Bugagia Bidibo Kolesagade Po Asęai Buku 1:8 - Godigo dwagi yai po buku

⁸ Ogwa o, nago te naga ayago mobo mabo po odolama, tama nago idago po me sela sągio.

Bugagia Bidibo Kolesagade Po Asęai Buku 1:8 Referans Kwoze

Bugagia Bidibo Kolesagade Po Asęai Buku 6:20

Ogwao, nago te naga ayago po wali pao, tama nago idago po me sela sągio.

Bugagia Bidibo Kolesagade Po Asęai Buku 30:17

“Te aga aya idago po sela sąbo bidigo, tama te posobo po augwali siba obaso da, teda aga te isibo sogo te aga tigi me pubalugobeo. Teda te gedeli dabe, me te genuai kemodage ba dabe aselama, aga gedu gudulama, tama aga tigi mi tuaibao.”

Bugagia Bidibo Kolesagade Po Asęai Buku 2:1

Wai, nago eno po odama, tama naga homuba bugagia muao.

Bugagia Bidibo Kolesagade Po Asęai Buku 31:1

Godigo te sęgę yai po te king Lemuel aga idabolo olama, tama agai te po te kingba pusali.

Bugagia Bidibo Kolesagade Po Asęai Buku 1:10

Ogwa o, te dwai bidi dabe, ma te nai wi sabo bidigo te nagebolo te homu bega sabo po weyu, te dwai kolesaga meba inao po obaso da, teda nago te augwaligo po wali me pigio.

Pris Sę Ebo Bomai Po 19:3

Dage deli deligo duga ida aya dologode bidu, te augwaligo po wali pao. Dagego te olo toma nabo sogo, te Sabat side, sę me igio, dage olo toma naga tuyu, bidao. Ena Genuai Bidi, ena duga God, eno te po wai dao,” wali.

Polgo Si Wali Pas Timotiba Asęani - 2TI 1:5

Eno te nago Kraisde konealubo po naga homugo dąų mu wali kolesagaba homu kone palama, te nago te tibo menio. Te tobage konealubo po tiwai hasia te naga auwa mosi Loisgo me, te naga ida Yunisgo konealubo po dąų wabo kolesaga me te tiwai elaluai. Tama eno mu koneani, homu si meni, te tiwai konealubo po te nagede me elalubo dao.

Bugagia Bidibo Kolesagade Po Asęai Buku 7:1

Ogwao, nago eno po dąų olama, tola selama, tama nago homude munaluao.

Bugagia Bidibo Kolesagade Po Asęai Buku 3:1

Waio, eno nage ola mawainu ebao, tama nago homude te po munu me tagaligio. Menio. Te sesemane sogo nago bugagia homu kone palao.

Bugagia Bidibo Kolesagade Po Asęai Buku 1:15

Ogwa, te dwai bidi dabego te tobage po nageba obaso da, teda nago te augwaligo me odolama, te augwali wali me pelamuo.

1 Samuel 2:25

Te bidi me deligo gasa bidi dali dwai sę me ebaso da, teda Godigo te po isimainu elama, tama te sę dodoloyu ebo dao. Tiali goli, bidigo te Godiba dwai sę yali da, te niwai bidi te tomode dolalu, tama te dwai sę dodolaibawe?” Eligo augwali sibolo te tiwai po wali, tiali goli, te Genuai Bidigo augwali si ela muabo homu elama, tama agai augwali sigo tobolu te dila palama, tama augwali sigo te augwa ayago po me odobeo.

Matyu 9:22

Te Jisas begelama, te we suali. Agai te webolo te po wai, “Eno wegi, nago homu te tegaluama bidao. Nago konealubo po enade dąų waibaso, nago tigi ma usu ilali.” Tama Jisasgo te po obadi yaide, polo tama te we dwagi yai ma yali.

Matyu 9:2

Tama augwaligo gasi bidi me deli aga pageba tolasa asali, te bidigo sągą tigi dili tigidali mu isai, tama aga te gologobe wade pila muai. Tama augwaligo konealubo po agade dąų wali sulama, tama agai te gasi bidibolo te po wai, “Ogwa, nago homu ma tegaluama bidao. Eno nago yali dwai sę sęgę sela sąbao,” Jisasgo te po wai.

Bugagia Bidibo Kolesagade Po Asęai Buku 5:13

Eno te ena tisa dabego po wali me pabeo. Te mobo mani bagego po te eno odobeo.

Bugagia Bidibo Kolesagade Po Asęai Buku 23:22

Naga ayago nage pedalumainu ilali, tama nago agai po odao. Tama naga ida mosi dabe yai madi, nago agade dwai homu igio.

Jeremaia 35:8

Tama sesemane sogo dago te po tigidali wali paibao, dena wąį nǫų Jonadapgo dabolo mawai. Dago dali, te we wai dabego me, dago te wain tubo menio.

Rutgo Po Elalubo Buku 3:6

Tama Rut te bali haluama wali sela sąbo madi pali, tama agai Naomigo wali po tigidali wali palio.