Obadia 1:3 - Godigo dwagi yai po buku

³ Te duga hagoma ebo kolesagago naga, te dage tibo po ola mobao. Te bomai masigi obogo te dagego genuai taun bagua selama, te dage bulu du tomode bidibao. Tialima, dagego te tama po obao, ‘Dego da aiyaba elalueibawe? Mu menio,’ wabo.

Obadia 1:3 Referans Kwoze

Jeremaia 49:16

Nago te gasa hani we bidi dabe wi mu ilama, te nago nage te polalubo mu da homu yali. Tialima, naga digi tibo po ola mawai. Nago genuai taun te bulu du pesage daide ugwadu elaluali. Tialima, te nago taun te ba kemodagego be daide ugwadu sę ebo tiwai elalubo, te tagalao, te nage eno aiyaba kekasa duleibao. Te Genuai Bidi, eno po dao.”

Bugagia Bidibo Kolesagade Po Asęai Buku 29:23

Te bidigo hagoma homu eyu, tama aga digi aga nogi ugaba sobaso da, te augwaligo aga nogi aiyaba elaluaibao. Tiali goli, te bidi aga digi aga nogi aiyaba elalubo bidi da, te genuai nogi saibao.

Aisaia 16:6

Te Juda dabe augwaligo te Moap dabego po odobo si da, augwaligo augwa hasi tomode po weyu, e tama po wali, “Dago te Moap dabego dwai kolesaga ebo po dago polo odai dao. Augwaligo haniani po olama, augwaligo augwa nogi ugwaba sabo dao. Augwaligo homugo augwali wiegi yai mu dao homu elama, tama augwaligo gasa we bidi aiyaba elalubo po olama, tama gasa we bidi posobo po wabo dao. Tiali goli, te Moap dabe augwali ili po wabo bage dao. Te augwaligo po mu dao homu igimio,” Juda dabego te po wali.

Te Israel me Juda Hani Sigo Tuni Bidigo Po Elalubo Buku Si 14:7

Tama me sogo deli te king Amasia dali, te aga ami soldia bidi dabe dali, augwaligo te Idom hani te 10,000 ami bidi dabe dali boi hwįgi pali, te Idom bulu odogo malu te umabo tamu elalubo madi hwįani. Tama augwaligo te Idom hani aiyaba elaluama, tama augwaligo te taun Sela sali. Tama te king Amasiago te taun nogi poali, te taun nogi Joktel. Tama te megi tama e po asębo sogo me, te augwaligo te king Amasiago te gesi nogi poali te nogi naga wabo dao.

Malakai 1:4

Te Idom dabego te po weyu, “Te dago taun dabe dolalio, tiali goli te dago ma nigaibao,” wabo. Tialima Genuai Bidigo augwaliba te tiwai po wei ponaibao, “Duga ma da nigaibao, tiali goli te eno augwali ma aluama dolaibao,” wali. “Te gasa hani dabego te Idom dabe nogi te tiwai nogi yaibao, ‘Te dwai hani bage dao, te Genuai Bidigo sesemane sogo augwaliba wado po weyu, haliga sębę ebo hani bage dao,’ te po waibao,” wali.

Jeremaia 49:4

“Amon, nago koneai, te nago odogo malu bulu te mu polalubao, te nago sesemane sogo nago te bulude wiegi yai nai hauwa pedalubo po minama, te pemene ebao. Nage hagoma ebo we, magi baso nago te tiwai po wabo dawe? Nago te naga mone me doado bagede homu kone palama te po wali, ‘Dego ena dali hwįagasaibawe?’ wali.

Bugagia Bidibo Kolesagade Po Asęai Buku 18:12

Te bidigo hagoma eyu, te aga digi aga nogi ugwaba sobaso da, teda te nosali aga dolaibao. Te hasia bolo naga digi naga aiyaba elalusiąbaso da, teda nago te genuai nogi me sogobeo.

Bugagia Bidibo Kolesagade Po Asęai Buku 16:18

Te hagoma ebo kolesaga eyu, tama naga digi naga nogi ugaba siyu da, te nage tulaluama tama dolabo sę ilaibao.

Tuni Bidi Dabego Po Elalubo Buku Si 25:12

Tama augwaligo gasa 10,000 Idom ami bidi kalabus elama bulu du meba odasa pali. Tama augwaligo te Idom dabe te sau pado dwai pesagedu aba sąyani, tama augwali isilama, tama augwaligo tigi dabe sese togoa pali.

Tuni Bidi Dabego Po Elalubo Buku Si 25:11

Tialima nosali Amasia aga homu dąų olama, tama agai aga ami dabe te bulu te Tamu Hauwa Elalubo buluba odasa pali, te Idom dabe dali hwįainogo. Tama augwaligo Idom dabego ami bidi 10,000 ela isilali.

Jopgo Po Asęani Elalubo Buku 20:6

Te tobage bidi genuai bidi nigilama, genuai nogi te we bidigo gedude saibao. Te bidi aga te bulu du tiwai pǫ dali dąį elalubo tiwai dao.

Jeremaia 21:13

“Jerusalem, ena Genuai Bidi, eno po dolo nageba obao, eno nageba boi bidi ebao. Nage ugwadu bidu, nago te bulu odogoba aiyaba tononobo dao. Nage te daide ugwadu mu elalubo genuai masigi tiwai elalubao. Te dage Jerusalem we bidi, dagego te po obao, ‘Dego daba hwįagasaibawe?’, tama ‘De te dago taun tomoba asaibawe?’

Jeremaia 37:9

Ena Genuai Bidi, eno po dolo obao, duga digi duga tibo po ola mayu, te po wagio, ‘Te Babilon dabe Jerusalemba me asogobeo, augwali gasaba mu soaibao’ te tobage tibo homu me igimio. Augwali geasa ma asaibao.

Jeremaia 48:28

Dage Moap, dage te masigi dedage buluba geme duala sigi piąo. Dagego te ba dabego augwa be te sau dagede sę ebo tiwai gilama tama dage me tiąo.”

Tigidali Nai Gagalama Nigali Side 36:8

tama aga te Seir dabego bulu du dabe elalubo tǫba bidigi pali. Idom te Isogo gasa nogi me dao.

Esekiel 28:16

Nago bisnis sę bulu hauwaba yali. Tama nago te we bidi dabe dali hwįnama, tama nago bisnis sę tau somainogo yali, tama nago sęgę sali. Mu tama, nage tonalubo ensel bidi tiwai dao, tiali goli nage eno gedude meda mu yai pedelai dao. Tama eno nage sela sąnama, tama nago eno bulu du taga soali. Tama nage te udula pai masigi tomode ma me bidibeo.