Nehemia 1:11 - Godigo dwagi yai po buku

¹¹ Tama da tigidali Israelgo te nageba wiegi yai homu pemene elama, tama nago nogi ugwaba sobao. Tama eno homugo megi nago te tigidali Israelgo gedu haluasa po wabo odomainu homu ebao. Tama me te nago megi eno e gedu haluasa po wabo me odao homu ebao. Tama eno te king sugi pabo si da, teda nago digi te kingo ena homu dene emainu ilama, tama agai ena tau somainu yao.” Eno te gedu haluasa po te ena kingo sę bidi bidali sogo wali. Eno sę te kingo wain ąį tonalubo sę yali, tama te wain wę sela pelama, te kingo tumainu magi pabo sę yai dao.

Nehemia 1:11 Referans Kwoze

Nehemia 1:6

Genuai Bidi, te giligade me hulide eno nageba hanalu, te Israel dabe tau sao obao, te augwali nago sę bidi me sę ebo we dabe dao. Tama tialima, eno homugo nago eno te gedu haluasa po wabo te bugagia odao. Eno te tiwai hania hanilama mu obao, ena dali, te eno wąį dabe dali, dago te dwai sęgę salio. Tama dago naga te sęgę me ebeo. Menio. Te Israel we bidi tigidaligo te sęgę sela silai dao.

Nehemia 2:8

Tama eno kingba te Asapba te pas me deli asęa mao po hanalu wai, te bidigo te kingo ni sili elalubo tǫ tonaluai. Te pasgo agabolo te po waliyu, te pedabo ni nami meba enabolo mao wabo po pas asęani. Te ni nami dabego te Jerusalem moni masigi obode sunumi dabe nigiyu, te ami bidi dabego te Godigo tempel be tonalu bidabo bomai be obo sunumi, te me nigabo ni nami sao po wabo pas asęai, tama eno be sę yabo ni nami me dao. Tama God ena dali bidiyu, tama ena tau sai, tama tialima, kingo eno te hanalu wali nai dabede te usu da po walio.

Nehemia 2:1

Te polua me si me si bidama, tama me sogo side deli te king Artaserksis te nai tudubadi, tama eno wain agaba sesali. Tigidali sogo eno te sę iduali te bugai haliga elama, te eno gesabidi wiegi yai pisigina pelama te sę iduali. Tiali goli, te sogode digi eno haliga sęgę mu elama, tama eno gesabidi te wiegi yai me pisigina pabeo.

Hibru 13:18

Dagego gedu haluasa po Godigo da tau somainogo weduao. Dago homugo koneani, te da God gedude dolo bidibao. Tama da tigidali sęde dolo bilabo homu ebo dao.

Bugagia Bidibo Kolesagade Po Asęai Buku 21:1

Genuai Bidigo te kingo homu kolesaga dodolobaso, tama kingo te Genuai Bidigo homu wali peyu, te ąį te ąį gamiadu wali pabo tiwai ebo dao.

Godigo Nogi Ugwaba Sabo Tęąbi Po Wabo Buku Dabe 130:2

Genuai Bidi, eno gela wabo odao. Te nago ena tau sao olama, te eno nageba i wabo odao.

Esra 7:6

Esrago te bomai po Godigo te Israelgo Genuai Bidigo polobadu te Mosesgo nogoba mani bomai po te bugagia koneai. Te sesemane sogo Godigo Esraba wiegi yai sę bugagia yali, tama te Esrago kingba te magi nai me deli maiabo po hanalu obaso da, teda te kingo aga mawai. Te kibu be te 7 yia te Artaserksis te king bidali sogo, tialima Esrago te Babilon tagalama, te Israel we bidi dabe meba dali te Jerusalemba palio. Te hani tomode te pris dabe me, Livai dabe me, te musik wabo bidi dabe me, te tempel be sunumide polobadu tonaluali bidi hani dabe me, te Godigo bede sę ebo bidi dabe, te tama hani bidi elaluai.

Godigo Nogi Ugwaba Sabo Tęąbi Po Wabo Buku Dabe 86:6

Genuai Bidi, nago eno gedu haluasa po wabo bugagia odao. Eno nageba i wabo, te nago ena dali homu dene eyu, tau somainu wali. Eno i wabo odao.

Esra 1:1

Te hasia kibu be tede te bidi Sairus te Persia kantri tǫ pedaide king bidali sogo, God Genuai Bidigo aga homu hodolama, tama agai po me deli walio. Agai te po asęnama, tama agai te tonalubo tǫ pedai tigidaliba tolali. Tama te po sela pabo bidi dabe augwaligo te we bidi dabeba nedemainu yalio. Te sę pedelali, te Genuai Bidigo te polobadu bidali profet bidi Jeremaiabolo po menama, tama Jeremaiago te Israel dabeba pusali po me deli te poba usu nanio.

