Nahum 3:1 - Godigo dwagi yai po buku

¹ Hobede ya! Te Ninive we bidi dabego tibo po umabo mu weyu, te bidi dabe hauwa mu ela muani. Te augwaligo te gasa hanigo wiegi yai nai doado bage hauwa bomonama selama, te Ninive taun pągąnai. Tama tialima te Godigo augwali tigidali dolaibao wai.

Nahum 3:1 Referans Kwoze

Habakuk 2:12

Dage te we bidi hauwa ela muani bidi dabe, dagego te augwaligo sę dene mu ilaligo te duga taun bomai taun dolalumai da homu yali, te dage me dolaibao. Dagego te duga taun dąų walabo homu elama, tama dagego dwai kolesaga haniani yai dao.

Hosea 4:2

Augwaligo te po dąų wali, tiali goli augwaligo wali me pisąwai. Augwaligo tibo po olama, tama bidi ela muyu, te nai doado bage wi siyu, tama penani eyu ebo dao, tama augwa te bidi ela mubo sę ela pabo dao. Tama te dwai kolesaga te genuai mu pedelama,

Aisaia 42:24

Dego mu te sę yao po obaso, te boi bidi dabe aselama, te da Israel dabego nai dolama, wi sagasaliwe? Dego mu te da Jekopgo hani bage te augwaligo nogoba muaniwe? Te Genuai Bidigo naga dao. Magi baso meni, dago aga tudiba munama, te dwai sęgę sabo sę yai. Dago te agai wei homu ebo kolesagade dolo bilisąma, tama dago agai bomo yai po sela sąwai.

Aisaia 17:14

Polo tama te boi bidi dabego te bulu pio bagua sagasobo si da, te we bidi dabe wi dwai mu ebo dao. Tiali goli, kigamu da, boi bidi dabe menia saibao. Tama te tobage kolesagago Godigo te boi bidi dabego da dolama, dago nai dabe wi sela pai badi te sunumi palibo dao.

Aisaia 24:9

Augwaligo te wain wę tubo sogo augwaligo te tęąbi po me wabeo. Augwa sęgęgo yali sęde augwaligo te wain augwaligo tubode augwaligo pedauwalide pusu me ebeo, te ha ebao.

Godigo Nogi Ugwaba Sabo Tęąbi Po Wabo Buku Dabe 62:10

Tama tibaso, dagego te tama homu igimio, “Te hwįbo kolesaga me, te nai dabe wi sabo kolesaga me, te wiegi yai kolesaga da weyu, tama da te mone bidi pedalubaso, te usu yaiba,” homu me igio. Ma, te dagego mone me doado bage te hauwa pedalubaso da, teda dagego te nai dabeba naga duga homu mugio. Te usu egobeo.

Nahum 2:13

Tigidali Bomo Elalubo Genuai Bidigo te Ninive dabeba te tiwai po wali, “Ena digi ena dagego boi bidi dao,” wali. “Te eno dagego karis dabe tigidali siago ulaibao,” wali. “Te dagego ami bidi dabe te hwįbaso isaibao. Te dagego gasa bagego nai sali tigidali te ena ma saibao,” wai. “Te gasa bulu tǫ kantri we bidi dabego te dagego po sela pelama, augwaliba wagi pomainu tagala palali bidi dabego pedauwalidu wabo po te augwaligo me odogobeo,” te po wai.