Nahum 3:9 - Godigo dwagi yai po buku

⁹ Tebesgo te bulu tǫ kantri Isip me Itiopia tonaluali, te gasa bulu tǫ kantri me deligo agai bomo aiyaba me elalubeo. Te tǫ kantri Libiago te agaba hwįbode kisa selama, hai namu wai elaluali.

Nahum 3:9 Referans Kwoze

Esekiel 30:5

“Tama te hwįbode me Isip amigo abelali bage, te Sudan hani ami bidi hauwa, me Lidia, me Libia, me Kup, me gasa hani bidi me, augwali te hwįbode te Isip bage dali isaibao,” wali.

Esekiel 27:10

Te tǫ kantri Persia, me Lidia, me Libia bulu bidi hani dabe, augwali te nago ami bidi dabe bidali. Tama augwaligo te hwįbo sabele dabe, me tobolude mubo kapago nigai madi dabe me, te nago taun bagulali obode walali. Te hani dabe augwaligo te boi hwįnama, nage tau sabo sę eyu, te nago genuai nogi somainu yai dao.

Esekiel 38:5

Te kantri hauwago ami bidi geninama nage dali bidiba. Te kantri Persia, me kantri Sudan, me Libia ami bidi dabe nage dali te bidibao. Tama augwali sesego te hwįabo kapa madi gudiyu, me hwįabo ni nami sabele toliyu yaibao.

Jeremaia 46:9

Dage eno hos dabe, dage udayao. Dage eno karis dabe, dage umagia mu udayao. Dage eno bomai ami bidi dabe, dage te tǫ kantri Sudan me Libia ami dabe, dage te hwįbo sabele tolasa pabo bidi dabe, dage Lidia ami dabego, dage te enesigigo enebo koneai bidi, dage tigidali te boi hwįgi pao,” te po wai.

Aisaia 20:5

Te Filistia we bidi dabego te Sudan dabego augwali hwįbode tau siyu, me te augwaligo genuai nogi ugwaba sabo Isip dabe, te augwaligo te sę sulama, tama augwali noma selama, tama augwali homu dwai yaibao.

Tuni Bidi Dabego Po Elalubo Buku Si 12:3

King Sisak aga geninama ami bidi dabe dali mu asali, te bidigo nedabo usu meni yai. Tama me agai 1,200 hwįbo karis elaluali, me 60,000 ami te hosde dualama hwįabo ami dao. Te ami bidi dabe te kantri Isip bidi, meba te kantri Libia, me kantri Suki bidi, meba te kantri Sudan ami bidi dabe dao.

Tigidali Nai Gagalama Nigali Side 10:6

Te e da te Hamgo ogwa dabe dao, Kus, Isip, Put, me Kenan, te tama.

Tuni Bidi Dabego Po Elalubo Buku Deli 1:8

Hamgo ogwa dabe nogi e tama dao, Kus, me Misraim, me Put, me Kenan. Kus agade bulali wąį nǫų dabe Sudan, te Misraim agade bulali wąį nǫų te Isip dabe dao, te Put agade bulali wąį nǫų te Libia dao, te Kenan agade bulali wąį nǫų te Kenan hani dabe dao.

Tuni Bidi Dabego Po Elalubo Buku Si 16:8

Nago koneani, polobadu te kantri Sudan me kantri Libia ami sigo nage dali boi hwįagasai dao. Augwaligo ami sibi hauwa mu elaluyu, me augwaligo karis hauwa elaluyu, me augwaligo ami hani hauwa te hosde dualama boi hwįyu yai dao. Tiali goli te sogo nago Genuai Bidiba homu dąų olama, tama nago agabolo nage tau sao po hanalu wai dao. Tama Genuai Bidigo nagebolo bomo menama, tama nago augwali aiyaba elaluai dao.

Esekiel 31:2

“Tǫde bidio, eno homugo nago eno po te Isip king bidi dali, aga we bidi dabe dali, augwalibolo eno po pusumainu ebao. Te po da, e dao, ‘Dage Isip dabe, dage bomai bidi hani mu dao. De mu dagego elalubo bomai bomo tiwai elalubowe?

Daniel 11:43

Agai te gol, me silva, me te gasa wiegi yai doado bage dabe te Isip dabego genuai monego abelibo nai dabe saibao. Tama te bulu tǫ kantri Libia me Itiopia sigo te aga tau saibao.

Esekiel 29:7

Te augwaligo nage nogo tola selama, bilainogo ebode da, nage te sigi dili tiwai bomo togwa pelama, bidigo punali badu enebo tiwai yali. Augwaligo nage dąų olama touwali, tiali goli nage togwa pali, tama augwali tula munama, augwaligo tudi dolali. Tiyu, nago augwali tau sabeo.