Bugagia Bidibo Kolesagade Po Asęai Buku 1:27 - Godigo dwagi yai po buku

²⁷ Te dwai sogo te dageba te bomai wali aselama, te pedalubo tiwai eyu, tama te sęgę me dene tego dage doliyu, te wę gegi page pobegebo tiwai bomai waligo ebo tiwai gilama yaibao.”

Bugagia Bidibo Kolesagade Po Asęai Buku 1:27 Referans Kwoze

Polgo Po Pas Rom Dabeba Asęani 2:9

Te dwai denede augwaligo hwa mu waibao, te dwai kolesaga yali bidi dabe tigidali, te Juda dabe augwaligo te dwai dene hasia selama, tama nosali te Juda hani isąwai bidi dabe augwali me tama naga tiaibao.

Nahum 1:3

Genuai Bidigo asesa wado po me wagobeo. Tiali goli, aga te bomo yai elalubao, te sesemane sogo agai te dwai sę ebo bidi dabeba te dene mawaibao. Te Genuai Bidi gasaba me deli pabo sogo da, te genuai wali me tulubage pedelaibao, te pǫ dabe te agai sągą dologode te pobele bage hogomu tiwai pedalubo dao.

1 Tesalonaika 5:3

Tama te Godigo po wali pisiąwai we bidi augwaligo te po waibao, “Megi te da bugagia bidabo sogo dao, te da dolabo nai pąba asogobeo,” te po waibao. Tiali goli, augwaligo te tobage po obadi, sisi isiąwai, te sogo digi tama augwali dolabo nai polo augwaliba pedalaibao, augwali noma mu saibao. Te wede ebo sę tiwai, we mego wai ame nainogo tigide ebo dene tiwai ebo si pedelaibao, tama te we te dene wi pabo tų menio, wi sana pogobeo. Tama te tiwai te Genuai Bidi asobo sogode te Godigo po wali pisiąwai bage augwali wi pabo tų menio.

Aisaia 17:13

Te boi bidi dabe asali, te tamu wę aluasa asobo tiwai yali. Tiali goli, Godigo augwali sesanobaso, tama augwali augwa buluba ma wi pela wali. Te Godigo augwali sela sąyani, te waligo ni yabe dabe subigila sela sąbo tiwai eyu, me te hogabo waligo te hogomu dabe pobele bage ugwaba sela holobo tiwai yaibao.

Godigo Nogi Ugwaba Sabo Tęąbi Po Wabo Buku Dabe 58:9

Te polo mu tama, Godigo augwali dolaibao, te bidigo dwasianu ni gelibo tiwai gilama yaibao. Augwali te bidibo ula elalubadi, tama Godigo augwalide haliga sębę mu elama, tama agai augwali te pobele bage sąbo tiwai gilama ebo dao.

Jopgo Po Asęani Elalubo Buku 27:9

Te sęgę yai sę augwalide pedalobo sogo da, tama augwaligo Godigo augwali tau somainu i wabo dao. Teda Godigo augwaligo i wabo odaibawe? Mu meni.

Jeremaia 23:19

Odao. Genuai Bidigo haliga sębę te dwai bidi dabeba pedalubo, te bomai wali me tulubage polo asobo tiwai yaibao, tama te poboge ebo genuai waligo te augwali tobolude agabo tiwai yaibao,” wali.