Nehemia 4:20 - Godigo dwagi yai po buku

²⁰ “Tama tialima, te boi bidi dabe pedalubo side, te biugel gela weyu, te bu dagego odobaso da, teda boi bidi asalio olama, dage te ena pąba sisinagasao. Tama God, te dago Genuai Bidigo, te dago boi bidi dabe dali hwįaibao.”

Nehemia 4:20 Referans Kwoze

Ma Dobola Sali 14:14

Odao, Genuai Bidigo dage tau siyu, hwįaibao. Tiali goli, duga digi magi sę me elamuo. Dagego pedauwali dąų naga wao,” wali.

Bomai Po 20:4

Genuai Bidi, dena God, aga digi dage dali te pobao. Tama agai dagego hwįbo tau saibao. Tama agai boi bidi dabe aiyaba elaluama, tama dagego ugaba ela holomainu yaibao,’ te pris bidigo te po waibao,” Mosesgo te po wai.

Bomai Po 1:30

God, dago Genuai Bidi, agai dage tudiba togolama aga bolo polasa paibao. Aga polasa pelama, hwįaibao, te dagego agai te Isip bulude ebo suali tiwai yaibao.

Josua 23:10

Te dage hani bidi me deligo te umabo bidi mu, te 1,000 bidi dabe te wi pomainu ilibo sę ebaso, te usu yai dao, magi baso meni, God, te dago Genuai Bidigo, te dage tau siyu, augwali dali hwįai dao, te agai polobadu po dąų wali tiwai gilama yaibao.

Bomai Po 3:22

Dage augwalide wi me elamuo. Magi baso meni, God dago Genuai Bidigo dage tau selama, tama augwali dali hwįaibao,’ eno te po wali,” Mosesgo te po wai.

Ma Dobola Sali 14:25

Genuai Bidigo te augwaligo karis nadoba te tǫde dąų ilali, tama te karis dabe bomonama uda wainogo yali usu ebeo. Tama te Isip dabego te po wai, “Odiąo. Te Genuai Bidi Yawe aga hani Israel augwali tau siyu, da dali hwįbao. Da polo wi pinao. Dago augwali polo taga pinao,” wali.

Sekaraia 14:3

Tama Genuai Bidigo te bulu tǫ kantriba boi hwįgi paibao, te agai hwįbo sogo te ebo kolesaga tiwaigo te boi hwįaibao wali.

Nehemia 4:19

Tialima, eno te we bidi dabeba, me te ofisa dabebolo, me te augwa tobolu bidi dabeba te po walali, “Obo banis te bobobage mu elalubao, tama dagego te hauwa pedai badu sę ebao, tama dage hani deli deli te gasa sę ebo hanide digibulu digibulu bidibao,” wai.

Nehemia 4:21

Eno te po augwaliba mawai, tama te kigamu digi mu te tigidali side tama te hǫ dabe te dagalude ula eboba usu nigi pabo sogode, te da hani mebago te obo nigibo sę ebadi, te gasa hani mebago te sesemone ene tolalu te tonaluai dao.

Tuni Bidi Dabego Po Elalubo Buku Deli 19:12

Tialima Joapgo Abisaibolo te tiwai po wali, “Te boi hwįbo hodolobo sogo nago suali te Siria dabego da aiyaba elaluabo homu ebaso da, teda dagego da tau sagasao. Me ma, te Amon dabego dage aiyaba elalueinu ebaso da, teda dago dage tau sagasaibao.