Nehemia 12:1 - Godigo dwagi yai po buku

¹ Te hauwa pris me Livai augwaligo te Babilon tagalama, tama te Serubabel dali te Jerusalemba ma asali, te Sealtielgo ogwa, tama polalubo pris Josua me asai. Te pris dabego nogi te tiwai, Seraia, me Jeremaia, me Esra,

Nehemia 12:1 Referans Kwoze

Sekaraia 6:11

Tialima augwaligo nagebolo te mani te silva me gol selama, tama nago kingo hadi me deli geselao. Tama nago te hadi sela pelama, tama nago het pris Josuago toboluba buligi pao, te Jehosadakgo ogwa dao.

Hagai 2:2

Agai te Hagaibolo te po wali, “Nago te po te tobolu bidi Serubabel dali, te tobolu pris bidi Josua dali sibolo me, tede me bidalubo Juda we bidi dabebolo me e tama po augwalibolo hanalu wao,

Hagai 1:14

Tama te Genuai Bidi agai te bidi Serubabel dali, te Josua dali, te tigidali we bidi dali augwaligo homu hodolama, tama augwaligo agai be sę yainogo yali. Tama augwali aselama, te augwa Godigo be sę ebo sę gagalali, Genuai Bidi aga Tigidali Bomo Elalubo Bidi.

Hagai 1:12

Tama te bidi Serubabel dali, te tobolu bidi pris Josua dali me badu Juda hani we bidi dabe augwali si dali bidai, augwali tigidaligo te Genuai Bidi augwa Godigo e tama po obaso augwali wi yai, tama augwaligo te profet bidi Hagaigo po wabode wali pai, te profet bidi Hagai te Godigo te augwali pageba tagala palai bidi dao.

Hagai 1:1

Te bidi Darius aga te Persia bulude king bidi nigilama bidibo sogo, tama te 6 wabo polua, te dei delide, te agai kibu be si 2 yia wabode, Genuai Bidigo te tama po te profet bidi Hagaibolo te po wai. Agai te e tama po te bidi Serubabelbolo pusa momainu yai, aga te Juda hanigo tobolu bidi da, tama te tobolu pris bidi Josua agabolo me pusao wali. Te bidi Serubabel aga te Sealtielgo ogwa da. Tama te bidi Josua aga te Jehosadakgo ogwa da.

Nehemia 12:10

Josua te Joiakimgo aya, tama Joiakim te Eliasipgo aya, tama Eliasip te Joiadago aya dao.

Nehemia 7:7

Te augwali te Babilon tagalama ma asali sogo, te augwali odasa asiyu, te polasa asali bidi dabe nogi e tiwai, Serubabel, me Josua, Nehemia, Asaria, Ramia, Nahamani, Mordekai, me Bilsan, Misperet, Bikvai, Nehum, me Bana dao. Te Israel hani dabego nogi te augwali Jerusalemba me Juda Provinsba ma asai. Tama te bidi hani dabego bidi dabego namba e tiwai dao.

Esra 5:2

Serubabel, te Sealtielgo ogwa, me te Josua, te Jehosadakgo ogwago, te profet sigo ebo sę po odolama, teda augwali sigo te bidi dabe selama, tama augwa te Godigo tempel be Jerusalemde ma sę ebo gagalali, tama te profet sigo augwali tau salio.

Esra 4:2

Tama tialima, augwali pelama, te Serubabel me tobolu bidi dabe te Israel deli deli hani bage sugi pelama, tama augwaligo te po wai, “Da te dage dali te Godigo be sę yagasomainu ilao,” po wali. “Dago me te dagego Godiba lotu wabo dao,” po wali. “Tama te Asiria tǫ king bidi Esarhadongo da te e bulu tǫ pedaiba tagala palama bidagasali, te megi e sogoba usu nagasobao, dago te Godiba ofa ebo dao,” po wali.

Esra 3:8

Tama tialima, te polua 2 mun, te si wabo kibu bede te nosali augwali te Jerusalemba ma aselama, augwaligo te Godigo tempel be sę ebo ma gagalali. Te tobolu bidi Serubabel, me pris Josua, tama augwa si abagi dabe tigidali, te augwali pris, me Livai, tama tigidali bidi augwali te Jerusalemba ma aselama, augwaligo te sę hodolama yali. Tama augwaligo te Livai hani bidi dabe te kibu be bidi sese deli, te 20 yia yali bidigo te sę tonalubo bidi nigilali.

Esra 3:2

Tama Josua, te Jehosadakgo ogwa, tama gasa pris dabe me, te Serubabel, te Sealtielgo ogwa, te aga deli kaneme bage me, augwaligo te Israel dabe augwa Godigo alta ma nigali. Augwa te daiba ugwadu munama te siago tigidali dabo nai muabo nai nigai. Augwa te tama tiali te bomai po me deli wali peyu, Moses te Godigo sę bidigo te bomai po wabo bukude asęai dao.

Nehemia 11:36

Tama te tobolu bidi dabego te Juda dabe dali bidibo Livai dabeba te po waliyu, te mebago augwa bidibo page bulu tagalama, te Benjamingo hani dali bidigi piąo wali, tama meba teba bidigi palio.

Nehemia 12:2

me Amaria, me Maluk, me Hatus,