Nehemia 4:6 - Godigo dwagi yai po buku

⁶ Tialima, eno te tama gedu haluasa po olama, tama dago sę bomo mu yali, tama te sesabi me isąbadi tama te obo banis ugwaba holama, te tomoba dąį mu usu nigulali. Tama te deli tigi poai te dago siminabo obo banis te usu tama elalualio.

Nehemia 4:6 Referans Kwoze

Filipai 2:13

Magi baso meni, te dagego aga homu wali pabo homu emainogo, te dagego aga homu wali pabo bomo me elalumainogo, te God aga digi dage tomode aga sę eyu, tama dagego homu agai hodolobo dao.

Nehemia 6:15

Te dago te Jerusalem moni masigi obo ma geselali, te 52 dei tama usu nama yali, tama te 25 dei, te polua sogo nogi Elul usu nama, te obo ma geselebo sę silai dao.

Tuni Bidi Dabego Po Elalubo Buku Deli 29:14

Ena dali, te eno we bidi hani dabe dali, dago te tiwai po weyu dago nagebolo te mani nai dabego aya mu da dao po obaso usu egobeo. Menio. Da te olo bidi naga tama, te nai me deli te dena nai dabe dolo mu me elalubeo. Te tigidali nai nago nai naga da. Hasia bolo nago dabolo mani, te megi dago nageba ma mobao.

Tuni Bidi Dabego Po Elalubo Buku Deli 29:3

Eno te sisinani nai dabe daide ugwadu, eno te ena gol dabe me silva digi mawai. Magi baso meni, eno te ena Godigo tempel bede dwagi yai homu godolo genuai ebaso eno te tama sę yalio.

Godigo Nogi Ugwaba Sabo Tęąbi Po Wabo Buku Dabe 110:3

Te nago te boi bidi dabe dali hwįainu ebo sogo, te naga hani bidi dabego usu da, pinao po weyu, te nage dali pelama, tama nage tau somainu yaibao, tama dage te Godigo bulu duba ugwaba holaibao. Tigidali sogo hulide tulubage wę segeni te nosade pedalu, tama te nosago gesi bomo siyu ebo dao. Tama nage me nage te tigidali sogo bomo saibao.

Nehemia 4:5

Nago te augwaligo yali dwai sę yali kolesaga me sela sągio, tama nago augwaligo sęgę me sela sągio, magi baso meni, augwaligo te da doloyu, te posobo po hauwa mu te da te masigi obo sę ebo bidi dabebolo walio.”

Nehemia 4:7

Tialima, Senbalat de Tobia si dali, te Arap dabe, me Amon, me Asdot dabego te tiwai po odali, dago te Jerusalem masigi obo sę bugagia mu ebo wali, tama dago te obo banis te alua degasa dulali te tigidali badu ma nigali po wai. Tama augwaligo te wado po umabo mu olama,

Godigo Nogi Ugwaba Sabo Tęąbi Po Wabo Buku Dabe 122:3

Augwaligo te Jerusalem ma nigilama, tama te wiegi yai mu dodolama elalubao.

Hagai 1:14

Tama te Genuai Bidi agai te bidi Serubabel dali, te Josua dali, te tigidali we bidi dali augwaligo homu hodolama, tama augwaligo agai be sę yainogo yali. Tama augwali aselama, te augwa Godigo be sę ebo sę gagalali, Genuai Bidi aga Tigidali Bomo Elalubo Bidi.