Dwagi Yai Gesi Po Makgo Asęani 9:29 - Godigo dwagi yai po buku

²⁹ Tama agai te po augwalibolo wai, “Te Godibolo gedu haluasa po wabogo naga te tobage dwai haubo noma bage sela sąbo te usu yaibao. Te gasa sę ebogo da, te usu me egobeo,” te po wai.

Dwagi Yai Gesi Po Makgo Asęani 9:29 Referans Kwoze

Jems 5:15

Tama augwaligo Godibolo te konealubo po mu dąų olama gedu haluasa po weyu da, te Genuai Bidigo te gasi bidigo gasi usu ilama ma hodolaibao. Tama te gasi bidi agai dwai sę meba yaibaso da, te Genuai Bidigo te dwai sę tigidali sela sąwaibao.

Matyu 17:20

Tama agai te po augwalibolo wai, “Dagego homu Godiba dwasianu naga begi pobaso, dagego te sę yainogo ebo te usu meni dao. Awe, eno mu po dagebolo obe dao, te dagego Godiba duga homu begi pabo kolesaga te dwasianunu, te kemeni ge tiwai usu elalubaso da, teda dagego e bulu dubolo te po weyu da, ‘Nage hodaluama tama u badu pao’ wabo si da, tama aga teba paibao. Tama dagego te tiwai bomai sę tigidali ebo te usu yaibao.

Daniel 9:3

Tialima, eno gedu haluasa po te God Genuai Bidiba wabo gagalali. Eno haliga hobede mu yali, tama eno nai munu me tusiąma, tama eno te homu dene ebo ugwa bea selama, tama sia keli eno tigide muani. Ena te tiwai bidiyu, tama eno gedu haluasa po bomonama te Genuai Bidiba wali.

Efesus 6:18

Tama tiyu, tigidali sogo dagego po God dali wao, agai dage tau somainu yai. Tama te Godigo Mobo Bidi agai dage bomo mayu, tego Godibolo po wao. Te sę yainu, dage pila mugimio, hodaluao, nolǫ isiąbo ąǫ egimio. Te sę munu me tagaligio. Tigidali sogo dagego gedu haluasa po Godigo we bidi tau somainu wao.

2 Korin 12:8

Sela sogo eno dago Genuai Bidibolo hanaluyu po wali, te dene mabo nai agai enade sela sąmainogo yai.

2 Korin 11:27

Eno sę dene haniani mu yalio. Hauwa sogo ena hulide sę eyu, tama ena godege me pibe. Ena nai sili bidali, tama ena ąį nogonego sali. Hauwa sogo eno nai gisilali. Ena kedaugo me siyu, tama ena ugwa me meni yai bidai dao.

Dwagi Yai Gesi Po Lukgo Asęani 11:26

Tama ma pelama, te 7 te tama dwai haubo noma bidi dabe agai odasa asobo da. Tama te gasa dwai noma haubo bidi dabego dwai dwai sę ebo kolesaga te ebogo te hasia dwai mobo haubogo ebo dwai kolesaga aiyaba elalubo dao. Augwali asama, aga dali te bidi ma te tuagasobao. Tama tibaso, polobadu yali sę tagalama, ugwanu mu te egi pobao,” Jisasgo te po wali.

1 Korin 9:27

Menio. Eno te ena tigiba mu eliyu tama aga ena homu wali pomainogo ebo dao. Magi baso meni. Eno te Godigo wiegi yai gesi po te gasa we bidi hauwabolo pusubo dao, te augwaligo te po bugagia wali pomainogo ebo dao. Tiali goli nosali ena digi te eno te po bugagia wali pisąyu tama ena tulaluidali weyu, tama eno bomonama te eno ebo kolesaga bugagia tonalubo dao.

Godigo Sęba Tagala Palai Bidigo Po 14:23

Tama tigidali bulude augwali sigo Jisasgo po wali pabo hani we bidi tonaluabo tobolu bidi dąį ilali. Tama nai osogo gisilama, Godibolo po olama, augwali sigo te tobolu bidi dabe Godigo nogode muai, augwaligo aga konealubaso.

Matyu 12:45

Tama aga pelama, gasa dwai noma te a naga olama me si sigi pali. Tama te gasa dwai noma haubo dabego te dwai dwai sę ebo kolesaga tebogo te hasia dwai mobo haubogo ebo dwai kolesaga aiyaba elalubo dao. Tama augwali aga dali aselama, tama augwali tomoba pelama, tama augwali te bede bidibo dao. Polobadu te bidi dwai bidai, tiali goli megi me te aga dwai mu bidibao. Te tiwai naga megi e sogo dwai sę eyu bidibo we bidi augwalibolo me te tiwai sę pedelaibao,” Jisasgo te po wai.

2 Korin 6:5

Bidi dabe augwaligo da elama tama da kalabus iliyu yai. Te boi bidi dabe augwaligo da pobesa bilama tama moni po dagą weyu, po dwai i olama dabolo wai. Da moni sę dene mu yali. Da hauwa sogo bugagia godege me pisąwai. Tama da nai sili bidiyu yai dao.

Matyu 17:21

[Tiali goli dagego te gedu haluasa po wabo me, te osogo nai gisilibo sę me, te sę si isiąbaso da, teda dagego te tobage gasa dwai haubo noma bidi sela sąwainogo ebo te usu egobeo. Menio.]” Jisasgo te po wai.

Dwagi Yai Gesi Po Makgo Asęani 9:28

Nosali Jisas te be tomoba pelama, tama te aga wali pabo bidi dabe naga bidalubadi tama augwaligo agabolo hanalu wali, “Magi baso dago te dwai haubo sela sąwainu yali te usu meni yaniwe?”

Dwagi Yai Gesi Po Makgo Asęani 9:30

Augwaligo te bidali bulu taga peyu, tama augwali te Galili tǫ tomoba pali. Tama Jisasgo te aga menade bidibo, te we bidi augwaligo aga koneidali homu yai.