Bugagia Bidibo Kolesagade Po Asęai Buku 10:27 - Godigo dwagi yai po buku

²⁷ Te nage Genuai Bidide wi eyu, aga dologode bidiyu, tama nago aga sesemane sogo wali pidu da, teda nage te tǫde sesabi elama bidaibao. Tiali digi, te dwai sę ebo bidi dabe te pęwadage sogo bidama, tama te augwali isaibao.

Bugagia Bidibo Kolesagade Po Asęai Buku 10:27 Referans Kwoze

Bugagia Bidibo Kolesagade Po Asęai Buku 9:11

Te wiegi yai homu kolesagago da, te da nage te tǫde sesabi elama bidimainu yaibao, tama nago kibu be te hauwa mu bidaibao.

Bugagia Bidibo Kolesagade Po Asęai Buku 3:2

Nago te po wali peyu da, te nage bobobage sogo sesabi elama tǫde bididu, tama nage bugagia mu dualalu bidaibao.

Godigo Nogi Ugwaba Sabo Tęąbi Po Wabo Buku Dabe 91:16

Te augwaligo bidabo ula te ibanu gana bobage kidilama, te augwa gasa ugwadu me daganobo tiwai yaibao. Tama eno augwali ma selama, tama augwali ena dali bidaibao,” wali.

Kolesaga Koneai Bidigo Pusali Po Elalubo Buku 7:17

Te me, dago te tobage dwai kolesaga me te wabo pabo bidi dabego ebo homu kolesaga wali pabo bomo mu igio. Tiyu, dago dena isabo sę asesa selebo sę bomo ebo dao.

Godigo Nogi Ugwaba Sabo Tęąbi Po Wabo Buku Dabe 21:4

Agai nageba te bidibo ula mao po hanalu obaso, tama nago aga mawai. Mu tama, nago aga bidibo ula te sesabi mu elama, bidimainu yai.

Bugagia Bidibo Kolesagade Po Asęai Buku 3:16

Te wiegi yai homu ebo kolesagago te nage tau selama, tama nage te tǫde bobobage sogo sesabi elama bidaibao. Tama agai nageba genuai nogi mayu, tama nageba doado bage hauwa mawaibao.

Godigo Nogi Ugwaba Sabo Tęąbi Po Wabo Buku Dabe 55:23

Tiali goli God, te nago te bidi ela mubo bidi dabe sela sąyu, tama te tibo po wabo bidi dabe me sela sąyu elama, tama augwali te dwai pesageba pelama, tama augwali hagawaibao. Te augwaligo bidabo sogo bodolu te me elalubadi, tama te augwali isaibao. Tiali goli, ena digi, teda eno konealubo homu nageba mu sesemane kęą paibao.

Dwagi Yai Gesi Po Lukgo Asęani 12:20

Tiali goli, Godigo te bidibolo te po wali, ‘Nage da, mu umawai bidi dao. Megi hulide tama nage isaibao. Nage isaide, mena bidigo naga tobade yogwaluali nai dabe tigidali saibawe?’” Jisasgo te po wali.

Jeremaia 17:11

Te bidigo kolesaga dolo isąbadi, te mone hauwa sobaso da, te aga te ba me deligo te gasa bago ge wi selama, tama te gede pedelali wai dabe sabo tiwai ebao. Te bidigo mone tigidali te aga monu dabe isąbadi hagawaibao. Tama nosali, te bidi dabego koneaibao, aga te homu kolesaga meni yai bidi tiwai yalio.

Bomai Po 11:9

Tama dage te wiegi yai tǫ ili hauwa elalubo, te tǫde dage bobobage sogo mu bidaibao. Te da, te Genuai Bidigo duga wąį nǫų dabebolo mawaibao olama po dąų wali te tǫ tama agai te tǫ dagebolo me mawaibao, dage da te bagego bulai wai dabe dao.

Bugagia Bidibo Kolesagade Po Asęai Buku 14:27

Te Genuai Bidide wi elama, aga dologoba pelama bidibo kolesaga te bidibo ula mabo ulu wę tiwai ebao. Te kolesagago te bidi tau siyu, te aga dolainu ebo naigo te aga ela soaibao.

Bugagia Bidibo Kolesagade Po Asęai Buku 28:18

Te bidigo doloba pai kolesaga wali peyu da, te Godigo aga tonaluyu, aga bugagia bidaibao. Tiali goli, te bidigo dwai kolesaga yali da, te polo mu tama aga dolaibao.

Godigo Nogi Ugwaba Sabo Tęąbi Po Wabo Buku Dabe 92:15

Te kolesaga augwaligo te we bidi augwaliba ola mabo dao, Genuai Bidi te mu doloba pai dao. Agai te ena seselalubo bomo elalu, tama agade dwai sę ebo me elalubeo. Mu menio.