Nehemia 6:16 - Godigo dwagi yai po buku

¹⁶ Tialima, te dago boi bidi dabe te da pąde bidibo bulu tǫ pedai bidi dabego, dago te obo nigila silali po odali, tama augwaligo koneani, te Godigo digi da tau sobaso, dago te sę yali da homu yai. Tama augwa koneai, te augwaligo dwai kolesaga da dali yainu yai, te geda munama, tama te augwaligo nogi aiyaba tulaluai dao. Tama tibaso, augwali wi yai.

Nehemia 6:16 Referans Kwoze

Josua 5:1

Te sia ge dulubo badu te Jordan wę badu, te Amor tǫde bidibo te tigidali tuni bidi dabe badi, te genuai tamu ąį Mediterenian te sesegede te Kenan moni tǫde bidibo tigidali tuni bidi dabego me, augwaligo te Genuai Bidigo te Jordan wę wai ilai digi te da Israel dabego te wę nogali po odali. Tama te da Israel dabe augwali pąba asobaso, te tuni bidi dabe augwali wi dwai mu eyu, tama augwali homu didibili mu yai dao.

Godigo Nogi Ugwaba Sabo Tęąbi Po Wabo Buku Dabe 126:2

Tama dago gisugu kisu selama mu wali, tama dago pemene umabo mu ebo tęąbi wali. Tama te Genuai Bidigo po konesiąbo bidi dabego te tiwai po wali, “Genuai Bidigo te genuai sę mu ebogo te Israel dabe tau sabo dao,” wali.

Nehemia 4:7

Tialima, Senbalat de Tobia si dali, te Arap dabe, me Amon, me Asdot dabego te tiwai po odali, dago te Jerusalem masigi obo sę bugagia mu ebo wali, tama dago te obo banis te alua degasa dulali te tigidali badu ma nigali po wai. Tama augwaligo te wado po umabo mu olama,

Nehemia 4:1

Te Senbalatgo te da Judago te moni masigi obo dodolobo sę po odolama, tama agai wado po dwai mu weyu, tama dabolo te posobo po wai,

Nehemia 2:10

Tiali goli, Senbalat, te Bethoron taun bidi, me Tobia, te Amon provins ofisa bidi me deli, augwali sigo odali, ena aselama, te Israel we bidi augwali bugagia bidimainogo eyu, ena augwali tau sainu asali po odali. Tama tibaso, augwali sigo haliga dwai mu yalio.

Godigo Sęba Tagala Palai Bidigo Po 5:38

Tama megi Jisasgo tagala palai bidi dabede, dagego te dwai sę elamuo. Olo bidimainao. Tama bidigo ebo sę dali kolesaga side sę eyu da, te polo sia saibao, tega sigo sę tuloluai tiwai.

Israel Hanigo Namba 23:23

Ma, te boi bidi dabego pobi weyu, me kebele aulama augwali elali da, tego augwali me dologobeo. Tama tialima, megi te gasa we bidigo te Jekopgo hani dabede te po waibao, ‘Te Godigo Israel bage augwali tau sainogo genuai sę dabe mu yali suao.’

Ma Dobola Sali 14:25

Genuai Bidigo te augwaligo karis nadoba te tǫde dąų ilali, tama te karis dabe bomonama uda wainogo yali usu ebeo. Tama te Isip dabego te po wai, “Odiąo. Te Genuai Bidi Yawe aga hani Israel augwali tau siyu, da dali hwįbao. Da polo wi pinao. Dago augwali polo taga pinao,” wali.

Nehemia 6:17

Te da Juda dabe tobolu bidi hauwa te Jerusalemde bidalu, tama augwaligo te Tobia tau sabo po dąų walali, magi baso meni, te da bidi mebago wąį ma base dao. Tobiago te Sekaniago wegi sai, te Arago ogwa dao. Tama me Johanan, te Tobiago ogwago, te Mesulamgo wegi sali, te Berekiago ogwa da. Tama dago te obo banis sę geselebo sogo, te tobolu bidi dabe dali, te Tobiago me, te pas hauwa ugwaba, edaba toloduai dao.

Jeremaia 33:9

Tama tigidali tǫde we bidi hanigo eno te wiegi yai sę tigidali te Jerusalemba ebo sulama, tama tebogo te hani dabe wiegi yai pemene elama, enaba bugai haliga eyu, enabolo genuai nogi mawaibao. Te hani dabego te Jerusalem bugagia dugulalubo sulama, te eno wiegi wiegi yai nai dabe te Jerusalemba mobaso, te augwali dwai noma mu selama, midigi umabo yaibao,” wali.

Josua 2:9

tama augwali sibolo te po wai, “Eno koneani, Genuai Bidigo e genuai tǫ te dage Israel dabego nogoba mawainogo ebao. Tama eno po dolo mu dage sibolo obao. Da tigidali dagede wi elama, tama da didibili dwai mu ebo.

Josua 2:11

Dago te po odolama, tama da dagede wi mu ebao. Tama megi, da tigidali bomo menio. Magi baso meni, God, dagego Genuai Bidi, aga te dagalu de tǫ sigo God dao.

Godigo Nogi Ugwaba Sabo Tęąbi Po Wabo Buku Dabe 109:27

Te boi bidi dabego konemainu elama, nago naga nago ena tau selama, tama ena ma sabo dao.

Godigo Nogi Ugwaba Sabo Tęąbi Po Wabo Buku Dabe 129:5

Eno homugo dago te Saionba boi bidi ebo bidi aiyaba elalumainu homu yai, tama augwali pobeasa te augwa buluba ma pao.

Godigo Nogi Ugwaba Sabo Tęąbi Po Wabo Buku Dabe 147:2

Genuai Bidigo te Jerusalem ma dodolama, tama te boi bidi dabego sela pelama, te kalabus igi pali we bidi dabe te ma odasa asai dao.