Obadia 1:5 - Godigo dwagi yai po buku

⁵ “Te nai wi sabo bidi hulide asobo sogo, augwaligo te mena nai doado bage te augwa homu wei ebo nai selama, te me badu elalubadi taga paibao. Me, te we bidi dabego te wain ge du wai sisinibo sogo, te augwaligo me badu elalubadi tagalaibao. Tiali goli, dage da, te boi bidi dabego dage mu silaibao,” wai.

Obadia 1:5 Referans Kwoze

Jeremaia 49:9

“Te bidi dabego te wain du ina yani tau yai sagasobo sogo, te augwaligo tigidali me sogobeo. Menio. Te meba augwaligo ela soaibao. Te nai wi sabo bidi hulide asu, te augwaligo godolo yali nai naga sabo dao.

Aisaia 17:6

Te we bidi deli deli naga me elaluaibao, te ni oliv du bidigo wąbi dagego elama, tama sai digi te nedu du deli deli ni abude walalubo, me si sela te nologode dabe walalubo tiwai yaibao, te hauwa bidigo siyu tagalai dabe. Ena Genuai Bidi, Israel dabego God, eno po polo wai dao,” wali.

Sefanaia 2:15

Te Ninive dabe augwaligo homugo augwali bomai bage dao homu elama, tama augwaligo homu augwali bidi dabego me dologobeo homu ebao. Tama tiyu, augwali wiegi yai homu pemene ebao. Tama augwaligo homugo augwaligo taun te hasia polalubo taun dao homu ebao, te tigidali kantri tomode. Tiali goli, mu menio. Te dwai nai dabe te Ninivede pedelaibao. Tama te bulu dolama, tama elaluaibao. Tama te bulu te bulu hasa dabego bulu gagawaibao. Te bidi dabe sese augwali te pąba pabo bage augwaligo posobo po weyu, eda ma kila siyu yaibao.

Maika 7:1

Hobede ya, ena dwai mu bidibao. Ena te nasi ebo bidi tiwai elama, te tuabo wiegi yai nedu du me deli gegebeo. Te tigidali wain ni du me, ni kaya fik du me, augwa te tigidali sela silalio.

Te We Bidi Dabego Jerusalem Hagede Gela Wali 1:1

Jerusalem da, hobede mu dao, aga te yǫya pai we me deli tiwai bidibao. Polobadu da, agai we bidi hauwa mu elaluai dao. Tiali goli, tegoba, megi da, aga olo mu te elalubao. Awe, polobadu agai gasa tǫ kantri dabe we bidi tomode genuai nogi elaluai da. Tiali goli, megi da, aga sęgę genuai elalubao, te wilawe we me tiwai dao. Polobadu aga te polalubo kwin we tiwai bidama, agai provins hauwa tonaluai dao. Tiali goli, megi da, te boi bidi dabego aga aiyaba elaluama, tama aga olo sę ebo we tiwai te bidibao.

Jeremaia 50:23

Babilon te hama me deli tiwaigo te gasa tǫ kantri dabe pepeda sąbo tiwai yali. Tialima, megi da, dage te Babilongo boi bidi dabe, dagego te Babilon pepeda sąnama dolao. Te gasa tǫ pedai kantri hani we bidi augwaligo aga subo sogo da, te augwali midigi dwai mu saibao,” te po wai dao.

Aisaia 24:13

Te tobage dwai sę naga te tigidali tǫde we bidide pedalaibao. Tama dwasianu we bidi hani mu naga bidaibao. Te ni oliv du te bidigo sela silaide te deli deli walalua pabo tiwai elaluaibao. Me te ni wain du te bidigo siyu, deli deli tagalai te elalubo tiwai yaibao.

Aisaia 14:12

“Nage genuai nogi mu elaluai dao. Te tigidali tǫde we bidi dabego gedude nage te kigamu dagalude nanebo hǫ tiwai bidai dao. Tiali goli, megi da, Godigo nage polo tǫba sąwai dao. Nage boma pai hwįbo bidi dao, nage tǫ pedai kantri hauwa aiyaba elaluali bidi dao. Tiali goli, megi da, mu menio.

2 Samuel 1:19

“Te da Israelgo polaluali bidi dabe te bulu dude isalio. Te dago bomai ami bidi dabe te isali dao.

Kraisgo Geme Dualali Sę Pedelabo Po Jonbolo Ola Mani 18:10

Te we aga te dwai dene sabo suyu, te augwali aga digibulu dolaluyu te po wabo, “Aua, hobede yali, hobede mu te bulu Babilon dali yai. Nage te genuai hanu, tama nage bomo yai hanu dao. Tiali goli te deli sogo naga nago dwai sę yali sęgę nageba mu pedalalio.”

Jeremaia 6:9

Tigidali Bomo Elalubo Genuai Bidi, agai enabolo e tama po wali, “Te boi bidi dabego te Israel hani me badu elaluali te mu silaibao,” wali, “te bidi dabego te wain giba pelama, te hasia tagalali wain du tigidali sabo tiwai yaibao,” wali. “Te hasia nage bolo pelama, te po Jerusalemba pusugi pao, te bidi wain giba pelama, te wain du deli deli elalua pali te gegegi pabo tiwai yao. Te bidi deli deligo nago po odomainu homu yao.”

Obadia 1:9

Tama dage te Teman taun bidi dabego te boi hwįbo mu konea pali, tiali goli, te dage wi dwai mu yaibao. Tama eno dage te tigidali Isogo ami hani ela silaibao,” Genuai Bidigo te po wali.