Nehemia 9:29 - Godigo dwagi yai po buku

²⁹ “Nago po bomo elama augwaliba weyu, te nago bomai po wali pomainu yali. Tiali goli, augwaligo hagoma eyu, tama augwaligo nago bomo yai poba tudi ola mawai. Augwaligo koneani, augwaligo te bomo yai po wali pobaso da, te augwali bugagia bidimainu yai. Tiali goli, augwaligo tobolu te dila pelama, tama augwaligo tabi haliga te dagana sali, tama tiyu te augwaligo nago po wali me pisąwai dao.

Nehemia 9:29 Referans Kwoze

Nehemia 9:16

“Tiali goli, dago wąį nǫų dabego te hagoma mu eyu, tama augwa tobolu te dila pelama, tama augwaligo te nago po sela sąwani.

Pris Sę Ebo Bomai Po 18:5

Dagego te tigidali kolesaga me tigidali bomai po eno godolo yabo sę me eno dagebolo mobao. Te dagego tama sę eyu da, te dagego bidibo ula elalueibao. Ena Genuai Bidi, ena duga God, eno te po obao,” wali.

Nehemia 9:26

“Tiali goli, te we bidi augwali te hagoma mu elama, tama augwaligo nago po sela sąwai. Tama nago bomo yai poba augwaligo tudi ola mawai. Tama nago te profet bidi dabe augwaliba tagala palali, te augwaligo te nago bomo yai po augwaliba magasu asali, te augwali homu begelama, nageba ma asomainu yai. Tiali goli, augwaligo te profet dabe ela muani. Tama hauwa sogo augwaligo te tiwai kolesaga yali, tama augwaligo nago nogi mu dolai dao.

Nehemia 9:10

Nago te Isip king me, ofisa dabe me, te Isip we bidi dali, te augwali aiyaba elaluainu te nago gasagi yai tedali bomai sę me yai. Nago tama tiali, magi baso meni, te Isip dabego naga we bidi dabeba te dwai sę mu ebo nago suai. Te sogo nago naga bomo te tigidali we bidiba ola mawai. Tama augwaligo nageba genuai nogi mena mena asali, te megi e sogoba usu nagasobao.

Hosea 6:5

Tama tibaso, te eno profet bidi dabe tagala palama, te dage po tų yabo po augwaligo dageba bomonama weyu, tama te dage dwai dene mu saibao. Dagego odalio, te mena sę eno dageba yabo te dagego koneai. Te hania mu elalubao. Tama te sę dabe e tama telalubao.

Jeremaia 43:2

tialima, Asaria, te Hosaiago ogwa, me Johanan, Kareago ogwa dali, te gasa hagoma ebo bidi dabe dali, augwaligo Jeremaiabolo e tiwai po wali, “Nago tibo po obao. God, dago Genuai Bidigo dabolo te po wagasu, te da Isipba me pigio olama, te nage me tagala palobeo. Mu menio.

Galesia 3:12

Te bomo yai po wali pabo kolesaga me, te bidi aga homu kolesaga tigidali Godiba mubo sę me, te sę si tedali dao, tiwai si menio. Tama Godigo po bukude te po me elalubao, “Te bomo yai po tigidali mu wali pabo bidi, te bomo yai po me deli sela sąsiąwai bidi, te sę ebogo te bidi tau siyu, tama te bidi bidaibao,” te po te bukude augwaligo asęani.

Polgo Po Pas Rom Dabeba Asęani 10:5

Te bomai po wali peyu tama Godigo bidi doloba pai bidi nogi pobo tųde te Mosesgo polobadu te po asęani, “Bidi te kolesaga tigidali eyu da, teda aga te bidada pabo ula saibao,” te po asęani.

Dwagi Yai Gesi Po Lukgo Asęani 10:28

Te Jisasgo po wei ponoyu, agabolo te po wali, “Te usu dao. Nago po dolo obao. Nago tama tiyu da, te naga bidabo noma bidigo ula te gamonabo bulu selama, bidada peyu, bidada paibao,” te po wali.

