Dwagi Yai Gesi Po Makgo Asęani 9:17 - Godigo dwagi yai po buku

¹⁷ Tama te we bidi hani tomode bidali bidi me deli agai te po Jisasbolo wei ponoyu, te po wai, “Tisa, po ola mabo bidi, te eno ogwade te pedauwali panialubo dwai haubo noma bidi me deli elalubaso, tama eno aga te nageba odasa asai.

Dwagi Yai Gesi Po Makgo Asęani 9:17 Referans Kwoze

Dwagi Yai Gesi Po Lukgo Asęani 11:14

Me sogo Jisasgo te po wasiąbo dwai noma haubo bidi sela sądubadi, te dwai noma haubo bidigo te bidi tagala palobadi, te bidigo nosali po ma wabo gagalali. Tama te we bidi dabego te sę ebo sulama, noma mu salio.

Dwagi Yai Gesi Po Makgo Asęani 9:25

Jisasgo te genuai we bidi hani augwali sisinagasobo suali. Tama tibaso agai te dwai haubo bidiba wado iliyu, te po wali, “Nage te pedauwali pania sai, me nage te olo degai haubo bidi, eno nagebolo obe dao, nago te ogwa taga pao! Tama nage aga tomode munu ma bidilamu dao,” te po wai.

Dwagi Yai Gesi Po Jongo Asęani 4:47

Tama te gasi yai ogwa aga aya agai Jisas Judia tǫ tagalama, Galili tǫba asali po odai. Tama tibaso, te bidi Jisas bidibo digi pelama, tama Jisasbolo hanaluyu, po bomo elama wai, tama Jisas te agai ogwa Jisasgo geselemainogo yai. Aga homu Jisas te Kaperneamba pelama, tama agai ogwa ma geselaibao. Te gasi yai ogwa pąde tama isainu elalubo wai.

Dwagi Yai Gesi Po Lukgo Asęani 9:38

Te we bidi tomode bidi me deligo moni hai i olama, te po wali, “Po ola mabo bidi, eno nagebolo hanalube dao, e suao. Eno ogwa deli digi tama dao.

Dwagi Yai Gesi Po Makgo Asęani 10:13

Te we bidi meba augwaligo te augwa dwasianu wai puluba meba te agaba odasa asali. Augwaligo homugo te agai nogo augwaliba muyu, te augwaliba dwagi yai sę pedalabo po omainu homu yai. Tiali goli te aga wali pabo bidi dabego augwaliba wado ilali.

Dwagi Yai Gesi Po Makgo Asęani 7:26

Te we aga te Juda hani isąwai we da, aga te Fonisia hani we, te Siria moni tǫde elalubo bulu da. Agai te Jisasba i weyu, te agai wegide elalubo dwai haubo noma bidi sela sąyao wai.

Dwagi Yai Gesi Po Makgo Asęani 5:23

Tama agai bomonama agabolo te tiwai po hanalu wali, “Te eno dwasianu wegi te pąde isabo homu yai. Nago agaba nogo muagaselama, tama aga usu ma igulama bidimainogo obao,” te bidi Jairusgo te po wai.

Matyu 17:15

tama te bidi agai te po wai, “Genuai bidi, nago eno ogwade homu dene eyu tau sao. Aga te esela pelama, tama aga tigi dwai mu bidibao. Awe, hauwa sogo aga te siaba tulaluyu, tama hauwa sogo me aga te ąįba tulaluyu ebo dao.

Matyu 12:22

Tama te sogo augwaligo bidi me deli agaba sela asali, tama te bidide dwai haubo mobo bidi bidai. Aga gedu dali pedauwali dali te si pania sai. Tama Jisasgo aga usu ma ilali, tama te pedauwali pania sali bidi po ma weyu gedu ma pedeyu yai dao.

Matyu 9:32

Te bidi si Jisas tagalama painogo ebadi, tama gasa bidi dabe augwaligo bidi me deli te pedauwali pania sai bidi te dwai haubo mobo elalubo bidi sela aselama, tama Jisas pageba sela asai.

Dwagi Yai Gesi Po Makgo Asęani 9:16

Tama agai te aga wali pabo bidi dabebolo hanalu wali, “Dagego te konila po wabo te bomai po page koneani bage dali te mena pode obawe?” te po wai.

Dwagi Yai Gesi Po Makgo Asęani 9:18

Te hauwa sogo te dwai haubogo aga dąų olaluyu, tama agai aga te tǫba sądubao. Tama aga pedauwalide te pesa dini pedaliyu, tama aga kele penane dagana selama, tama aga tigi te tigidali boma peyu didila pai. Tama eno te nage wali pabo bidi dabebolo te dwai haubo sela sąyao po hanalu wali, tiali goli te augwaligo usu ebeo.” Te bidigo te po wai.