Tama te sogo Hanani, te eno ama me deli, te hani bage me deli dali, augwa te Juda tǫ taga soyu, tama digibulu aselama, te Susa taunba sabolali. Eno augwali sisinama, tama eno augwaliba te tama po hanalu wali, “Eno te Juda hani dabe meba te kalabus yagasali pesage, e Babilon bulu tagalama, te Jerusalemba ma pali bagede, te po eno koneainogo hanalu obao,” wali. “Te augwali bugagia bidibawe, ma meniwe? Tama te taun Jerusalem me, te bugagia elalubawe, ma meniwe?” Eno te po te bidi si hanalu wali.