Bugagia Bidibo Kolesagade Po Asęai Buku 10:22 - Godigo dwagi yai po buku

²² Te Genuai Bidigo digi dabolo te wiegi yai doado bage hauwa mayu, agai te doado bagego dabolo te sęgę momainu me ebo menio.

Bugagia Bidibo Kolesagade Po Asęai Buku 10:22 Referans Kwoze

Godigo Nogi Ugwaba Sabo Tęąbi Po Wabo Buku Dabe 107:38

Genuai Bidigo te aga we bidi dabeba wiegi yai sę ela mani. Tama tiyu, augwa te wai hauwa ame neyu, tama agai te bulmakau dabe me hauwa pedalumainu ilalio.

Tigidali Nai Gagalama Nigali Side 26:12

Aisakgo te tǫde nai wai dabe bulama, tama te kibu bede nai umabo mu pedelama, tama agai nai te hauwa sogo mu bulu dali tiwai gilama yali. Yawego aga tau siyu, tama dwagi yai sę aga dali yai,

Tigidali Nai Gagalama Nigali Side 24:35

Yawego eno genuai bidibolo wiegi yai mobo menama, tama aga genuai bidi nigilali. Yawego agabolo nai hauwa mani, te e nai dabe dao, sipsip, meme, bulmakau, silva me gol, sę bidi me, sę ebo we me, kamel me donki, te tama doado bage hauwa mawai dao.

Tigidali Nai Gagalama Nigali Side 12:2

Te eno nago wąį hani dabe te genuai hani mu pedalumainu yaibao. Te eno nage dali dwagi yai sę mu yaibao. Eno te nago nogi genuai ilaibao. Tama gasa we bidi dabe augwaligo te tiwai po waibao, ‘Eno homugo te Godigo enabolo dwagi yai sę emainao, te agai Abram dali yali tiwai yao.’

Godigo Nogi Ugwaba Sabo Tęąbi Po Wabo Buku Dabe 37:22

Te Genuai Bidigo wiegi yai po augwaliba wabo we bidi da, te augwali te bugagia tǫde bidaibao. Tiali goli, te Genuai Bidigo te dolomainao po wali we bidi dabe da, teda agai augwali sela sąwaibao.

Bugagia Bidibo Kolesagade Po Asęai Buku 20:21

Te bidigo te aga aya de ida si bidibadi digi te augwaligo doado bage asesa sainu ebaso da, teda te doado bage bugagia me elalugobeo.

Bugagia Bidibo Kolesagade Po Asęai Buku 28:22

Te aga doado bage yogo ela sabo bidigo, aga te mone hauwa elalubo bidi pedalubo sę bomo polo yaibao. Tiali goli, aga te magi nai meni yai dwai mu pedelabo te agai me konebeo.

Sekaraia 5:4

Tigidali Bomo Elalubo Genuai Bidigo te po wali, agai te dwai bidi dolabo po toloyu, tama agai te nai wi siyu me tibo po weyu ebo bidi dabego be tomoba po ola tolaibao. Tama te po te bidi dabe augwa be tomode elaluyu, tama te bidi dabe dola silaibao,” wali.

Josua 6:18

Tiali goli, dagego te hanude nai me deli sidali weyu habu sai. Te dagego sali da, teda te dolabo te moni dwai sę te dage Israel dabe bidibo pesagede mu pedelaibao.” Te po wai.

Te Israel me Juda Hani Sigo Tuni Bidigo Po Elalubo Buku Deli 21:19

Nago agabolo te tama po walao, ‘Ena Genuai Bidi, eno te po obao, nago te bidi ela munama, megi da nago agai wain gi me sainogo eba, agawe? Tialima, eno te tiwai po dolo nageba obao, te yowigo Nabotgo kaneme tuali pesagede, te nago kaneme me augwaligo tede tueibao,’ te po agabolo pusao,” Genuai Bidigo te po wali.

Tigidali Nai Gagalama Nigali Side 26:13

tama agai nai hauwa mu sidu geani, tama aga genuai bidi mu pedelai.

