Bugagia Bidibo Kolesagade Po Asęai Buku 10:26 - Godigo dwagi yai po buku

²⁶ Nago te hagela bidi nago sę emainu me sigio. Tiyu, nage agade hagela mu yabuo, te nago te pedauwalide te ha ebo nai tiwai eyu, tama te sia hanogo te gedu ąį mu pela silibo tiwai ebo dao.

Bugagia Bidibo Kolesagade Po Asęai Buku 10:26 Referans Kwoze

Bugagia Bidibo Kolesagade Po Asęai Buku 26:6

Te nago te wiegi yai homu elalusiąbo bidibolo te gasa bidiba po selasa pomainu tagala palobaso da, teda naga digi naga te dolobao, te naga sągą naga digi togolama sela sąbo tiwai ebao.

Bugagia Bidibo Kolesagade Po Asęai Buku 25:13

Te po selasa asobo bidi, agai te aga tonalubo bidi dabego agabolo mani po dolo pusubaso da, teda agai augwali te wiegi yai pemene ilibao, te kedau yai węgo te bidi te augwa gide te nai sabo sę ebo sogo te pemene ilibo tiwai ebao.

Hibru 6:12

Dage sę ebo hagela egimio. Menio. Bidi meba augwaligo te Godide konealubo po dąų mu weyu, te hagela homu polo isiąbo bidi dabe bidibao. Tama tiyu, tama te polobadu Godigo te aga wai dabe augwalibolo mawaibao wali nai tigidali te tobage bugagia tonalubo bidi dabego sabo dao. Dagego augwaligo ebo dwagi yai kolesaga wali piąo.

Matyu 25:26

“Tiali goli aga genuai bidigo po agabolo wei ponoyu, te po wai, ‘Nage dwai sę bidi dao. Nage sę hagela ebo bidi. Ma, nago bugagia koneani eno te nai ge bulasiąwai goli, te nai siyu, tama gasa bidigo tǫde telawai nai sabo te nago konebo dao.

Bugagia Bidibo Kolesagade Po Asęai Buku 25:20

Te nage pelama, te homu sęgę mu elalubo bidi sugi peyu, tama nago te wiegi yai homu pemene ebo balia po wagi pobaso da, teda nago te bidi dwasianu me tau sabeo. Mu menio. Nage te agai holobo ugwa te kedau sogo nago peda sabo tiwai ebao. Ma, nago te aga tigi selali elalubadi te bidigo te selali keniba tamu gelibo tiwai ebao. Nago agai homu sęgę ma gininibo tiwai ebao.

Polgo Po Pas Rom Dabeba Asęani 12:11

Dagego sesemane sogo sę bomo mu yao. Tama dagego homude bomo eyu tama Genuai Bidigo sę yao.

Aisaia 65:5

Te augwa gasa bageba te tiwai po weyu, ‘Dage dade digibulu bidao, magi baso meni, dago tigide habu selali. Tama tibaso, dage da dali me kisalugobeo,’ te po wabo dao. Eno te hani dabego te tobage kolesaga ebo te eno homude hagela yali. Augwa te tama tebode te eno haliga sębę dwai mu augwaliba ebao. Augwalide eno te haliga sębę ebo te mu siligobeo, te sia bogoli gamonama dabo tiwai ebo dao,” wali.

Bugagia Bidibo Kolesagade Po Asęai Buku 6:6

Dage hagela bidi dabe, eno te tama po dagede elalubao. Dage pelama, te sagado dabego kolesaga bugagia sugi pobaso da, tama teda dage te kolesaga konea pai bidi pedelaibao.