Obadia 1:18 - Godigo dwagi yai po buku

¹⁸ Te Jekopgo we bidi dabe, me aga ogwa Josepgo hani bage, augwali te sia tiwai pedelama, te augwaligo Isogo hani silaibao, te siago te kala wa pai dela pabo tiwai yaibao. Te Iso hanide te bidi deli me bidigobeo. Ena Genuai Bidi, eno te po wai dao,” wali.

Obadia 1:18 Referans Kwoze

Sekaraia 12:6

“Te sogo eno ilama, tama te Juda dabe polalubo bidi dabe te kalade te genuai isi bogoli dala sabo tiwai pedalu, ma te wa pai wit gide isi bogoli ula pedalubo tiwai yaibao. Tama augwaligo te augwali pąde elalubo bulu tǫ kantri bidi hani tigidali ela silaibao, tiali goli Jerusalem taun te aga elaluali pesagede tama elalueibao,” Genuai Bidigo te po wai dao.

Aisaia 10:17

Genuai Bidi aga te Tigidali Wiegi Yai Doloba Pai Kolesaga Naga Ebo God dao. Tama aga te Israel dabego ula dao. Tiali goli, Asiria dabe dali da, aga te isi gagalama, augwaligo bulu isi ulaibao. Te deli bubagade naga agai te tigidali dwai nosai dabe isi ulaibao.

Maika 5:8

Te Israel hani te gasa hani tomode bidiyu, te laiongo buside te hasa sibi ela tueinu gegebo sę tiwai eyu, ma te sipsip obode ela tueinu ebo tiwai yaibao. Aga te sipsip dabe tomoba pelama, te augwali daiba samonama, te augwali gąųgo subigila tologa sąsąbo tiwai eyu, tama te sipsip dabe tau sabo bidi me deli meni ebo ąǫ yaibao.

Esekiel 37:19

teda nago augwalibolo e tama po walao, ‘Ena God Genuai Bidi eno obao, eno te Josepgo ni dage, te ni dage te Efraim hani, me te meba Israel hanigo ni me da, eno te ni me Juda hanigo ni dage si selama, deliba walolaibao. Tama eno te ni dage si te eno nogode ni dage deli elaluaibao.’ Te po wao,” wali.

Aisaia 5:24

Tama tibaso, dage te ni sasia pabo tiwai elama, tama te ni pedali mobia pelama, tama te ni yabe dabe tau elama, tegalubo tiwai yaibao. Te dwai sę dage tigiba polo tama pedalaibao, te isigo nosai delama, silibo tiwai tama yaibao. Magi baso meni. Dagego te Genuai Bidi Tigidali Bomo Elalubo Bidigo bomai po sela sąbaso, dagego Israel dabego God tudi ola mabo. Aga te Dwagi Yai Doloba Pai Kolesaga Naga Ebo God dao.

1 Korin 3:12

Tama te pos ni daide ugwadu be sę yainu ebo bidi augwali deli deligo haniani naigo te be sę yaibao. Bidi me deligo te wiegi yai kapa nogi gol tego te be sę yaibao. Bidi mego te kapa nogi silvago ma te dila pai masigi mugo, me te nigo, ma te kalago, ma te gasagi yai nosai dili dabego te be sę yaibao.

Nahum 1:10

Dage te bomai wę tuyu gęo page mu yali bage tiwai dao, dage dwai madi bidibao. Agai dage tigidali silaibao wali, te siago te sesani yai nosai me kala wa pai te isi tula palobo tiwai yaibao.

Obadia 1:16

“Eno te dwai dene ena we bidiba mani. Te tiwai naga, te eno te tigidali bulu tǫ kantriba yaibao,” wali, “te augwali te ha yai wę tubo tiwai yaibao. Te eno augwali mu silaibao,” wali.

Amos 6:6

Dagego te genuai kap wain wę hauwa tubo dao. Te dagego denami ebo sawi yai sanda, me ili yai nai te duga tigide denami iliyu mubo dao. Tiali goli, dagego te tǫ kantri Israel nosali dolabo homu dene dwasianu me ebo menio.