Tigidali Nai Gagalama Nigali Side 40:21

Agai te wain sę tonalubo tobolu bidi te aga sęba ma tagala palali.

Tigidali Nai Gagalama Nigali Side 40:23

Tiali goli, te wain sę tonalubo bidigo te Josep homugo kone me ebeo. Agai homugo te aga homu dene mu gegeda palali.

Tigidali Nai Gagalama Nigali Side 41:9

Nosali te wain tonalubo tobolu bidigo Ferobolo te po wali, “Te megi e sogo tama te eno dwai sę yali po me pusubao.

Tigidali Nai Gagalama Nigali Side 32:11

Eno nageba gedu haluasa po obao, nago ena tau selama, te eno ama Isogo bomo aiyaba tamunao. Magi baso meni, ena wi ebo, tiyu agai da dali wąbi hwįagasiyu, tama da tigidali silama, te we wai dabe dali silaibao.

Bugagia Bidibo Kolesagade Po Asęai Buku 1:29

Dagego te wiegi yai homu kolesaga sabo homu te wei me isiąma, tama dagego te Genuai Bidi dologode bidabo homu me ebeo.

Tigidali Nai Gagalama Nigali Side 43:14

Eno gedu haluasa te tiwai, te Tigidali Bomo Elalubo Godigo te bidigo homu begelibaso, te agai dage homu dene yaibao. Tama eno homugo agai te duga gasa ama Simeon me, te Benjamin badi, te si dagebolo ma mawaibao. Te eno ogomani tagalu da, eno bomogo te sę hasegelainu ebo te usu me egobeo,” Israelgo te po wai.

Tigidali Nai Gagalama Nigali Side 32:28

Tialima, te bidigo te po wai, “Megi da, nago nogi te Jekop ma wagobeo. Nago te God dali hwįani, tama bidi dali me hwįai, tama nago nogi ugwaba sali. Tialima, nago gesi nogi te Israel dao.”

Tigidali Nai Gagalama Nigali Side 40:2

Fero te sę tonalubo bidi si dali sębę elama,

Tigidali Nai Gagalama Nigali Side 24:42

“Megi e tama side, te bubugade ena te wę ulu elalubo madi pedelama, dolaludu, tama eno te tiwai gedu haluasa po oduali, ‘Yawe, te eno genuai bidi Abrahamgo God, nago eno sę te wiegi yai ilao,’ po wali.

Tigidali Nai Gagalama Nigali Side 40:1

Tama bidali sogo dwasianu sesabi gana elama, tama te bomai ąį wain tonalubo tobolu bidi, me te bret nigibo be tonalubo tobolu bidi, augwali sigo te Isip tuni bidi Fero dali dwai sę me deli yali, aga te augwali sigo genuai bidi dao.

Tuni Bidi Dabego Po Elalubo Buku Si 6:40

“O eno God, eno homugo tigidali sogo nage pąde tede bidiyu, tama nago dago gedu haluasa po wabo wei ponainogo nage pąde bididuao, te nago be elalubo madi.

Godigo Nogi Ugwaba Sabo Tęąbi Po Wabo Buku Dabe 61:5

God, te tigidali naide eno nageba te po dąų walali, te nago odalio. Tama nago te nai dabe enabolo mawai, te nago nogi ugwaba sabo we bidi augwaliba mabo tiwai gilama yalio.

Godigo Nogi Ugwaba Sabo Tęąbi Po Wabo Buku Dabe 106:46

Agai te Israel dabe kalabus yali boi bidi dabego homu hodolobaso, tama augwaligo te Israel dabe homu dene yalio.

Jeremaia 42:12

Eno olo mu tau sabo wiegi yai homu kolesaga dageba eyu, te eno digi agai me dageba te olo tau sabo wiegi yai homu ebo kolesaga emainogo yaibao. Tama agai dage te duga page buluba pomainogo tagala palaibao,’ Genuai Bidigo te po wai,” Jeremaiago te po wai.

Malakai 3:16

Nosali te Genuai Bidi dologode bidama agai po odali we bidi dabe, augwa haside digi po miani, tama Genuai Bidigo augwaligo mibo po odalio. Tama Genuai Bidigo te po wai, tama te dagalude augwaligo te we bidigo nogi asęai elalubo buku me deli nigali, tede te Genuai Bidi dologode elalu, te agaba homu begi pai we bidi dabego nogi elaluali.