Nahum 1:2 - Godigo dwagi yai po buku

² Genuai Bidi naga te God dao, te agai te gasa god aga tiwai pedalumainu me egobeo. Te agai po sela sąbo bidi dabe agai koneanio. Genuai Bidigo te haliga sębę augwaliba eyu, te dwai dene augwaliba mu mabo dao.

Nahum 1:2 Referans Kwoze

Sekaraia 8:2

Godigo te po wali, “Eno te Jerusalem dabe godolo mu ebaso, tama eno augwali tau sabo homu ebao. Eno augwali godolo mu elama, te augwaligo boi bidi dabede eno haliga sębę ebo dao.

Ma Dobola Sali 20:5

Nago te tibo godiba, me te noma bidiba kidu sugunama, lotu me wagimio, magi basowe, ena Genuai Bidi Yawe te ena nago God, tama ena te tibo godigo hasegelemainogo ebo usu me egobeo. Mu menio. Tede eno hagela homu mu ebo dao. Tama ena hagela mu homu ebo we bidi dabe, augwaligo te naide magi sę yai elalubaso, te eno augwali dene iliyu, tama augwaligo wai hani sela, me me si me si nosali pedelabo hani, augwalibolo me te mabo dene tiwai ilaibao.

Godigo Nogi Ugwaba Sabo Tęąbi Po Wabo Buku Dabe 94:1

Genuai Bidi, nage da te dwai sę ebo we bidi augwaliba wei ponobo God dao. Megi nago sębę ebo augwaligo sumainogo waselao.

Ma Dobola Sali 34:14

“Ena Genuai Bidi, tama dagego ena deliba naga lotu po wao. Dagego te tibo godiba lotu po me wagimio. Magi baso meni, te tibo god me deligo ena bidibo hasegelainogo ebaso, te eno aga me gogologobeo. Tede ena sębę mu yaibao.

Josua 24:19

Tialima, Josuago augwalibolo te po wei ponani, “Te dagego homugo te Genuai Bidiba lotu po wabo homu ebawe? Aga te magi dwai sę isiąma, tama agai homugo te dagego tibo godiba lotu wabo hagela homu ebao. Agai homu te tibo god me deligo aga me hasegelegobeo. Te agai dagego sęgę me dwai sę yali te me sela sągobeo.

Hibru 10:30

Dago koneani, te Godigo me sogo po weyu te po wai, “Te dwai kolesaga wei ponobo sę, te eno yabo sę dao. Ena digi eno te dwai dene sabo te wei ponaibao.” Tama dago koneani, agai po ma wai, “Genuai Bidi aga digi aga we bidi augwali te po tų ebode dagalaibao,” te po wai dao.

Aisaia 42:13

Genuai Bidi te bomai ami bidi tiwai elalu, te megi agai hwįgi painu paibao. Agai te po dagą genuai olama, i weyu, te ami dabego ebo kolesaga tiwai te aga haliga sębę hodolama, te hwįabo sisi elalubo tiwai yaibao. Te agai aga boi bidi dabe dali hwįnama, te augwali aiyaba mu elaluaibao.

Bomai Po 4:24

Dagego te tama tilamuo. Magi baso meni, God dago Genuai Bidi, aga deli naga te God mu dao. Tama agai dage te gasa tibo godiba me lotu omainu sula tagalogobeo. God aga da, te posolai isi tiwai mu dao, tama agai aga boi bidi dabe ulama daibao,” wali.

2 Pita 2:9

Tama te polobadu yali sę pode dago koneai, Godigo te we bidigo ebo dwai sę wei ponobo konealigo da, teda e me dago koneani, te God wali pabo we bidi augwalibolo te usu sabo sę pedalobaso da, teda Genuai Bidigo augwali te sęde ma dobola sainogo koneama tama tiaibao. Tama agai te dwai bidi dabego ebo kolesaga me koneyu, tama te dwai dene wei augwaliba ponobo, te me agai konebao. Tama koneyu, agai te po tų yabo sogo tonalubadi augwali dene mabo dao.

Polgo Po Pas Rom Dabeba Asęani 12:19

Eno abagi dede muo, te augwaligo dwai sę dagebolo ebo te duga digi wei munu me ponamuo. Te menio. Dagego te Godigo sębę ebo sę augwalide emainogo sula tagaliąo. Magi baso meni, te Godigo po bukude agai te po wai, “Te dwai sę wei ponobo kolesaga da, te eno sę dao. Ena digi te eno dwai dene wei augwalibolo ponaibao, Genuai Bidigo te po wai.”

Maika 5:15

“Te eno haliga sębę mu elama, tama te eno po sela sąbo haniani we bidi hanigo te hagoma ebo kolesaga eno wei ponaibao,” po wai dao.

Joel 2:18

Tialima, augwali homu begelibaso, te Genuai Bidigo aga tǫde homu hauwa elama, tama agai te aga we bidi dabeba te olo mu tau sabo wiegi yai homu kolesaga eyu, tau sai dao.

