Nehemia 6:11 - Godigo dwagi yai po buku

¹¹ Tiali goli, eno agabolo te tiwai po wei ponani, “Ena te wi ebo bidi dabe tiwai elama, tama te wi peyu, te geme me duala sigi pogobeo. Tama ena te wi pelama, te Godigo be tomoba geme me duala sigi pogobeo. Mu menio,” wali.

Nehemia 6:11 Referans Kwoze

Godigo Sęba Tagala Palai Bidigo Po 21:13

Tama tiali goli, Polgo te po wei ponoyu te po wali, “Magi baso dage gela obawe? Dagego gela wagio. Tama dagego te homu sęgę ena magio. Suao, ena Jerusalemba pobao. Tama augwaligo ena kalabuside mubaso da, eno wi menio. Eno Genuai Bidi Jisasgo po pusa mobadi, augwaligo homugo ena elabo homu ebaso me, elemainao,” te po wai.

Bugagia Bidibo Kolesagade Po Asęai Buku 28:1

Te dwai kolesaga ebo bidi dabe te odolali wi elama, tama wi paibao. Tiali goli, te doloba pai kolesaga ebo bidi dabe da, te hasa laion tiwai gilama te bomo elama, dolalubo dao.

Filipai 2:17

Dagego duga homugo Kraisde konealubo po dąų wabo kolesaga ebo, te kolesaga ebo te Godigo gedude te dagego agabolo te ofa nai mabo kolesaga ebo tiwai dao. Tama bidi dabe augwaligo ena ela mugowe, mugobewe, te eno konebeo. Tama augwaligo ena ela muyu da, teda eno kaneme dali te dagego ofa mabo nai dali te si dago agabolo mawaibao, te polobadu bidali bidi dabego te wain ąį te ofa nai daiba gelali tiwai yaibao. Awe, tama tiyu da, teda usu da, eno tede dwagi yai homu pemene ebao, tama dage dali hodobo eno dwagi yai homu ebao.

Godigo Sęba Tagala Palai Bidigo Po 20:24

Tama augwaligo ena elama isilibo eno moni homu menio. Te magigo menio. Tiali goli, eno genuai homu mu Genuai Bidi Jisasgo enabolo mani sę bomo elama mu yaibao. Tama te Godigo da homu dene ebo sę, te dwagi yai po eno tigidali we bidibolo augwaligo konealumai hagede bugagia pusa mawaibao,” Pol agai te po wai.

Godigo Nogi Ugwaba Sabo Tęąbi Po Wabo Buku Dabe 112:8

Agai te magi nai dabe dali wi eyu, moni homu me ebo menio. Tama agai koneai, te boi dabe augwali hwįbo digi hagabo dao.

Godigo Nogi Ugwaba Sabo Tęąbi Po Wabo Buku Dabe 112:6

Dwagi yai bidi aga tula mugobeo, tama we bidi augwaligo homugo aga gegeda pogobeo.

Hibru 11:27

Te bidi Mosesgo konealubo po Godiba dąų olama tama agade tią piduali baso, agai te tuni bidigo sębę homu ebode te aga wi me ebeo. Meni. Aga hogodolama tama Isip tǫ taga soali. Te e tǫde bidigo God gedugo me susiąbo digi, tiali goli Mosesgo te God subo tiwai yali, tama tiyu aga bomo elama geasa ma pabeo.

Filipai 2:30

Magi baso meni. Kraisgo sę tobade aga pąde tama isai digi dao. Agai homugo aga bidabo homu yai menio. Dage digibulu bidiyu, tama duga digi ena tau sabo usu sąbaso, agai ena tau sabo homu elama, tama Kraisgo sę ebadi pąde isai digi dao.

Kolesaga Koneai Bidigo Pusali Po Elalubo Buku 10:1

Te bolia dabe te wiegi yai denami ebo wel elalubo botol tomoba pelama, te augwali isibaso da, teda te wel tomode dwai kugumini yaibao. Te tiwai naga, te bidi me deligo te wabo pabo homu kolesaga dwasianu ebaso da, agai te aga wiegi yai homu kolesaga dolama, tama aga digi genuai nogi dolaibao.

Nehemia 6:9

Eno koneani, Senbalatgo hani dabe daligo te pogo da wi ilabo po wali homu yai. Augwaligo homugo dago te sę tagalama, tama dago te obo banis sę silisąmainu homu yali. Tiali goli, eno Godiba gedu haluasa po e tiwai wali, “God, te augwaligo wabo po tagalao. Eno homugo nago ena te sę ebode dąų walomainu ebao,” wali.

Nehemia 6:3

Tama eno augwali siba te tiwai po te bidi mebago wagi pomainu tagala palali, “Nehemia te genuai sę me deli ebao, tama tiyu agai te sę taga soyu, dage suagasabo usu egobeo. Te aga asobaso da, te sę bidi dabego te sę me egobeo.” Eno te po ola tolali.

1 Samuel 19:5

Te agai Goliat elali sogo, te aga isabo me, te aga bugagia bidabo, te me agai tǫba eyu godolo me ebeo. Tama tialima, te Devitgo nogode, Genuai Bidigo da Israel tau sabo te geninama mu elalu, tama te boi bidi aiyaba mu elalualio. Tama naga digi sulama, tama nage wiegi yai homu pemene mu yai. Agai te dwai sę me eyu, tama magi nai me delide dwai sę yali me elalubeo. Tama tialima, magi baso nago aga olo dali ela muainu ebawe? Te nago tama tiyu da, teda nago dwai sę yali elalueibao,” te po wali.

Godigo Sęba Tagala Palai Bidigo Po 8:1

Te sogo, Stiven isali sogode, augwaligo Jisas wali pabo we bidi elebo sę gagalali, te Jerusalemde. Te tebo sę genuagi mu yali. Tama Jisas wali pabo we bidi tigidali te Judia tǫ, Samaria tǫ te bulu siba wi tedela pali. Tiali goli, te Jisasgo tagala palai bidi dabe wi pabe.

Aisaia 10:18

Tama bogi peyu, moni genuai genuai ni dabe dela pelama, tama gi yabo wiegi yai tǫ me dela paibao. Genuai Bidigo Asiria dabe dolama, tama augwali mu tama silaibao, te gasigo bidi me deligo tigi bomo doloyu, ela silibo tiwai yaibao.

Nehemia 6:12

Nosali te pode eno bugagia homu kone palama, te tiwai eno koneani, Godigo te tama po te Semaiabolo me wabeo. Menio. Eno koneani, Tobia de Senbalat sigo aga abelama, te po ena dali omainogo yali homu yai.

Israel Hanigo Namba 3:10

Nago te Aron me aga ogwa dabe augwaligo naga te pris sę emainogo sa muao. Tiali te gasa bidi dabego me te pris sę yainogo ebaso da, teda dagego aga ela muiąo,” wali.