Nehemia 9:24 - Godigo dwagi yai po buku

²⁴ Tama augwaligo te Kenan hani bidi dabe dali te boi hwįani sogo, nago digi te Kenan dabe aiyaba elalumainu ilama, tama te bulali wąį nǫų dabego te tǫ somainu yali. Tama augwaligo te hani aiyaba elalubo sogo, tama nago te augwa homu kolesaga wali pomainu elama, tama te we bidi dabeba dene mabo sę dwai ilali, tama te Kenan tǫ king dabeba me te dwai mu yai dao.

Nehemia 9:24 Referans Kwoze

Josua 21:43

Tialima, Genuai Bidigo te tigidali tǫ pedai te Israel dabe augwaliba mani, te polobadu agai te augwa wąį dabebolo te bomo yai po dąų wali tiwai gilama yali. Tama te Israel dabe augwaligo te bulu tǫ selama, tama augwali tede bidali.

Josua 18:1

Te Israel dabe augwaligo boi hwįnama, te tigidali bulu bidi dabe aiyaba elaluama, tama augwa hani tigidali te Siloba sisinani. Tede augwaligo te God dali sisinabo lotu be, te ugwa be, te augwaligo dodolama muai.

Josua 11:23

Josuago te moni tǫ pedai tigidali badu sela silali, te Genuai Bidigo Mosesbolo wali gilama te tiwai yali. Tama Josuago te Israel dabe augwalibolo te moni tǫ te augwa page bulu tiwai ilama mawai. Tama te tǫ te tigidali Israel hani deli delibolo dobayali. Tama tilama, te we bidi augwaligo hwįbo sę ebo sogo silama, tama augwaligo hwįbode te toma tuyu bidali.

Polgo Si Wali Pas Timotiba Asęani - 2TI 2:26

Polobadu te Satango agai hagani togobo wago augwali sali, te augwaligo agai po wali pomainu yali. Tiali goli augwaligo te mu po koneyu da, teda augwaligo homu hania ma ula eyu, tama augwaligo te Satango hagani togobo wa wi pabo usu yaibao.

Tuni Bidi Dabego Po Elalubo Buku Deli 22:18

Tama agai te tiwai po augwaliba wali, “God, dago Genuai Bidi, te dage dali bidibao. Agai eno te e tǫde polobadu bidali we bidi hani dabe augwali aiyaba elalumainu ilama, tama megi da augwali te aga me dage dologode bidibao. Te tama tiali kolesagade agai te wiegi yai bodolu si dageba menama, te dage bugagia tegaluama bidu, te boi bidi augwaligo dageba munu ma boi hwįbe dao.

Josua 21:45

Genuai Bidigo te tigidali wiegi yai te dąų wali po te Israel bage augwaliba mu usu nama, tama te sę ela silali. Agai wali po me deli munu me tulalubeo.

Israel Hanigo Namba 14:31

Dagego te po wali dao, “Te bulu bidi dabego da dali hwįnama, da ela silama, dago wai saibao,” po wai dao. Tiali goli, menio. Eno te wai puluba dagego te hagela yali te buluba odasa paibao. Tama augwaligo selama, tama augwali tigidali sogo tede bidaibao.

Te Israel Tobolu Bidi Dabe 4:23

Te sogode Godigo te Israel dabe tau selama, te Kenan gavman tuni bidi Jabin aiyaba elaluali.

Josua 10:40

Tama elama, tama Josuago te tǫ tigidali badu te hwįanigo aiyaba elaluai. Agai te bulu dude bidali tuni bidi dabe me, te Negev dabe badu tuni bidi dabe me, te tǫ malude bidali tuni bidi dabe me, te bulu du pąde bidali tuni bidi dabe me, te agai augwali aiyaba elaluai. Agai bidi deli me sulama, gogola me tagalobeo. Agai tigidali ela muai. Agai te Israel dabego Genuai Bidi Godigo te agabolo wali po tiwai gilama yalio.

Josua 12:12

Eklon, Geser,

Josua 12:24

tama Tirsa meo. Te tiwai te tigidali tuni bidi te bidi sese olama, nogo si te me badu deli, te tama usu nama tigidali bidiyu, tama Josua dali, te Israel dabe dali si, augwaligo te tuni bidi dabe tigidali aiyaba elaluama, augwaligo tǫ sai dao.

Esta 9:5

Tama te Juda dabego te augwa boi bidi dabebolo umabo sę eyu, te augwali mu dolali. Augwaligo te bobobage hwą ge bainat tulama, tama te boi bidi dabe dali hwįnama, tama bidi hauwa ela muai dao.