Esekiel 39:25

“Ena God Genuai Bidi, eno te po obao, eno te Israel dabe dene polo mawai dao. Tama tialima, eno megi augwali ma homu dene ma yaibao. Tama bidi mego eno genuai nogi aiyaba elalubo usu me egobeo.

Esekiel 6:12

Te tigidali isimainu yaibao. Te boi bidi dabego augwali ela muagasaibao. Tiali goli, te me badu digibulu bidali da, augwali te gasi selama isaibao. Te we bidi me badu bidalubadi yai baso da, te augwali me te nai mu sǫą pelama, te nasi elama isaibao. Te tebo kolesaga ebogo te eno haliga sębę yali mu usu naibao.

Aisaia 51:20

Te nago we bidi dabego bomo meni yai, te augwa gedu gęǫ page elama, te augwa degasa dulama, te augwali tigidali sunumi bagude pila muna muna palio. Augwali te hasa bade tuali tiwai elaluali. Augwa te magi sę yabo usu me ebeo. God, Genuai Bidigo te augwaliba wado po olama, te aga haliga sębę ebo kabude te ąį tumainu ilali, te augwali dodolo pelama, elaluai dao.

Aisaia 51:17

Jerusalem, nage hogodao. Nage hogodama, bomonama ma dolugulao. Genuai Bidigo haliga sębę te wain ąį me deli te nageba mani tiwai ebao. Te agai nago te ąį tulama, silainu ebo tiwai yali. Te naga gęǫ page mu elama, umuna palali dao.

Jopgo Po Asęani Elalubo Buku 20:23

“Te nai dabe hauwa sabo homu yali bidi dabe da, teda Godigo augwaligo nai hauwa mu somainu sula tagalaibao. Tiali goli, te sabo homu ebo nai dabe dao, te dwagi yai nai dabe meni. Menio. Godigo te bage dali sębę genuai mu eyu, tama agai haniani sęgę augwalibolo menama, tama augwali mu pągąna paibao.

Pris Sę Ebo Bomai Po 26:28

teda eno haliga sębę dwai mu eyu, te eno dagego dwai sę ebo umagia mu wei ponodu, te dageba dwai dene mu madubadi geaibao,” wali.

Polgo Po Pas Rom Dabeba Asęani 13:4

Tama aga dali wi ebo page elalugobeo. Magi baso meni, aga te Godigo sę bidi te agai nage tau siyu, tama nage bugagia bidaibao. Tiali goli, nago dwai kolesaga ebaso da, teda nage aga wi yao. Nago koneani, te gavman enesigi bidi agai te poa pai genuai hwą ge tolalubo, tama agai te olo me tolalubo menio. Te gavman genuai bidi aga da te Godigo sę bidi, tama te dwai kolesaga ebo bidibolo te Godigo nogide te wei ponama dene mabo dao.

Sekaraia 1:14

Tama te ensel bidigo enabolo Tigidali Bomo Elalubo Genuai Bidigo po te pusa mao po wali. Godigo te po wali, “Eno genuai homu dene mu te Jerusalem we bidi dabeba ebao, te eno genuai taun dao, tama eno augwaliba homu kone kone hauwa mu ebao.

Maika 7:18

Genuai Bidi, te god me deli nage tiwai me menio. Nago te naga we bidi dabe, te augwali kalabus igi peyu, meba ma asali bage, te augwaligo sęgę nago sela sądubadi gebao. Nago wado po wabo homu sębę te sesemane me elaludubeo. Menio. Sesemane sogo nago wiegi yai pemene eyu, te da godolo mu eyu, tau sabo dao.

Esekiel 38:18

“Ena God Genuai Bidi, eno te po obao. Te king Gokgo te Israel dabego tǫba aselama, hwįagasobo si, teda eno te Gok dali, te aga dali asali bage dali, augwali dali sębę dwai mu yaibao.

Esekiel 36:6

Tama tialima, tǫde bidi, nago eno e tama po pusa mao. “Dage te Israel tǫde elalubo bulu du dabe, me odogo malu bulu dabe, dagego odiąo. Ena God Genuai Bidi, eno te meba gasa kantri dabe dali sębę dwai mu ebao. Magi baso meni, augwaligo dage dali hale yabo po wai dao.

Esekiel 8:18

Tibaso, eno augwaliba dwai dene umagia mabo sę eyu, te eno haliga sębę yaliba usu naibao. Te eno augwali bugagia bidimainu me sula tagalogobeo. Te eno olo mu tau sabo wiegi yai kolesaga te augwaliba me egobeo. Te eno augwali tau somainu i bomonama obadi goli, tialima eno te augwaligo gedu haluasa po wabo me odogobeo,” te po wai dao.

