“Tama tuni bidi agai te pobase nogo badu bidibo we bidi augwalibolo e tobage po waibao, ‘Dage haga yabo bidi dabe dao. Dage enade geda selama, tama dage te munu me sula sisąbo siaba pao, te sia te Ayago sisi ilali elalubo, te dwai sę yali tobolu bidi Satan aga wali bilibo mobo ensel bidi dabe augwali dali mumainogo yai.
Dwagi Yai Gesi Po Makgo Asęani 9:43 - Godigo dwagi yai po buku43 Tama tibaso, dage deli delide e tiwai dao. Te nago nogogo te nage dwai sęba tulalumainu ilibaso da, te nago te nogo aga togolama sela sąyao. Teda nago nogo deli naga elaluyu, tama nago te dwai sę isiąbo te sesemane sogo bidada pabo ula sabo, te usu dao. Tiali goli nago nogo si me elaludu da, tama augwaligo dwai sę eyu, nage te genuai dene mu siyu bidada pabo te isisąbo sia dabo madi teba peyu da, te dwai mu dao. Gade chapit la |
Dwagi Yai Gesi Po Makgo Asęani 9:43
23 Referans Kwoze
Te da me, da magi ebawe? Te polobadu bidali we bidi augwali doligulama tama da te genuai pǫgo bagulubo tiwai elama, tama augwaligo dabolo te Godide konealubo homu dąų wabo kolesaga ola mawai. Tama tibaso, dago me te ususu si yainogo uda yabo bidi tiwai eyu, te tigidali sęgę yai nai guda sąyao, te dade dąų wabo dwai kolesaga tigidali me te dago guda sąyao. Tama dena homu dąų ilama, tama Godigo dabolo sa muyu uda yao wali madi sabolainogo da bomonama te dąįba uda iyąo.
Tiali goli megi eno po dagebolo obao: Tama bidi mego aga ama dali sębę eyu da, te bidi aga po tuba odasa paibao, tama dene saibao. Tama bidi mego aga ama dali dwai po obaso da, teda te bidi aga te polalubo kaunsil bidibo digiba pelama, po tų emainogo yao. Tama bidi mego aga ama dali nogi posobo po weyu, nage sę isiąbo homu meni yai dwai bidi dao weyu da, teda te bidi aga te dwai madigi sia dabo dene sabo buluba paibao.
Te nai dagalobo bidi tiwai agai aga savol te aga nogode tolalubao, tama agai te tubo nai wit ge dagalobo sę emainogo ebao. Tama agai te wit hogomu te tigidali sela sąwaibao. Tama agai te wiegi yai wit ge naga aga wit ge muabo beba sisinaibao. Tiali goli agai te dwai wit hogomu te isisąbo siaba ulaibao,” Jongo te po wai.
Tama da tǫde we bidi dago Godigo bomai po tudiba muyu, tama te dwai dwai kolesaga eyu bidai dao. Tiali goli agai olo tau sabo wiegi yai kolesaga tego da e tiwai ola mabo dao: “Dagego te dwai sę tudiba muao, te doloba pai kolesaga naga yao, tama dage e tǫde bidibadi te Godigo gedude dwagi yai we bidi bidao.”
Dage Kolosi bulude bidibo we bidi, dage Krais dali hodobo gų pagede ma hodaluali ąǫ tiwai ebaso, dagego te duga tigigo ebo dwai kolesaga tigidali isilao, te tǫde kolesaga ebo tagalao. Te tobage kolesaga e dao: dwai penani ebo kolesaga dali, meda yai kolesaga dali, te homu hodolobo dwai sę yabo kolesaga dali, te habu selali nai sabo homu ebo dali, tama doado bage hauwa sainogo godolo ebo kolesaga dali. Te doado bage hauwa sabo kolesaga da, te tibo god selama tama agabolo lotu po weyu aga dologode bidibo kolesaga tiwai dao.
Tama God agai dage te gesi noma bidabo ula mobaso, dagego te gasa bidi dabe dene mabo kolesaga tigidali tagalama, sela sąyao. Tigidali tibo kolesaga dali, te ugwadu homugo tibo po wabo kolesaga dali, te si tagalao. Tama gasa bidigo doado bage me, te agai ebo sę dali sigo dage aiyaba elaluyu, tama tibaso dagego te bidi aga dali dwai homu elama tama aga dali sębę egio. Te gasa we bidi nogi posobo po weyu ebo, te kolesaga me dagego tagalao.
Menio. Eno te ena tigiba mu eliyu tama aga ena homu wali pomainogo ebo dao. Magi baso meni. Eno te Godigo wiegi yai gesi po te gasa we bidi hauwabolo pusubo dao, te augwaligo te po bugagia wali pomainogo ebo dao. Tiali goli nosali ena digi te eno te po bugagia wali pisąyu tama ena tulaluidali weyu, tama eno bomonama te eno ebo kolesaga bugagia tonalubo dao.
Tama tibaso, te sę ebo bidi aga genuai bidi pageba ma pelama, augwaligo wali po pusigi pali. Tama te genuai bidi sębę elama, dwai homu yali, te i wali bidi augwalibolo. Aga sę ebo bidibolo te po wali, ‘Polo pao. E moni taun genuai pabo tųde me, dwasianu pabo tųde me, tede bidibo nai meni yai we bidi oda sigi pelama, asao. Te tigi dwai we bidi me, gedu widai we bidi me, sągą dwai we bidi me, tigidali oda sigi pelama, eba asao,’ te po wali.
Aga homu agai te takis mone masiąbaso da, te usu da, te homu eyu tama agai Pitabolo po me wai, “Tiali goli, e takis sabo bage augwaligo da si dali dwai homu idali weyu, tama nage te sigi ąįba pelama, te sųgų sabo huk te ąįba sągi pao. Tama nago hasia sabo sųgų, te nago selama penane pedegao, tama nago te sųgų tomode te mone ge me deli sueibao. Te mone ge nago selama, augwalibolo mao, te dadi si talua sigo takis mone usu nama muaibao,” Jisasgo te po wai.
Piblisite