Bomai Po 26:10

Tama tialima, Genuai Bidi, eno te nago enabolo mani te tǫde hasia inawani nai megi nage e sesali dao,’ te po dagego wao.” “Dagego po ola silama da, dagego te nai basket wa te Godigo gesabidiba pąba muagasao. Tama te pesagede lotu po wao.

Bomai Po 28:11

Tama Genuai Bidigo dagebolo wai puluba hauwa mayu, me kau kibu hauwa mayu, me gide nai hauwa mayu yaibao, te aga digi dagego wąįbolo mawaibao wali te tǫde te gide tama tiaibao.

Tuni Bidi Dabego Po Elalubo Buku Si 25:9

Amasiago te po odama, tama agai te profetbolo te po hanalu wali, “Tiali goli, eno te Israel dabe ami bidi dabebolo mani, te silva dabe magi yaibawe?” Tama profetgo Amasiago po wei ponoyu, te po wali, “Nage moni homu igio. Genuai Bidigo nage silva hauwa mu mabo usu yaibao, nago augwali mani te silva edelama mu mabo usu yagameo,” wali.

Bugagia Bidibo Kolesagade Po Asęai Buku 8:21

Eno te wiegi yai nai hauwa mu te ena wei mu ebo bidi dabego sabobo madiba te pesage mu holaibao. Tama augwaligo te madi mu pągąna saibao.”

Bugagia Bidibo Kolesagade Po Asęai Buku 14:24

Te wiegi yai homu elalubo bidigo sali mone me doado bage, tego da ola mobao, augwali dwagi yai homu kolesaga elalubao. Tiali goli, te wiegi yai homu kolesaga elalusiąbo bidi dabe, augwaligo te umuna sai homu kolesaga naga elalubo dao.

Daniel 1:15

Tialima, te nogo si wali sogo te silama, tama te bage tonalubo bidigo te augwali tigi wiegi yai mu pedalubo sulama, tama augwaligo tigi te mu boma pelama, te kingo bede nai tumainu te sa muani gesi bidi dabego tigi mu edelai sualio.

Tuni Bidi Dabego Po Elalubo Buku Deli 4:10

Me sogo deli Jabesgo te Israelgo Godiba gedu haluasa po te tiwai wali, “God, eno homugo nago ena tǫ hauwa mao. Te eno homugo nage ena dali bidama ena tau sao, te nago ena bugagia tonaluao, te dwai nai dabego enabolo dene maidalio,” wali. Tialima Godigo agai gedu haluasa po wabo odama, tama Jabesgo agaba hanalu wali sę po tiwai sę yai dao.

Tuni Bidi Dabego Po Elalubo Buku Si 32:27

Te Hesekia agai nai dabe hauwa mu selama, tama aga bomai king mu pedelali, tama agai genuai nogi elaluali. Agai te sę bidi dabebolo olama, tama augwaligo bakstua dabe sęnama tama augwaligo e tama tiwai nai dabe muani, silva, me gol, me genuai monego abelai wiegi yai masigi dabe, me wiegi yai denami ebo pauda dabe, me hwįbo ni name sabele dabe me, me gasa wiegi yai homua pabo nai dabe me te bede muani.

Tuni Bidi Dabego Po Elalubo Buku Si 32:29

Godigo Hesekiabolo wiegi wiegi yai nai dabe hauwa mu mani. Tama Hesekiago sipsip kibu me kau kibu hauwa mu sali. Tama aga sę bidi dabego agai taun hauwa mu geselali.

Godigo Nogi Ugwaba Sabo Tęąbi Po Wabo Buku Dabe 127:2

Da te kigamu digi mu hodaluama, tama sę dene ela pidubadi, te be hulia saboba usu nani, te mone me nai dabe sabo sę eyu tebao. Tiali goli, teyu, te da odolali sę dene yabuo. Magi baso meni, Godigo te aga wei ebo we bidi dabeba te toma nabo sogo mabo dao.