Bugagia Bidibo Kolesagade Po Asęai Buku 10:1 - Godigo dwagi yai po buku

¹ Te e da te Solomongo pęwadage te wiegilama bidibo kolesagade po wali. Agai tama tiwai po wai. Te ogwago wiegi yai homu ebo kolesaga koneai elalubaso da, teda aga aya de ida si wiegi yai homu pemene ilaibao. Tiali goli, te ogwago te esela pabo kolesaga wali pobaso da, teda aya de ida si haliga sęgę mu ilaibao.

Bugagia Bidibo Kolesagade Po Asęai Buku 10:1 Referans Kwoze

Bugagia Bidibo Kolesagade Po Asęai Buku 1:1

E po da, te Solomongo wiegi yai po dabe dao, te Devitgo ogwa, tama te Israel king bidi dao.

Bugagia Bidibo Kolesagade Po Asęai Buku 29:3

Te wiegi yai homu kolesaga sainu homu ebo bidi, agai te aga aya wiegi yai homu pemene ilibao. Tiali goli, te penani we wali pabo bidi da, agai te aga mone tigidali besela sąna silaibao.

Bugagia Bidibo Kolesagade Po Asęai Buku 17:25

Te bidigo te esela pabo bidigo kolesaga tiwai wali pobaso da, te aga aya ida te dwai haliga elama, tama haliga sęgę mu ebo dao.

Bugagia Bidibo Kolesagade Po Asęai Buku 29:15

Te nago naga wai dodoliyu, te keloago elibaso da, teda aga wiegi yai homu sabo kolesaga koneaibao. Tiali goli, te waigo aga homu kolesaga digi te sesemane sogo wali pidubaso da, teda agai te aga ida hale emainu te ebao.

Bugagia Bidibo Kolesagade Po Asęai Buku 15:20

Te ogwago wiegi yai homu me kolesaga elalubaso da, teda aga aya ida wiegi yai homu pemene yao. Tiali goli, ogwago te esela pabo bidigo kolesaga tiwai ebaso da, teda agai te aga aya ida godolo homu menisiąyu tebao.

Bugagia Bidibo Kolesagade Po Asęai Buku 17:21

Te ogwago homu wiegi yai me elalusiąbaso da, teda aga aya te haliga sęgę mu yaibao. Awe, te bidi aga ogwade dwagi yai homu egobeo.

Bugagia Bidibo Kolesagade Po Asęai Buku 19:13

Te ogwago wiegi yai homu elalusiąyu da, teda agai te genuai sęgę mu te aga ayabolo mobao. Te bidi me deligo wego, te wego te wado po me te po hauwa wedu gebo we yai baso da, teda te be pedudu te be tomoba tulubage tuluyu, tama sesemane sogo te dwasianu dwasianu tetebo tulubo tiwai ebao.

Kolesaga Koneai Bidigo Pusali Po Elalubo Buku 12:9

E buku asęani bidigo koneani kolesaga wiegi yai mu elalubaso, tama agai te we bidi dabe augwali ola manio. Agai te tobage wiegi yai po dabe me begelama pusubo po bugagia dagalama wali, tama agai homugo te po dabe mu po da homu ebaso da, teda agai te po dabe e buku asęai dao.

Kolesaga Koneai Bidigo Pusali Po Elalubo Buku 2:19

Tama ena te bidali pesage hasegelibo bidi da, eno konebeo, aga te homu kolesaga mu ula tega pai bidi mu, ma te wabo pabo homu kolesaga elalubo bidi tiwai yaliwe? Konebeo. Tialima, agai eno te wiegi yai konea pali homu kolesagade sę dene elama pedelali nai tigidali tonalueibao. Te tama kolesaga me aga page meni yai elalubao.

Bugagia Bidibo Kolesagade Po Asęai Buku 25:1

Te po da, te Solomongo meba ma wali pęwadage po dao. Te Juda king bidi Hesekaiago kuskus bidi dabego augwaligo te po dabe ma asęai dao.

Te Israel me Juda Hani Sigo Tuni Bidigo Po Elalubo Buku Deli 4:32

Solomongo te 3,000 te wiegi yai homu kolesagade te wiegi yai pęwądage po asęani, me te 1,005 balia po me asęanio.

Bugagia Bidibo Kolesagade Po Asęai Buku 13:1

Te wiegi yai homu kolesaga elalubo waigo da, agai te aga ayago po odaibao. Tiali goli, hagoma homu ebo bidigo da, te gasa bidigo aga dodolobo kolesaga ebo te aga homude hagela homu ebo dao.

Bugagia Bidibo Kolesagade Po Asęai Buku 27:11

Eno ogwao, nago te wiegi yai kolesaga konea sabo homu sobaso da, teda ena bugai haliga mu yaibao. Tama te bidi me deligo enaba te kisilibo po obaso da, teda eno agaba te po wei ponobaso, usu yaibao.

Bugagia Bidibo Kolesagade Po Asęai Buku 29:17

Te nago naga ogwa dodolobaso da, te agai wiegi yai kolesaga ebaso, tama nago homu nagame igulama, tama nage wiegi yai homu pemene yaibao.