Obadia 1:15 - Godigo dwagi yai po buku

¹⁵ Tama Genuai Bidigo te tiwai ma wali, “Eno te tigidali we bidi hani po tų ilabo bodolu si, te pąba yagasalio. Te dage Idom dabego yali dwai sę te eno dageba dolo mu wei ponaibao. Te duga yali dwai kolesagade usu nama, te dage sęgę saibao,” wai.

Obadia 1:15 Referans Kwoze

Habakuk 2:8

Dagego te tǫ kantri hauwa we bidi dabego doado bage kegelama sali. Tama dagego te we bidi hauwa ela munama, tama augwaligo taun dabe me dolali. Tiali goli, dagego bidi hani me badu gedelali, tama nosali augwali hogodalu, tama dagego augwali gasa hani bidi dabeba yali kolesaga tiwai dageba wei ponaibao.

Jems 2:13

Magi baso menio. Bidi me deligo gasa bidi homu dene eyu tau sisiąyu bidali, tama te sogo Godigo we bidi dagalobode, te gasa bidi homu dene esiąyu tau sisąyani te bidi aga Godigo homu dene eyu tau sogobeo. Te menio. Tiali goli, niwai bidi agai gasa bidi homu dene elama augwali tau sali te bidi, te usu da, Godigo te bidi tau siyu, tama te Godigo bidi dagalobode te tiwai bidi aga te po tų dali te sęgę me dene sogobeo. Te menio.

Matyu 7:2

Te dagego gasa we bidigo ebo kolesaga osola sulama, tama augwali sęgę mabo tiwai gilama tama God agai dagego ebo kolesaga me osola sulama, tama dagebolo sęgę mawaibao. Dagego augwali usu sali usu nigo naga te Godigo dage me usu saibao.

Esekiel 30:3

‘Pąde tama dwai sogo pedelaibao. Te da, te Genuai Bidigo tigidali we bidibolo dene mabo sogo pedelaibao. Te da te pǫ pedalobo genuai sogo yaibao, tama te sogo te we bidi hauwa dolobo sogo pedelaibao.

Maika 5:15

“Te eno haliga sębę mu elama, tama te eno po sela sąbo haniani we bidi hanigo te hagoma ebo kolesaga eno wei ponaibao,” po wai dao.

Jeremaia 50:29

Genuai Bidigo Babilon augwa boi bidi dabe e tiwai po walali, “Dage te enesigigo enebo mu koneai bidi dabe, dagego te Babilonba hwįagasao. Dagego te Babilon bugagia odogolama, bagua sao. Dagego te Babilon dabe me deli wi pomainu me elamuo. Te augwaliba dwai dene mayu, dagego ela munama, mu dolao, te augwaligo gasa hani dabe dolali tiwai yao. Magi baso meni, Babilongo te enaba hagoma eyu, te hasamani tigi gagea pabo tiwai mu yali, te Israel dabe augwa Genuai Bidi dao, ena te magi dwai sę munu me isąwai te wiegi yai doloba pai kolesaga ebo God dao.

Godigo Nogi Ugwaba Sabo Tęąbi Po Wabo Buku Dabe 137:8

Babilon, odao. Te nage dolaibao. Te nago dabolo yali dwai sę wei ponobo bidi da, te bidi aga pemene yagameo.

Joel 1:15

Magi baso meni, te Genuai Bidi asabo side bodolu te pąba yagasalio, tama te bodolu side te Tigidali Bomo Elalubo Godigo te dolabo genuai sę daba tagala palaibao. Hobede da, te side te dwai mu dao.

Esekiel 35:15

Dagego te eno we bidi Israel dabe dolobode dage wiegi yai homu pemene yai dao. Tialima, eno dage Idom dabeba me deli tiwai sę naga elama, dage Idom dabe me dolaibao. Tama te bulu du Seir, me te gasa bulu dabe te kantride elalubo bulu dabe te olo bulu mu pedelaibao. Tama te Israel dabe augwaligo e tama bugagia koneaibao, ena deli naga ena Genuai Bidi dao homu yaibao.’ Te po te Idom bagebolo wao,” Genuai Bidigo enabolo te po wali.

Jeremaia 49:12

Genuai Bidigo te tama po wali, “Eno te hauwa we bidi dabeba te dwai dene mabo sę yaibao. Te augwaligo dwai sę genuai me isąbadi tagalao, te eno dene augwaliba mawaibao. Te Idom, nago homugo eno nage ela soaiba homu eba, agawe? Mu menio. Eno nage me ela soagobeo. Eno nageba me te dene mawaibao.

