Bugagia Bidibo Kolesagade Po Asęai Buku 10:29 - Godigo dwagi yai po buku

²⁹ Te doloba pai bidi dabego Genuai Bidigo po wali pobaso, agai augwali bugagia tonaluaibao. Tiali goli, te dwai kolesaga ebo bidi dabego agai po wali pisąbaso, augwali dolaibao.

Bugagia Bidibo Kolesagade Po Asęai Buku 10:29 Referans Kwoze

Bugagia Bidibo Kolesagade Po Asęai Buku 21:15

Te we bidi dabego te po tų ebode wiegi yai doloba pai kolesaga wali pabo sogo, te wiegi yai we bidi dabego sulama, tama pemene yaibao. Tiali goli, te dwai kolesaga ebo bidi dabego sulama, te augwali wi mu ebo dao.

Filipai 4:13

Krais agai aga bomo ena menama, tama te bomogo eno tigidali sę ebo usu ebo dao.

Sekaraia 10:12

Te eno we bidi dabe augwali te bomai we bidi dabe pedalumainu ilaibao. Tama augwali ena dologode bidiyu, te eno po wali peyu bilibo sę yaibao. Ena Genuai Bidigo eno te po wai dao,” wali.

Aisaia 40:31

Tiali goli, te Genuai Bidiba konealubo homu dąų olama, te agai augwali tau sabo tonalubo we bidi dabe, augwali te bomo sesemane elalu bidaibao. Tama augwali bomonama eyu, te ba kemodage bola pabo tiwai yaibao. Te augwali udalama, te augwali homu hę me egobeo, te augwali bilidu, te bomo kimi me isigobeo.

Godigo Nogi Ugwaba Sabo Tęąbi Po Wabo Buku Dabe 92:7

Te dwai bidi dabe te wiegi yai nosa tiwai ma pedaliyu, tama te dwai kolesaga ebo bidi dabego te doado bage hauwa selama, tama augwa bugagia bidaibao, tiali goli, nago augwali mu dolaibao.

Godigo Nogi Ugwaba Sabo Tęąbi Po Wabo Buku Dabe 84:7

Te bidi dabe bilama, te bomo yai pedelaibao. Te augwali pelama, te Saionba sabolama, tama te God bidibo sueibao. Aga te tigidali tibo godide te ugwadu elalubo God dao.

Godigo Nogi Ugwaba Sabo Tęąbi Po Wabo Buku Dabe 37:20

Tiali goli, te dwai sę ebo bidi dabe, augwali da, mu dolaibao. Te Genuai Bidigo boi bidi dabe augwali te hagawaibao, te wiegi yai plauago, me nosaigo au tǫba tegaluama, te hagabo tiwai gilama yaibao. Mu tama, te augwali te sia hano te dwasianu sogo naga elaluama, tama te hano pela silibo tiwai gilama ebo dao.

Godigo Nogi Ugwaba Sabo Tęąbi Po Wabo Buku Dabe 36:12

Suao. Te dwai sę ebo bidi dabe te tǫba tulaluama, te pila mubao. Augwali te ma hodalugobeo.

Godigo Nogi Ugwaba Sabo Tęąbi Po Wabo Buku Dabe 1:6

Magi baso meni, Godigo te doloba pai bidi dabe bugagia tonalubo dao, tialima dwai kolesaga ebo bidi dabe, augwali dwai dene ebo bulude bidada peyu, bidada pabo elalubo.

Jopgo Po Asęani Elalubo Buku 31:3

Agai dwai sogo te dwai kolesaga ebo we bidibolo wei ponobo dao. Tama te tibogo augwali mu dolama, tama augwali mu silibo dao.

Bugagia Bidibo Kolesagade Po Asęai Buku 13:6

Te bidigo doloba pai kolesaga ebaso da, teda aga te kolesagago aga bobogela selama, tama aga bugagia bidibo dao. Tiali goli, te dwai sę ebo bidi dabego kolesagago te augwa digi dolobo dao.

Hosea 14:9

Te wiegi yai homu kolesaga elalubo bidi dabe, augwaligo te e bukude elalubo po konea sao. Tama eno homugo te augwaligo homu kone palama, tama te po wali pomainao. Te Genuai Bidigo kolesaga te dolo naga elalubao, tama te doloba pai bidi dabego te kolesaga wali peyu bidaibao. Tiali goli, te dwai sę ebo bidi dabe, te augwaligo Genuai Bidigo kolesaga wali pogobeo. Tama tiyu, augwali tulalubo dao.

Bugagia Bidibo Kolesagade Po Asęai Buku 11:7

Te dwai sę ebo bidi dabego te tama homu yai, te augwa doado bage hauwa te augwa bomogo digi sabo da homu yali. Tiali digi, nosali augwali isibo si da, tama augwa te nai dabe me sogobeo.