Esekiel 5:13

Te tama tebo kolesagade te eno sębę genuai eyu, te haliga sębę yali kolesaga silaibao. Te tigidali sę pedalubo sogo da, teda dagego eno te wali po homude kone palagasu, te dagego koneaibao, ena Genuai Bidi, te tibo god me deligo ena hasegelemainogo me ebo menio.

Te We Bidi Dabego Jerusalem Hagede Gela Wali 4:11

Genuai Bidigo te Saion dali haliga sębę dwai mu yalio. Tama tibaso, agai aga dene genuai mu manio, bidigo ąį te tǫba gelebo tiwai yali. Te agai te Saion isi tulama, tama te taun sese dela silibo tiwai yalio.

Jeremaia 36:7

Genuai Bidigo wado eyu, haliga sębę umabo mu te we bidi dabeba ebao, tama agai dene mabo sę augwaliba yaiba wali. Tialima, te we bidi deli deli augwa te dwai sę ebo kolesaga tagalaiba homu eyu, te Genuai Bidiba gedu haluasa po obaso da, teda agai augwaligo gedu haluasa po wabo odaibao,” wali.

Jeremaia 25:15

Genuai Bidi, Israelgo God, agai enabolo te tamapo wali, “Jeremaia, te eno tolalubo kap waingo, te enohaliga sębę usu sai elalubao. Te kap selama, te nageeno te tigidali tǫde bidibo we bidi hani hauwaba tagalapalama, nago augwali te kapde ąį tumainogo ilagameo.

Jeremaia 3:5

‘Te nago enaba sesemane haliga sębę elaluduabo homu igio. Te nago wado ebo te silao homu ebao.’ Israel, nago tama tiwai po wali, tiali goli, nago te tobage dwai kolesaga dabe idu, te nago homude ebo kolesaga simanigi pabo dao,” wali.

Aisaia 66:15

Te dagego Genuai Bidi te sia dali asobo sueibao, te aga karisde dugulama, bomonama, umagia mu udayu, te bomai wali asobo tiwai yaibao. Te aga haliga sębę ebo siago te aga boi bidi dabe ulama, te augwali mu silaibao.

Bomai Po 7:10

Tiali goli, we bidigo aga godolo isąma yali we bidi, agai polo tama dene dolo mu mawaibao.

Jeremaia 28:8

Te polobadu digi gagalasa, te megi e sogoba usu nagasobao, te da i badu elalubadi, te polasa pedelali profet dabe, augwaligo te tiwai po wai, te hwįnama dolobo sę genuai me, dwai gasi me, te we bidi hani hauwaba pedelama, te genuai tǫ kantri dabeba me pedelaibao wali.

Esekiel 38:19

Tama eno sębę genuai mu pedelaibao, te posolai sia dabo tiwai yaibao. Tama Gokgo te Israel dabe dali hwįbode, ena te Israel dabego tǫba asaibao, tama te tǫ mali dwai genuai mu yaibao. Tama tialima, tigidali sųgų dabe, me ba dabe, me bulu hasa dabe, me bidigo negebo haniani hasa dabe, me te tigidali tǫde bilibo gasa nai dabe, me te tigidali tǫde bidibo we bidi dabe, tigidali wi elama, noma dwai mu saibao. Tama te bulu du dabe alua paibao. Tama me te sao pado bulu dabe te degaibao. Tama te tigidali taun obo dabe hųgia pelama, tama degaibao.

Ma Dobola Sali 34:7

Te eno we bidi hani hauwa godolo iduyu, tama te eno po dąų wali tiwai gilama, tama eno augwaligo hagoma ebo haniani dwai kolesaga te sela sąbo dao. Tiali goli, te dwai sę ebo bidi dabebolo eno dene ilaibao. Tama eno augwaligo wai dabebolo me, tama augwaligo nosali pedalobo wąį te wai dabebolo me, tama te sela, me te me si me si haniba te tiwai dene mabo sę naga augwaliba pedelaibao,” wali.

Israel Hanigo Namba 25:11

“Te Finiasgo te si elalio, tama tibaso eno te Israel we bidi dali sębę menio. Magi baso meni. Agai homugo te Israel dabego te tibo godiba lotu wabo hagela mu yali. Agai bomogo augwali ena deliba naga lotu omainao olama bomo yali dao, te eno ena homugo emainao wali gilama tama. Tama tialima, eno tigidali we bidi mu dolai menio.

Jeremaia 50:15

Te dagego agai bomai bagulali obo aluali sogo, te agai ma hwįabo hagela ebaso, te dagego aga somainogo gogola tagalali, tialima, dagego te tigidali pedai habuba genuai dagą olama, i waiyąo. Tialima, megi da, dagego aga mu dolao, te agai gasa hani dabe dolali tiwai yao. Dagego agabolo te dwai dene mabo sę umagia mu ilao, magi baso meni, te kolesagade ena Genuai Bidi, eno agabolo te dwai dene mabo sę ilibo dao.