Dwagi Yai Gesi Po Makgo Asęani 9:23 - Godigo dwagi yai po buku23 Jisasgo agabolo te po wali, “Awe, mu da, te nago enade te po wali, ‘Nago usu yaiba wida,’ nago te po wali. Tiali goli te tiwai meni. Te nago enade konealubo po dąų olama, tama nago homu enaba tialubo usu elalu da, te nago tigidali nai sabo te usu yaibao.” Gade chapit la |
Dwagi Yai Gesi Po Makgo Asęani 9:23
12 Referans Kwoze
Tama bidigo Godide tiąluama tama agade konealubo po dąų me wasiąwani bidi, agade te Godigo dwagi yai homu egobeo, godolo munu me egobeo. Magi baso meni, te bidigo Godibolo lotu po wagi painogo homu ebaso da, te bidigo konealubo po Godide dąų olama agade tiąluyu bidao. Tama tiyu, agai e homu dolo yao: “Awe, God aga mu bidibo dao, te aga gegebo we bidi dabebolo agai wiegi yai nai nosali mu mawaibao,” te homu aga dolo yao.
teda dagego te bulu dubolo po weyu, ‘Nage hogodama, tama nage te tamu ąįba samonao,’ te po wagameo. Tama homu si me isąyu, tama duga homude Godide konealubo po dąų naga olama, te po weyu, ‘Eno te wali po te mu po pedalaibao,’ te homu mu eyu da, teda dagego te bulu dude wali po gilama te sę mu pedalaibao.
Tama agai te po augwalibolo wai, “Dagego homu Godiba dwasianu naga begi pobaso, dagego te sę yainogo ebo te usu meni dao. Awe, eno mu po dagebolo obe dao, te dagego Godiba duga homu begi pabo kolesaga te dwasianunu, te kemeni ge tiwai usu elalubaso da, teda dagego e bulu dubolo te po weyu da, ‘Nage hodaluama tama u badu pao’ wabo si da, tama aga teba paibao. Tama dagego te tiwai bomai sę tigidali ebo te usu yaibao.
Tama tialima augwali kigamu hulide mu hogodaloama, tama augwali te taun Tekoa, te nai meni yai wa pai bulu pąba pabo kegaluali. Te augwaligo Jerusalem taga pisąmadi, Jehosafatgo augwalibolo te po walali, “Dage Juda hani bidi, me dage Jerusalem bidi dabe, dagego odiąo. Dagego Genuai Bidi dena Godiba homu bomo elama dąų waiąo, tama dage bomo elama dolaluaibao. Tama me dagego Godigo profet bidi dabego po me mu po dao homu elama homu dąų wayu yao, tama dagego te wabi hwįbo ugwa ela holaibao,” wali.
Tama te Genuai Bidi Jisas agai augwalibolo te po wali, “Edao. Dagego kolesaga enaba mu dąų wabo sę te dwasianunu kemeni ge tiwai dwasianu elalugi sogo da, teda e gasa nigo dagego wabo po odigi da. Dagego e gasa niba ‘Nage naga pedali dabe tǫdu gudama, tama te tamu ąįba pelama, naga digi teba buligi pao’ obaso da, teda te nigo te po odaibao, teba buligi paibao,” wali.
Piblisite