Dwagi Yai Gesi Po Makgo Asęani 9:27 - Godigo dwagi yai po buku

²⁷ Tiali goli Jisasgo aga nogo tola selama, tama aga hodolobaso, tama aga doligulalio.

Dwagi Yai Gesi Po Makgo Asęani 9:27 Referans Kwoze

Godigo Sęba Tagala Palai Bidigo Po 3:7

Tama olama, sągą dwai bidigo dolo nogogo Pita nogo tolasa hodaluali. Tama megi tama sągą si dali si ma dolo yali, te aga sągą gąų si me ma dolo yali, tama tigidali sągą dili ma bomo yai.

Dwagi Yai Gesi Po Makgo Asęani 1:31

Te po olama, tama Jisas agaba pelama, tama aga nogo tola sigi pelama, hodolali. Tama te tigi posolo gasi agade elaluali tagalama, tama te wego augwali nai sisi ilibo sę yai.

Godigo Sęba Tagala Palai Bidigo Po 9:41

Pitago agai nogo tola selama, dodolali. Pitago te Jisasgo po wali pabo we bidi me i olama, augwali aselama, agai te we augwalibolo ola mawai, “Dorkas te bidibao,” wali.

Dwagi Yai Gesi Po Makgo Asęani 8:23

Tialima, Jisasgo te gedu widai bidigo nogo tola selama, tama agai aga te buluba odasa soali. Tama agai te bidi geduba pesa sąnama, tama aga geduba te nogo ugwadu munama, tama agabolo hanalu wali, “Nago te nai me deli subowe, ma meniwe?”

Dwagi Yai Gesi Po Makgo Asęani 5:41

Tama agai te wegi nogo tolalu, tama agabolo weyu, te po wali, “Talita kumi.” Te po begelama tama dena pogo te po page e tiwai dao, “Dwasianu wegi, eno nagebolo obao, nage hodaluao,” wali.

Dwagi Yai Gesi Po Makgo Asęani 1:41

Tama Jisasgo aga homu dene mu ebaso, tama agaba nogo munama diąyu, tama agabolo te po wai, “Awe, eno homugo nage gasi usu ilaibao. Tama nage wiegi yai pedalao, te meda meni yai bidi bidao,” te po wai.

Aisaia 41:13

Ena Genuai Bidi, te duga God dao, eno dage ugwaba sagualu tonalu, te eno te tiwai po dageba obao, dage wi me igio. Te eno dage tau saibao, te po wai dao.”

Matyu 9:25

Tama te we bidi augwaligo te bedu buluba gudulama, tama te wegi tigi munalubo be dąį togali tomoba pelama, tama Jisasgo nogogo te wegigo nogo tubaso, tama te wegi ma hodaluali.

Dwagi Yai Gesi Po Makgo Asęani 9:26

Tama te dwai haubogo te dwai i weyu, tama agai te ogwa degelai sedu genama, tama te dwai haubogo te aga taga peyu tama palio. Tama te ogwa te isai bidi tiwai munaluali. Tama bidi hauwa augwaligo te po weyu, “Aga te isali dao,” wai.

Dwagi Yai Gesi Po Makgo Asęani 9:28

Nosali Jisas te be tomoba pelama, tama te aga wali pabo bidi dabe naga bidalubadi tama augwaligo agabolo hanalu wali, “Magi baso dago te dwai haubo sela sąwainu yali te usu meni yaniwe?”

Godigo Sęba Tagala Palai Bidigo Po 23:19

Te ami hani tobolu bidigo te gesi bidi nogo tolasa, augwali si gasa habuba bidi meni yaiba pelama, agai te gesi bidibolo hanalu wali, “Nago homugo magi po enabolo waiwe?” wali.