Bugagia Bidibo Kolesagade Po Asęai Buku 1:20 - Godigo dwagi yai po buku

²⁰ Te wiegi yai doloba pai homu kolesaga te tiwai, te we me deli te sunumi tunu mage dabeba doligi pelama, me te maketba pelama, tama te we bidi dabeba po olama, i wabo tiwai ebo dao.

Bugagia Bidibo Kolesagade Po Asęai Buku 1:20 Referans Kwoze

Bugagia Bidibo Kolesagade Po Asęai Buku 9:3

Agai te aga sę ebo we dabe tagala palama, te taun pesage tomoba doligi pelama, tama augwaligo te tiwai i wali,

Kolosi 2:3

Aga da te Godigo wiegi yai homu kolesaga dali konebo homu dali si dabolo waselai bidi dao. Te homu kolesaga dali konebo homu dali si polobadu dualalubadi bidai dao, te bidigo umabo wiegi yai doado bage geme dualali tiwai elaluali.

1 Korin 1:24

Tiali goli te da Godigo i olama dią sali we bidi, da me badu Juda bage, me badu te Juda hani isąwai bage, dago homu te Kraisde pusubo pogo te Godigo genuai bomo dali aga wiegi yai homu kolesaga me te hania ola mabo dao.

Dwagi Yai Gesi Po Lukgo Asęani 11:49

Tama tibaso, Godigo dwagi yai kolesagago te po polobadu wai dao, ‘Te eno po pusa maiabo profet bidi dabe me, te eno po pusigi pomainu tagala palobo te aposel bidi dabe me, te eno augwalibolo tagala palaibao. Tama telama, augwaligo te bidi dabe me badu elu, me badu olo sesanama, osogo elaibao,’ te po wai dao.

1 Korin 1:30

Tiali goli Godigo dage Krais Jisas dali wadolali, te agai tilama tama Kraisgo da wiegi yai homu kolesaga elalubo we bidi nigali. Te Kraisde God agai da agai wiegi yai we bidi hani mu ilali, tama dago dwai sęde sali sęgę sela sąnama tama da olo bugagia bidibao.

Matyu 13:54

Tama aga page buluba pali, tama Godigo po agai te augwa bomo yai po odobo be tomode ola mawai. Tama augwali noma mu siyu, te po augwa hasi wai, “Te kolesaga koneani, me te bomai sę tigidali, te bidi agai magi ilama te tigidali kolesaga saliwe?

Dwagi Yai Gesi Po Jongo Asęani 7:37

Te olo bidibo si silibo side, te genuai side dao, wai. Te tebo side Jisas dolaluyu, bomo olama, i wai, “Bidi me deli ąį nogone ebaso da, te bidi ena pageba aselama, ąį tuagasao.

Bugagia Bidibo Kolesagade Po Asęai Buku 1:21

Tama me aga te bidi sisinibo pesage te taunba pabo genuai obo bagulali sunumi pąde doligi pelama me, tama te tigidali pesage te we bidi hauwa bidalubo madi doligi pelama, tama agai te tiwai i wabo,

Jeremaia 19:2

“Tama dage te Odogo Bulu Pesage te Hinomba dulao, te Jerusalem moni obo sunumi pąde augwa te nogi e tiwai waibao, te Sospen Sene Dabe Alua Pai Sunumi Dao wali. Tama nago eno po e tama pusao,

Bugagia Bidibo Kolesagade Po Asęai Buku 9:1

Wiegi yai doloba pai homu kolesagago aga be sę yani. Agai te pos nogo a naga olama, me badu nogo si te dodolama, te dąų walama, te be au ilali.