Daniel 5:20

Tiali goli, nago wąįgo homugo te aga umabo ugwanu mu da homu elama, tama aga hagoma eyu, haniani dobo kolesaga subigila ebaso, tama Godigo aga sela sąnama, tama aga te king me bidibeo, tama aga genuai nogi elaluali te tulaluai dao.

Esekiel 20:11

Te eno po augwaliba mayu, te eno bomai po augwali ola mawai. Te bugagia bidabo homu ebo we bidi dabe da, augwaligo te bomai po wali peyu, bugagia bidaibao.

Jeremaia 44:10

Megiba usu nagasu, te duga ebo dwai kolesagadehale elama, te dage ena dologoba me asobeo, te dagegoeno bomo yai po, me eno po te dagebolo me duga wąįnǫų dabebolo mani po, te wali me pabe dao,’ Godigote po wai,” wali.

Jeremaia 19:15

“Da Israelgo God, aga te Tigidali Bomo Elalubo Genuai Bidi, agai te tama po walio, ‘Bugagia odiąo. Dage Jerusalem we bidi, me te Jerusalem pąde bidibo we bidi, dage tigidaligo te hagoma eyu, te dagego eno po odobo hagela homu yali. Tama tialima, eno te dwai sę tigidali dageba pedalumainogo yaibao, eno te tiwai sę yaibao,’ po wai dao,” eno te po wali.

Jeremaia 17:23

Tialima, duga wąį nǫų dabego eno po me odama, wali me pabeo. Menio. Augwa hagoma naga eyu, tama augwa te eno wiegi yai kolesaga ola mabo hagela homu yai dao.

Jeremaia 7:26

Tialima, dagego hani dabego eno po odolama, wali me pabeo. Menio. Augwa te dwai hagoma naga eyu, te dwai kolesaga hauwa eyu, te wąį nǫų dabego yali dwai kolesaga aiyaba elalubo dao.”

Tuni Bidi Dabego Po Elalubo Buku Si 36:15

Tiali goli Genuai Bidi augwa wąįgo God agai aga we bidi me aga be dali dolobo hagela yali. Tama tibaso, agai te profet dabe hauwa mu agai po te we bidi dabebolo pusumainogo tagala palidu geani. Magi baso meni, agai augwali hobede mu ebaso.

Tuni Bidi Dabego Po Elalubo Buku Si 24:19

Tama Genuai Bidigo profet dabe tagala palali, tama bomai po dabe augwalibolo olama, augwali agaba ma asomainu ilali. Tiali goli, te we bidi augwali po sela sąbo sę genuai mu yali, tama augwaligo te profet dabego po odobeo.

Te Israel me Juda Hani Sigo Tuni Bidigo Po Elalubo Buku Si 17:13

Tama te Genuai Bidigo te profet bidi dabe me te nosali pedalubo sę koneai bidi dabe me augwali te Israel haniba me, me te Juda haniba me tagala palali, tama augwalibolo bomai po e tama wali, “Dagego kolesaga begelama, tama dagego te dwai kolesaga ebo sę tagalama, tama dagego te tigidali bomai po te eno po odama wali pao,” wali. “Te bomai po dabe me te eno te dagego wąį nǫųbolo mawai po dao, tama te po dabe te eno sę ebo bidi dabego eno ola mobaso, augwaligo pedauwalidu pusai dao, te bage te profet bidi dabe dao,” te po wali.

Bomai Po 31:21

Tama nosali haniani dwai sę dabe augwali tigide pedalaibao. Tama te Israel dabe augwali te dwai sogo bidibo bage augwaligo te balia po gegeda pomainogo egobeo. Te augwaligo te balia po me odubadi geaibao. Tama te balia po augwaligo augwa yali dwai kolesagade homu hogodolaibao. Eno augwali te mawaibao wali te kantriba odasa pisąbadi goli, tiali goli eno augwaligo homu kolesaga polo koneanio,” Genuai Bidigo te po wali.

