da tigidali dali po tų yaibao. Dago te me konemainogo, te bomai po elalubo dao.

Bugagia Bidibo Kolesagade Po Asęai Buku 11:26

Te bidigo aga nai te we bidi dabego abelainu ebadi te gea sobaso da, teda augwaligo te po dwai agaba waibao. Tiali digi, te bidigo te we bidigo agai nai abelimainu ebaso da, teda augwaligo agaba te wiegi yai pemene ebo dao.

Godigo Nogi Ugwaba Sabo Tęąbi Po Wabo Buku Dabe 107:42

Te doloba pai we bidi dabego te sulama, tama augwa bugai haliga yalio. Tiali goli, te dwai bidi dabego po meni yani. Augwa pedauwali pania siyu naga yalio.

Esta 7:8

Tialima, tuni bidi te gide bidali tagalama, te nai tubo be habuba ma aselama, tama agai suali, Haman te Esta dulalu nai tubo bet sai te badu degasa dulai elalubo suai. Hamango Estabolo te aga olo tau somainu ebo po hanalu wai hagede tama tiali. Tiali goli, tuni bidi agai te tama telalubo sulama, i wali, “Ei, te bidigo ena gedude digi te tuni we kwin te eno bede penani yainu homu yalio,” te po wai. King bidigo po ola silibode, tama polo mu te sę bidi dabe asu, te Haman tobolu te ugwago haluama, te tuni bidigo elainu ebo bidi te tiwai sę augwaligo yai dao.

Bugagia Bidibo Kolesagade Po Asęai Buku 10:5

Te bomai bidigo da, te nai inilama tau ebo sogo te sisinaibao. Tiali goli, te bidi pila muyu, tama te sogo sę me isiąwani da, teda aga hani sibi we wai bidi te genuai hale saibao.

Obadia 1:10

Genuai Bidigo te tiwai po ma wali, “Dage Idom dabego te duga ama dede dabego nai doado bage dabe wi sali, augwali te Jekopgo hani dabe, te augwali ela muai dao. Tama tibaso, eno dage hale mu iliyu, tama dage mu ela silaibao, dage munu me ma pedalogobeo.

Bugagia Bidibo Kolesagade Po Asęai Buku 3:33

Genuai Bidigo te po wali, te dwai sę ebo bidi dabe te augwa we wai puluba dabe dali dolaibao, wai. Tiali goli, Genuai Bidigo te doloba pai bidi te aga we wai hani dabe dali te bugagia bidimainu elama, tama agai augwali tonalubo dao.

Aisaia 3:10

Te dwagi yai doloba pai kolesaga ebo we bidibolo te dwagi yai homu yao po walao. Magi baso meni, augwali dwagi yai pe saibao, augwa yali dwagi yai sęde.