Nahum 2:10 - Godigo dwagi yai po buku

¹⁰ Te taun Ninive mu dolalio, te bidi dabego tagalama wi tedela pali. Tama taun te pobele bage yai olo tǫ mu elaluai. Te we bidi dabe wi dwai mu elama, te augwali nogo sągą didibili ebao. Augwa bomo kimi te isalio, tama augwa gedu te tedela dwai mu yai dao.

Nahum 2:10 Referans Kwoze

Godigo Nogi Ugwaba Sabo Tęąbi Po Wabo Buku Dabe 22:14

Eno bomo tigidali silalio, augwa te tǫba wę gelama, te soa sabo tiwai gilama yai. Te dili ununani tigidali te guda pai. Eno homu te mu nagamea pali, te posolo yai ili wę pedalubo tiwai yali.

Joel 2:6

Te augwali pąba asobo sogo, tigidali tǫde bidibo we bidi hani wi dwai mu elama, te augwali bomo mu menia sai dao.

Daniel 5:6

King te wi mu yali, tama aga gesabidi te hasegelama, tedela yai pedelali, tama aga bomo me silali, tama aga tigi dili dabe te mumunu eyu, didibili yalio.

Jeremaia 30:6

Magi basowe? Te bidi dabego wai ame nabo dawe? Tialima, magi baso eno suali tigidali bidigo augwa haligaba nogo mubawe? Augwaligo te tama tebo te wego wai ame nainogo dene genuai ebaso ebo tiwai ebao. Magi baso augwaligo gesabidi te gasagi yai tedali dwai mu pedaliyu, te bidigo wi umabo ebo tiwai ebawe?

Aisaia 24:1

Genuai Bidigo tǫ mu dolama, tama tǫ olo mu elaluaibao. Agai te tǫ agalama, tama tǫ bebegelama, tama te tǫ gasagi yai mu pedalaibao. Tama agai te we bidi dabe subigila wi tedela pomainu yaibao.

Aisaia 21:3

Te nade suali naigo ena wi ilama, didibili ilali. Tama eno tigide dene genuai me yali, te we sibigo wai sainu dene ebo tiwai yali. Eno wi mu elama, eno homu mu doali. Tama eno magi nai me suyu, me po me odoyu yabo homu me ebe.

Sefanaia 3:6

Genuai Bidigo e tama po obao, “Eno meba kantri dabe mu silama, te Juda hani isąwai bage, tama augwaligo genuai taun dabe dolama tagalai dao. Tama te bomai obo dabe me, be dabe me, te boi bidi tonaluyu no munalubo te sigide elalubo be dabe dolama, tagalai elalubao. Tama te bidi dabe augwali te taun sunumidu tomodu bidi dabe me bilibeo. Magi baso meni. Bidi deli me bidisąma ebaso.

Nahum 3:7

Tigidaligo nage subaso, te habu bulu kilasa paibao. Augwa te po waibao, ‘Suao! Ninive dolalio. Te bidi me deligo agade homu dene mu egobeo. Te bidi me deligo aga tau sabo wiegi yai po wabo homu me egobeo,’ augwaligo te po waibao,” Genuai Bidigo te po wai dao.

Jeremaia 51:62

“Tama nago e tiwai gedu haluasa po wao, ‘Genuai Bidio, nago te po wai dao, nago te tǫ kantri dolama, te bidi me deli, ma te hasa me bidigobeo. Te sesemane sogo te bulu olo elaludaibao, nago te po wali,’ tama wao.

Aisaia 14:23

Te eno te Babilon eno te hogomu poabo naigo poabo tiwai yaibao, te tigidali nai dola silibo hogomu poabo nai dao. Tama eno te Babilon sele pu bulu nigilaibao. Tama te dwai ba dabe naga bidagasaibao. Ena Tigidali Bomo Elalubo Genuai Bidi, eno po polo walio,” wali.

Josua 2:11

Dago te po odolama, tama da dagede wi mu ebao. Tama megi, da tigidali bomo menio. Magi baso meni, God, dagego Genuai Bidi, aga te dagalu de tǫ sigo God dao.

Tigidali Nai Gagalama Nigali Side 1:2

Te olo elaluyu, te gasagi yai tedali elaluali. Tama te megi te tǫde bidibo nai dabe augwali te sogo meni yai yai. Tama te be hulia saligo te genuai wę halua sai elalubadi, tama Godigo Mobo Bidi te daidu iba peyu, eda asu yai.

Josua 7:5

Augwaligo te Israel dabe te hanu tomoba pabo te genuai sunumidu pobeasa pelama, te masigi pepedebo buluba usu nigi pai. Tama augwaligo te bulu duba aiya dulubo te sunumide te bidi te 36 tama bidi usu nama elai. Tama te Israel dabe augwali wi mu elama, tama bomo elama me dolalubeo.

Jeremaia 8:21

Ena Jeremaia, eno suali, ena hani dabe dolali, tibaso eno homu dwalio. Eno haliga sęgę dwai mu elama, te eno gela umagia mu wai dao.

Jeremaia 49:23

Genuai Bidigo te kantri tǫ Damaskusde po elalubao. Agai te tiwai po wali, “Te taun Damaskus taun si Hamat me Arpat we bidi augwaligo te dwai nai augwaliba pedelabo po odama, te augwali midigi dwai mu yalio. Augwali wi ebaso, te bugagia me dugulalubeo. Augwali te tiwai te nambisde genuai ąį dini asu, te bugagia bidisąbo tiwai ebo dao.

Esekiel 21:7

Te augwaligo nage hanalu magi baso nago te tiwai hwąwa obawe po obaso da, teda nago augwaliba te tiwai po walao, ‘Genuai sęgę mu pedelainu ebaso, te ena hwąwa obao,’ po wao. ‘Te sogo dage wi dwai mu eyu, te dagego sągą didibili elama, te dage bomo mu meni yaibao. Te dwai sogo megi da pedelainu ebao. Te Genuai Bidi Godigo po dao.’ Nago augwalibolo te po wao,” wali.

Esekiel 31:15

“‘Ena God Genuai Bidi, eno te po obao. Tama te ni isilama, tama te isai bidigo buluba polo pai digi da, te da eno te tǫ dologode wę dabego aga hobede emainu ilama, tama aga mesega somainu yaibao, tama eno te wę dabe paliama, tama augwali ugwaba tǫba ma holomainu egobeo. Tama tiyu, te ąį dabe hauwa sula siyu yai dao. Tama eno te Lebanon bulu du dabede be hulia siyu emainu yali. Tama meba gasa ni dabego te nide hobede elama, tama augwali me sasia pai dao.