Bomai Po 4:26

Odiąwe, megi eno te dagalu me tǫ si i obao, te augwaligo eno dage dali te wabo bomai po odomainu. Ma, dagego Godigo po sela sąyani da, teda dua dao. Godigo dage tigidali polo tama te tǫde sela sąwaibao. Tama dage te Jordan wę u badu elalubo te tǫde bobobage sogo bidigobeo, te dagego megi te sainu ebo te tǫde. Menio. Dage sese sia saibao.

Ma Dobola Sali 10:3

Tama Moses de Aron si pelama, te tuni bidi agabolo te po wagi pali, “Da Hibru bagego God, Genuai Bidi Yawe, agai te po wai, ‘Nisu naga sogo nago te po sela sąyu, tama nage ena dologode bidigobewe? Te eno we bidi hani tagala palao, te augwaligo lotu po enaba wagasomainao.

Matyu 19:17

Tama Jisasgo agabolo te po wai, “Te enabolo magi baso nago te wiegi yai sęde hanalu obawe? Te me deli digi naga te aga wiegi yai dao, te God dao. Tama nage te wiegi yai bidabo ula sabo homu ebo wida, teda nago te Godigo bomo yai po wali pao.”

Tuni Bidi Dabego Po Elalubo Buku Si 33:10

Te Genuai Bidigo Manase me te we bidi augwaligo te dwai kolesaga eboba tudi ola mao po wali, tiali goli augwaligo po odama wali pabeo.

Nehemia 9:30

Te kibu be hauwa nago dua dua tau sabo sę augwaliba eyu, tama augwali homu begeliąo wai. Te nago Mobo Bidigo te po te profet dabeba mawai, tiali goli te wąį nǫų dabego te po odisąwai. Tama tibaso, nago augwali te gasa bulu tǫ pedai bidi dabego nogoba mawai dao.

Nehemia 13:15

Te sogo eno suali, te meba Juda dabego te nedu du wain agalama, tama te Sabat side wain wę siyu nigali. Tama te gasa Juda dabego te wit nai, me wain, me te wain nedu du wai, me te ni kaya fik, me te gasa tobage nai dabe selama, te donki daiba munama, tama te Jerusalemba sela pabo sę yali. Tama te Sabat side te eno augwaliba bomai po wali, “Te side da wabo sogo te we bidi dabego te nai dabe abelimainu me ilamuo,” po wali.

Jeremaia 42:19

Jeremaiago te Genuai Bidigo po pusula silibo si da, teda agai te tiwai po wali, “Dage dwasianu Juda hanigo, odao. Genuai Bidigo dage te Isipba pigio wali. Tama tialima, eno dageba te mani bomai po bugagia homu kone palao.

Bomai Po 31:27

Magi baso meni. Eno koneani, augwali tobolu gagea pelama, po sela sąbo we bidi dao. Megi ena bidibadi, augwaligo Genuai Bidigo po sela sąnama, tama agai bomai po bolobo dao. Tiali goli, ena mu isibo si da, teda tegoba, teda eno homugo te augwaligo dwai kolesaga genuai mu pedalaibao.

Te Israel Tobolu Bidi Dabe 6:10

Tama eno dagebolo wali, ‘Ena te God, duga Genuai Bidi da,’ po wai. ‘Dagego te Amor dabego tibo godiba lotu me olamu da,’ po wali. ‘Te bidi dabe augwaligo tǫde dage bidalu, te augwaligo tibo godiba lotu po me wagio,’ po wali. Tiali goli, dagego eno po me odobeo.” Profet bidi me deligo te Genuai Bidigo po wali.

Te Israel me Juda Hani Sigo Tuni Bidigo Po Elalubo Buku Si 17:14

Tiali goli, te Israel hani dabe augwaligo te Godigo po sela sąnama, tama augwaligo God dali hagoma genuai mu yali, tama augwaligo augwa wąį nǫųgo yali kolesagadu wali pai. Te wąį nǫų dabe augwaligo te Godigo po dąų wasiąma, tama augwaligo konealubo homu te God dali kęnama, dąų wai meni, augwa Genuai Bidi dali.