Nehemia 3:15 - Godigo dwagi yai po buku

¹⁵ Tama Salum, te Kolhesego ogwa, aga te Mispa tǫ pedaide polalubo bidi dao. Aga dali te bidi meba daligo te obo banis wadolama sę eyu, te sunumi nogi augwaligo te Ulu Wę Elalubo Madi Sunumi da walio. Tama augwaligo te ni nami meba selama, tama te sunumi ugwadu daide te be pedu tiwai nigali. Tama te sunumi aga muani pesagede muai, tama bomai lok munama, te sunumi palibo bobage ain dili muani. Tama augwaligo te obo banis dage Te Sela Sigi Aį sesegede wadoa selama nigalio. Te obo banis te polobadu bidali kingo gi pąde elaluai. Tama augwaligo te obo banis sę wadoasa pabo te Devitgo Taunba pabo togobiliba usu nigi pai dao.

Nehemia 3:15 Referans Kwoze

Dwagi Yai Gesi Po Jongo Asęani 9:7

Tama agai te bidibolo te po wai, “Nage wę ge ąį nogi Siloam te ąį paugi pao,” wai. (Te wę ge ąį nogi Siloam, te nogi begelama, te po wai, bidi tagala palai.) Jisas agai te po obaso, te bidi pelama, ąį paugi pai. Tama aga ma asai. Tialima, te bidi aga gedu megi tama mu tonobo usu yalio.

Aisaia 8:6

“Ena Genuai Bidi, ena te wę Jerusalemde gebo dabo tiwai dao. Aga tigidali sogo dua soabo dao. Tiali goli, te Juda we bidi dabego homugo eno bomo meni da homu ebo. Tama augwaligo homugo te Aram tuni bidi Resin dali, te Israel dabego tuni bidi Peka, augwali sigo bomo te genuai mu dao homu ebo.

Nehemia 12:37

Augwali pali te Wę Ulu Elalubo Sunumiba sabolama, tama augwali te togobilidu ugwaba holama, te Devitgo Taunba sabolali. Tama augwali peyu, te Devitgo genuai be edelama, te giliga pedalubo te taun badu te Wę Tubo Sunumi oboba ma sabolalio.

Dwagi Yai Gesi Po Lukgo Asęani 13:4

“Te bulu nogi Siloam, tede moni bobobage sigi be degasa pai. Tama te sigi be degeyu yaide, we bidi hauwa te 18 elalio, augwali mu isali. Te be degali po dagego polo odali. Tama dagego e homu yali bogo, te Jerusalem be nani we bidi me badu augwaligo dwai sę dwasianu yali, tialima te sigi be degeyu elali we bidi augwali dwai dwai sę mu yali. Dagego te homu yali bogo. Te tebeo.

Nehemia 2:14

Nosali da begelama, te not badu te Ulu Wę Sunumi elalubo badu pai, tama te Kingo Dwasianu Sigi Aį Elalubo te badu palio. Te badu, te sunumi paliai baso, tama ena te dugulalubo donki te ma pabo usu me ebeo.

Jeremaia 40:6

Tialima, Jeremaia te Gedalia bidibo madi te taun Mispa teba pai. Tama Jeremaia aga dali te we bidi hani tomode te Juda tǫde bidalio.

Nehemia 3:14

Te Malkia te Rekapgo ogwa dali te bidi mebago dali te sę wadolama, tama te obo te Pobele Bage Sela Sąbo Sunumi pedai badu bobegela selama nigali. Tama augwaligo te sunumi aga muani pesagede munama, tama augwaligo te bomai lok munama, te sunumi palibo bobage ain dili muai. Malkia aga te Bet Hakerem bulu tǫ pedai tonalubo polalubo bidi dao.

Nehemia 3:12

Te Salum, te Halohesgo ogwa, dali te bidi meba daligo te obo banis dage gasa wadoasa nigali, tama aga wegi dabego aga te sę ebo tau salio. Te bidi Salum aga te si wali Jerusalem pąde elalubo tǫ pedai tonalubo polalubo bidi dao.

Nehemia 3:9

Tama Refaia te Hurgo ogwa dali te bidi meba daligo te masigi obo sę ebo te Hananiago hani sę ebo pąde te sę yali. Refaia te Jerusalem pąde elalubo tǫ pedai badu me deli te polaluali tobolu bidi dao.