Te Israel Tobolu Bidi Dabe 1:7

Tama Adoni Besekgo te po wali, “Polobadu eno te tuni bage bidi sese sela te gasa bidigo nogo si te 70 bidi te augwali eno te a nogo me, a sągą me togolama, tama augwaligo te nai kakali te eno tebol sai dologode sela tuyu yai. Megi Godigo te tiwai sę naga te enaba wei ponobao,” wali. Tama augwaligo te tuni bidi Adoni Besek te moni hanu Jerusalemba sela pelama, te Jerusalemde bidibadi tama aga isai dao.

Jopgo Po Asęani Elalubo Buku 24:1

Tama Jop agai po genina ma weyu, e tama wali, “Magi baso God Tigidali Bomo Elalubo Bidigo dwai bidi dabe po tų yabo bodolu mube yaliwe? Tama magi baso te we bidigo God wali pelama, te tobage po tų yabo sogo olo dali magi baso tonalubowe?

Jeremaia 51:56

Te nai doado bage dolabo bidi dabe, augwaligo te Babilonba boi hwįagaselama, augwali aiyaba elaluaibao. Tama augwaligo te Babilon ami bidi dabe kalabus elama, te augwaligo enesigi dabe tologwaibao. Magi baso meni. Genuai Bidi aga te dwai sę ebo dolo wei ponobo God dao. Tama tibaso, mu tama, agai te Babilon dabego dwai kolesaga usu siyu, dolo mu wei ponaibao.

Esekiel 35:11

Tama tibaso, ena God Genuai Bidi, ena tigidali sogo bidibo da, tama eno mu po tama dage dali obao, eno dagego dwai kolesaga wei ponaibao. Dagego Israel dabe godolo munu ma me ebeo, tama dagego augwali dali sębę elama, tama dage augwali dali haliga dwai mu yai dao. Tama tialima, eno dagego te augwali dali yali dwai kolesaga wei dolo ponaibao. Tama te Israel dabe augwaligo ena bugagia mu koneaibao.

Joel 2:1

Genuai Bidigo te dwai sę ebo we bidiba dene maiabo bodolu, te pąba megi yagasoba wali. Tialima, dagego te biugel bu weyu, te Godigo bulu dude digi, te Saionde belo dabe elao. Tama te side te tigidali Juda we bidi noma somainao wali.

Joel 2:11

Genuai Bidigo te aga ami bidi dabeba i bomonama wali, te agai pedauwalide te dagalu kulukulu wabo tiwai yali. Te agai po wali pabo bomai ami hauwa elaluali. Idaya, tegobao! Te Genuai Bidigo bodolu side te dwai mu dao. Tialima, de aga te bugagia bidiyu, te aga me dologobe dawe?

Amos 5:18

Dage tigidaligo homugo te Genuai Bidigo Bodolu Side asesa pedalumainao homu ebao. Tiali goli, dage hobede mu ebao. Mena wiegi yai sę mu dageba te side pedelaibawe? Dagego homugo te be posobo si da homu eba, agawe? Mu menio. Te be hulialubo side naga dao.

Amos 5:20

Awe, te tiwai me, te Genuai Bidigo muani bodolu side te be posobo ula me dwasianu pedalugobeo. Mu menio. Te be hulia sabo genuai sę pedelaibao. Te Amosgo po wabo silalio.

Esta 9:25

Tiali goli, Esta te king bidi bidibo madi pobaso, tama tuni bidigo te tiwai po asęani, “Polobadu Hamango te Juda dabe dolaibao po wali, tiali goli megi da, aga digi te dolobao,” te tiwai po asęani. Tama augwaligo aga te nide walama, tama nosali augwaligo te aga ogwa dabe me te ni posde walai.

Bugagia Bidibo Kolesagade Po Asęai Buku 5:22

Te dwai bidi aga sęgęgo digi te aga te wago kalabus elama, te bonogo kęąlubo tiwai ebao.

Jeremaia 12:14

Genuai Bidigo te tama po wali, “Te Israel dabe pąde bidibo hani dabe, augwalide eno po elalubao,” wali, “augwali te dwai kolesaga ebo bidi dabe tiyu, te augwaligo eno we bidi dabeba mani tǫde dwai sę ebao. Odao. Te eno te hani boi bidi dabe te augwa tǫba digi ela gudulaibao. Te Juda dabe augwa tǫde digi te boi bidi dabego tǫ tomode bidibao, tialima eno te Juda dabe me sela sąwaibao.