Amos 5:15

Dwai kolesaga ebo tudiba muao, te wiegi yai kolesaga naga godolo eyu, wali pao. Dagego doloba pai po tų naga yao. Te dagego tama tiyu da, te Genuai Bidigo dage dolisąwai dwasianu me bidibo Josepgo hani bage homu dene eyu, tau saibao.

Joel 2:5

Te augwali bulu duba samanobo sogo, augwali te karis masigiba samanu kidagalo wabo tiwai ebao, tama te kala siago deyu, podo podo wabo tiwai ebao. Augwali te genuai ami hanigo te boi hwįainu wasibo tiwai yaibao.

Esekiel 37:16

“Tǫde bidi, nago ni dage me deli sigi pelama, tama nago te po ugwadu daide asęao, ‘Te Juda hanigo ni dage, me te meba Israel hani we bidigo ni dage dali augwali deliba elalubao.’ Tama tialima, nago te ni dage me deli selama, tama nago te po tede asęao, ‘Te Josep hanigo ni dage, me te Efraim hanigo ni dage dali, me Israel hani mebago ni dage dali deliba elalubao.’ Te si wali ni dagede te po asęao,” wali.

Aisaia 47:14

Tiali goli, menio. Augwali te sasia pai nosai tiwai elalubao, te nage dolainu ebo siago te augwali tigidali daibao, te augwa digi augwa tau me sogobeo. Mu tamao, nago homugo nage te isi pąba duagi pelama, sia gogo naiba homu me egobeo. Menio. Te siago nage tigidali daibao.

Aisaia 31:9

Te Asiria dabede genuai wi mu pedalaibao. Tama augwaligo bomai genuai hanu tulaluaibao. Tama te augwaligo ami ofisa dabego eno hwįbo plak ugwa walai subaso, augwali noma selama, augwaligo dili nagamea pelama, tama augwali wi paibao.” Te da te Godigo po dao. Te agai bomai isi te bulu du Saion te Jerusalem bulude elalubao.

2 Samuel 19:20

King o, eno koneani, eno dwai sę yali, tama tiyu, te gasa not pedai badu bidibo hani te tudiba togolama, te ena bolo polasa aselama, tama ena genuai bidi, te eno nage dali gesabidi deliba ununainu, te ena nage tiąba asai dao,” te bidi Simeigo te po wali.

Aisaia 9:18

Te we bidi augwa haniani dwai kolesagago augwa ma dolali. Te dwai nosaide isi dola selama, te genuai nide dela selama, moni busi dabo tiwai yali. Tama genuai hano ugwaba holali.

Aisaia 9:19

Genuai Bidi Tigidali Bomo Elalubo Bidigo sębę genuai mu elama, tama agai tǫde we bidi tigidali dene mani. Tama augwali silali, te isigo mone busi delama, tigidali nai dabe dela silibo tiwai yali. Te deli deli we bidigo homu kolesagago da, gasa we bidi aiyaba elaluabo homu elalubo.

Jeremaia 11:23

“Eno te Anatot dabe dolabo sogo bodolu muai. Eno te tama tebo sogo, te augwali deli me bidigobeo. Menio. Tigidali isaibao,” te po wai dao.

Amos 1:8

Te Filistia tǫ taun dabede eno tama tiaibao, eno te taun Asdot hani bage tigidali ela gudulama, tama eno te Askelon king me ela gudulaibao. Tama eno te taun Ekronba me te dwai sęgę mabo sę ilama, tama te Filistia tǫde bidali we bidi dabe sese eno ela mu silaibao.” Te po da, Genuai Bidi Godigo wai po dao.

Malakai 4:1

Te Tigidali Bomo Elalubo Genuai Bidigo te po wai, “Bugagia odiąo,” wali. “Me sogo bodolu si pedaliyu, siago te hagoma ebo we bidi tigidali me dwai sę ebo we bidi ulaibao, siago te wa pai kala dabo tiwai yaibao. Te side te siago augwali dolama, tama augwali tigidali mu silaibao,” po wai dao.

Ma Dobola Sali 5:12

Tama te Israel we bidi augwali te tigidali Isip teba tedela pelama, te nosa dabe tigidali sisinai.