Nehemia 3:7

Melatia te taun Gibeon bidi dali, te Jadon te Merenot taun bidi, tama taun Gibeon bidi dabe, me te Mispa taun bidi dabego me, te obo wadolobo sę ebo te Joiada me Mesulam te bidi sigo hani bagego te obo sę ebo pąde gagalama, ibaba wadolali. Tama te sę ela pali, te wę Yufretis pedai e badu provins polalubo gavman bidigo beba tama tagaligi pali.

Tuni Bidi Dabego Po Elalubo Buku Si 32:30

Polobadu king Hesekia aga digi te pabo wę Gihon ogwa badu paliai, tama agai gesi wę gamia nigasa dulama, giliga dega sabo badu te Devitgo Taunba tagaligi pali. Tigidali sę dabe king Hesekiago yali sę dabe sese tama wiegi yai mu pedelali.

Te Israel me Juda Hani Sigo Tuni Bidigo Po Elalubo Buku Si 25:4

Tama te sogo te Babilon hanigo te masigigo nigai genuai obo banis te me badu pedai badu deli auluama, te Jerusalem taun tomoba augwali pai. Tialima, te king Sedekaia dali, te Jerusalemde bidibo ami soldia bidi dabe dali, augwaligo homugo wi painu, tama be hulide augwali te kingo giba pabo tųdu peyu, tama te augwaligo te taun tagalama, te obo banis si unulali nogo habu badu te elalubo tųdu augwali pai. Te umabo Babilon hani bidi dabe augwaligo te Jerusalem taun bulu bologobea sabo sę me elalubo suali, tiali goli te Jerusalem taun ami soldia bidi dabe augwali tama te Jerusalem taun tagalama, tama augwali te wę Jordan wę elalubo odogoba pabo tųdu wali pali.

Te Israel Tobolu Bidi Dabe 20:3

Tama te Benjamingo hani dabego te tiwai po wabo odali, te gasa Israel hani dabe te Mispaba sisinigi pali po walio. Tama te Israel dabego te Livai bidiba hanalu wali, “Nago dabolo pusao. Te dwai kolesaga mena tama pedelaliwe?”

Te Israel Tobolu Bidi Dabe 20:1

Te Israel bage tigidaligo te Livai bidigo wede po odama, tama augwali te deli hani tiwai naga aselama, tama augwali te Genuai Bidi gedude te Mispa buluba sisinagasali. Augwali te tǫ pedai tigidali badu te Dango tǫ pedai te not badu gagalasa asali, tama te saut te Berseba teba usu nigi pali, tama te Gileat tǫ pedai bage te giliga pedalubo badu augwali me asalio.

Nehemia 2:17

Tiali goli, megi da, eno te augwali sisinama, tama eno te po wali, “Dagego koneani, te Jerusalem obo sunumi te dolali elalubao, tama te taun tigidali badu me dolalio. Tama dago sęgę genuai mu elalubao. Tialima, megi da, dago te taun masigi obo ma niginao, tama te kolesagade dago te da dali posobo po wabo bidi dabego pedauwali paniaibao,” wali.

Nehemia 3:19

Tama Eser, te Jesuago ogwa, aga te Mispa taun tobolu bidi da. Tama aga dali, te gasa Livai dabego dali, te obo banis sę te Bavaigo hani bage sę ebo pąde te sę yai. Tama te obo dage te hwįbo doado bage mubo be pąde elaluai, tama pelama, te nogi augwaligo te Habu Sugunani wabo, te obo dage ponaniba usu nagasai dao.

Kolesaga Koneai Bidigo Pusali Po Elalubo Buku 2:6

Eno te dwasianu sigi ąį ge dabe nigilama, te ni du gi dabeba ąį sagaduabo nidigili palio.

2 Samuel 5:9

Tama nosali, Devit te Saionba bidigi pelama, tama te taunba te tiwai nogi mawai, Te Devitgo Taun da wali. Tama Devitgo te po wali, tama te sę bidi dabego te taun bagulama, be dabe sę yao po wai. Augwaligo te be dabe sę ebo gagalu, te tǫgo pągąnani bulu me deli odogode te be dabe sę yani.