Dwagi Yai Gesi Po Makgo Asęani 9:25 - Godigo dwagi yai po buku

²⁵ Jisasgo te genuai we bidi hani augwali sisinagasobo suali. Tama tibaso agai te dwai haubo bidiba wado iliyu, te po wali, “Nage te pedauwali pania sai, me nage te olo degai haubo bidi, eno nagebolo obe dao, nago te ogwa taga pao! Tama nage aga tomode munu ma bidilamu dao,” te po wai.

Dwagi Yai Gesi Po Makgo Asęani 9:25 Referans Kwoze

Godigo Sęba Tagala Palai Bidigo Po 16:18

Tama te wegigo agai umabo sogo tama naga tiali. Tibaso, nosali Pol aga hagela mu yali. Pol aga begegi solama, te dwai mobobolo te po wali, “Eno Jisas Kraisgo bomode nagebolo obao,” wali, “te wegi tagalama, nage pao.” Pol agai te po olama, tama te dwai mobogo te wegi polo taga pali.

Dwagi Yai Gesi Po Lukgo Asęani 9:42

Te ogwa Jisas pageba asobadi yaide, te dwai haubo noma bidigo elama, tǫba degasa pelama, aga nogo sągą didigi yali. Tama Jisasgo te dwai haubo noma bidibolo hagebo po weyu, te haubo bidi sela sąyu, te ogwa ma sana palama, aga ayabolo ma mani.

Dwagi Yai Gesi Po Makgo Asęani 9:15

Te po odobo we bidi tigidali augwaligo te Jisas asobo sulama, tama polo te augwali midigi siyu te noma sali. Augwali te aga pageba udada pelama, tama augwaligo siade da po aga dali wali.

Matyu 17:18

Tama te ogwa sesama, tama Jisasgo te dwai haubo noma bidibolo wado ilibo po obaso, tama agai te ogwa dali bidali tagalama pabo si da, tama megi naga tama te ogwago gasi sia sai dao.

Jutgo Asęani Pas 1:9

Augwaligo te posobo po olamuo. Suao. Polobadu te ensel mobo bidi dabego polalubo ensel nogi Maikel, agai te dwai haubo mobo tuni bidi Satan dali augwali si po konila yai, te isai bidi Mosesgo tigi hagede konila yai. Tama te sogo Maikel agai te Satan dwai nogi posobo po me wabeo. Te meni. Agai Satanbolo te po wai, “Genuai Bidi aga digi nage osola sulama, tama sęgę mawaibao,” te po wai.

Dwagi Yai Gesi Po Lukgo Asęani 11:14

Me sogo Jisasgo te po wasiąbo dwai noma haubo bidi sela sądubadi, te dwai noma haubo bidigo te bidi tagala palobadi, te bidigo nosali po ma wabo gagalali. Tama te we bidi dabego te sę ebo sulama, noma mu salio.

Dwagi Yai Gesi Po Lukgo Asęani 8:29

Jisasgo dwai haubo pomainu gudulu baso, te bidigo te po wali. Polobadu hauwa sogo bidi dabego te bidi aligabo bidilama, kalabuside muani. Mubadi goli, dwai nomago tulama, dią paludali. Tama te dwai haubogo te bidi te bidi meni yai bulu tomoba sela piduali.

Dwagi Yai Gesi Po Lukgo Asęani 4:41

Dwai haubo dabego we bidi hauwa taga pali. Tama te dwai haubo dabego hai olama, te po wali, “Nage Godigo Ogwa dao.” Augwaligo koneani, Jisas te Godigo we bidi tau somainu sa muani bidi Krais da. Tama tibaso, augwaligo te po te we bidibolo waidali weyu, agai augwaligo po tomode togwa sąyani.

Dwagi Yai Gesi Po Lukgo Asęani 4:35

Tama Jisasgo agai po tomode togwa sąyu, te po wali, “Nage sagiasa peyu, te bidi taga soao,” wali. Tama te dwai haubogo te bidi augwali tomode te tǫba sąyani. Tama te dwai mobogo taga pelama, te bidigo tigi me dolobe.

Sekaraia 3:2

Tama Genuai Bidigo Satanbolo e tama po walali, “Satan, eno nagebolo obao, nago po deli me olamo dao. Eno Jerusalem godolo mu ebao, tama eno nagebolo penane pania sao po te obao. Eno te bidi Josua ma salio. Te bidi mego te isi dage dolidali iside selama, agade te isi sula selama, te isi dage nogogo tolalubo tiwai, te aga dolidali weyu eno te bidi Josua te tama ma dobola salio,” wali.

Matyu 12:22

Tama te sogo augwaligo bidi me deli agaba sela asali, tama te bidide dwai haubo mobo bidi bidai. Aga gedu dali pedauwali dali te si pania sai. Tama Jisasgo aga usu ma ilali, tama te pedauwali pania sali bidi po ma weyu gedu ma pedeyu yai dao.

Dwagi Yai Gesi Po Makgo Asęani 9:24

Tama polo te ogwa aga ayago i weyu, te po wai, “Eno nagede konealubo po dąų wali, tiali goli tede ena te habuge tiwai yai! Nago ena tau sao!”

Dwagi Yai Gesi Po Makgo Asęani 9:26

Tama te dwai haubogo te dwai i weyu, tama agai te ogwa degelai sedu genama, tama te dwai haubogo te aga taga peyu tama palio. Tama te ogwa te isai bidi tiwai munaluali. Tama bidi hauwa augwaligo te po weyu, “Aga te isali dao,” wai.