Nehemia 12:10 - Godigo dwagi yai po buku

¹⁰ Josua te Joiakimgo aya, tama Joiakim te Eliasipgo aya, tama Eliasip te Joiadago aya dao.

Nehemia 12:10 Referans Kwoze

Nehemia 13:28

Joiada aga te polalubo pris Eliasipgo ogwa. Tiali goli, te Joiadago ogwa me deligo te gasa bulu tǫ pedai we me salio. Te we te Senbalatgo wegi dao. Tama eno te Joiadago ogwa sela sąnama, tama eno aga te Jerusalemba bidimainogo me ebeo.

Nehemia 13:7

Tama ena te Jerusalemba ma sabaligi pabo sogo, augwaligo enabolo te tiwai po wali, Eliasipgo te Tobiabolo te genuai be habu te Godigo tempel be obo tomode te mawai da po wali. Agai te yali kolesaga te dwai mu dao wai.

Nehemia 13:4

Pris Eliasipgo te dago Godigo tempel be doado bage mubo habu tonaluai, tama aga te Amon hani bidi Tobiago hai namu dao.

Nehemia 12:26

Tama te Livai dabe te polalubo pris Joiakim bidali sogo bidali, te Josuago ogwa, tama te wąį nǫų Jehosadak, me te polaluali gavman bidi Nehemia, me pris Esra bidali sogo, te Godigo bomai po page bugagia koneai bidi dao.

Nehemia 3:1

Tialima, tigidali bidigo te Jerusalem moni masigi obo ma geselebo sę gagalali. Polalubo pris Eliasip dali, te gasa pris dabe dali, augwaligo te obo dage me badu te augwaligo te Kibu Sipsipgo Sunumi nogi poali, te badu te obo nigibo sę yali. Augwaligo te sę silama, tama augwaligo te me badu obo dage sa muyu, te Godigo masigi obo mu da olama, te lotu po wai. Tama nosali augwaligo te sunumi palibo sunumi dabe muani, augwaligo te nogi te Kibu Sipsipgo Sunumi dao wali. Tama augwaligo te obo ugwanu holama nigali te usu nigulali, te Bidi Sese A Naga te 100 Tonalubo Bidi bobobage beba peyu nigali, tama te Hananelgo Tauaba usu nai, te bobobage be mu dao. Augwaligo silama, tama te Godigo obo da olama, te lotu po wali.

Nehemia 12:11

Tama Joiada te Jonatango aya, tama Jonatan te Jaduago aya dao.

Tuni Bidi Dabego Po Elalubo Buku Deli 24:11

Te namba 9 Jesuago hani da, te namba 10 te Sekanaiago hani dąį ilali,

Tuni Bidi Dabego Po Elalubo Buku Deli 24:12

te namba 11 te Eliasipgo hani, me namba 12 te Jakimgo hani dabe dąį ilali.

Nehemia 12:22

Te polalubo pris bidi Eliasip, me Joiada, me Jonatan, me Jadua bidali sogo, augwaligo te pris dabego tobolu bidi dabe nogi te buku me delide asęai. Augwaligo te tama tede asali te king Darius te Persia king pedelali sogoba usu nagasai. Tama augwaligo te Livai dabego tobolu bidi dabe nogi me asęani, tialima te bukude te Juda tǫ pedaide yali sę dabe po dodolama asęai. Tiali goli, augwaligo te tiwai ela asidubadi, te polalubo pris Jonatan bidali sogoba usu nagasai, te Eliasipgo wąį te ogwa, tama nosali augwaligo munu me asębeo.