Nehemia 4:18 - Godigo dwagi yai po buku

¹⁸ Tama te sę ebo bidi tigidaligo te bainat hwą ge te augwa kukulude gedelai. Tama te biugel bu wabo sę elalubo bidigo te boi bidi dabe asobo sogo, aga te ena pąde bidai.

Nehemia 4:18 Referans Kwoze

Israel Hanigo Namba 10:9

Te boi bidi dabego dagego tǫba dage dali hwįainu asobaso da, teda dagego te biugel elama, bidi dabe hodolama, hwįgi pomainao, te boi bidi dabe dali. Dagego te tama tiyu da, teda ena God, dagego Genuai Bidi, eno dage homu koneama, tama te boi bidi dabe dolaibao, te augwaligo dage aiyaba elalugobeo.

Nehemia 4:13

Tama tibaso, eno te sesemone ene me, bainat hwą ge me, enesigi me, te sę ebo tigidali bidiba dobolama mani. Tama eno te augwa hani deli deli bage augwa deli kanemeba deliba sisinigi pelama, bidao po wali. Tama eno augwaliba weyu, te augwali pelama, te obo banis silisąwani te tigidali badu dolalua peyu, te no munalu, tama augwaligo te boi bidi dabe dali boi hwįabo sisi elaluao po wali.

Nehemia 4:17

te obo nigibo sę yai. Tama te bidi dabego te obo nigibo nai dabe tolasa pabo sogo, augwaligo te nai te me badu nogo badu toloyu, tama te gasa nogo badu te hwįabo nai tolaluali.

Nehemia 4:19

Tialima, eno te we bidi dabeba, me te ofisa dabebolo, me te augwa tobolu bidi dabeba te po walali, “Obo banis te bobobage mu elalubao, tama dagego te hauwa pedai badu sę ebao, tama dage hani deli deli te gasa sę ebo hanide digibulu digibulu bidibao,” wai.

Esekiel 33:3

Tama te tonalubo bidigo boi bidi dabe asobo sulama da, teda agai te biugel bu wabo dao, te we bidibolo boi asobao olama mayu, te po wabo dao.